يا جماعه انا معايا لانوس وكنت عاوز اغير العربيه وعجباني الكارينز بس للاسف تمنها غالي عليا ولما شوفت التيجو اتوهمت بشكلها و قلت ادور في النتديات علي راي الناس فيها
لقيت كلام يحير ناس بتقول زي الفل ومفيهاش مشاكل بس خامات التقفيل مش قد كده وناس بتقول انا العربيه فيها كذا مشكله وكل شويه علي التوكيل علي شان مش عارف ايه باظ وخرطوم ايه اتقطع
انا احترت انا مبفهمش في الميكانيكا ده حتي الكاوتش لو نام مبعرفش اغيره
لو كان علي عيوب تقفيل خفيفه تتعالج في التوكيل مش مشكله لكن انا مش فاضي ان كل شويه اروح التوكيل علي شان عيب ظهر جديد في العربيه.انا بصراحه محتاج عربيه عاليه ذي التيجو علي شان الطرق الزباله الي مليا البلد وياتري العيبوب الي الناس ذكرتها في العربيه دي حتتعالج في التوكيل في الدفعات الجديده ولا ايه؟
انا فاكر لما جبت اللانوس علي الزيرو غيرت حاجه في العربيه اسمها بيوض بعد 3000 كيلو وغيروها مجانا في التوكيل لان ده عيب تقفيل.الشهاده لله انا مستريح جدا مع اللانوس الي مشفتش منها اي مشاكل طول 5 سنين الي فاتوا بس عبها الوحيد انها وطيه جدا. المهم أرائكم ايه؟ أشيل موضوع التيجو من دماغي لغايت مربنا يسهلي و اقدر اجيب الكارينز ولا أجيب التيجو ولا ايه
المفضلات