الموضوع: بيقولوا ان اسعار قطع الغيار نااار ومش بتتباع ... الكلام ده ايه نظامة ؟؟؟

على فكره الصينى بتتباع على انها عربيه نسبيا سعرها رخيص بس قطع غيارها غاليه جدا وغير موجوده غير فى التوكيل ودى لعبة الوكيل انك طول ماانتا راكب العربيه هاتستهلكها يعنى هاتحتاج قطع غيار مش هاتلاقيها الا عنده وساعتها هاتروحله وهايغنى عليك زى ما هوا عايز على فكرة المعلومات دى انا جايبها من اصدقائى الى اشتروا الوهم وجابوا الأسبيرانزا السابقه ناهيك ان التوكيل ايضا لايتعامل بأى احترافيه مع العميل وبعد المأساه الى بيعيشها صاحب السياره الصينى يحاول انه يتخلص من هذا الكابوس ويبيع العربيه لكنه يصطدم بأسعار السوق دا ان لقى حد اصلا يشتريها الناس مش بتحب تشترى الكورى المستعمل ولسه عندها ثقه فى الألمانى واليابانى بس يبقى ازاى هاتروح للصينى فهل تقبل ان تخسر 20الف على عربيه ماركبتهاس سنه ونص (راجع اسعار الأسبيرانزا المستعمله وهاتتأكد من صدق كلامى)
ايضا اختبارات السلامه للعربيت دى فشلت بطريقه زريعه الى يأكد كلامى لحضرتك ان مفيش اى عربيه من دول موجوده فى اى دوله اوروبى انا شوفت اختبارات السلامه لعربيه بريليانس الى توكيلها هنا البافاريه والعربيه على سرعة 60كم/س الأكصدام الأمامى دخل الكابينه
فالعمر مش بعزقه والفلوس مش مسروقه ولا ملقية علشان تجربهم فى عربيه زى دى
نيجى بقى للنيسان
1-عربيه يابانى
2- توكيل اكثر من محترم
3- قطع غيار ارخص من كل اليابانى (مثلا الانسر)
4-عربيه زيرو يابانى فيها abs+ebd +airbags+automat
وكل دا ب90 الف فقط دى ارخص من العربيات الكورى الى فى نفس الفئه بتاعتها
بالنسبه لأعادة سعرالبيع مش معقول انك هاتشترى العربيه السنه دى وتفكر فى سعراعادة بيعها والى بيقولوا ان العربيه سعر المستعمل بتاعها واقع انا عايز حد منهم ياخد 60الف ويجيب عربيه مو 2004 صنى حالتها كويسه على العكس العربيات دى ماسكه سعر جامد والسوق بدأيغير من نظرته للعربيه دى بعد ماانتشرت ومراكز الخدمه بتاعتها انتشرت فى الجمهوريه وبقى ليها قطع غيار فى كل مكان فى ش دمشق وفى التوفيقيه وفى الحرفيين وفى........
الحاجه التانيه مش هاتركب عربيه يابانى وتفكر من دلوقتى فى قطع غيارها
واخيرا انتا حطيت نفسك فى مقارنه غير متكافئه بين عربيتين متناقضتين
يعنى خايف من قطع غيار الصنى ومش خايف من الصينى؟؟؟؟؟
خايف من سعر اعادة البيع للصنى ومطمن للصينى؟؟؟؟؟
انا اسف انى طولت عليك بس يارب اكون وصلتلك وجهة نظرى
والسلام عليكم

الجديد كله قطع غياره غالية

بس الصنى أسعارها معقولة والله مقارنة بالحاجات التانية

وياريت تنسى الصينى ده خالص طالما عندك إمكانية إنك تجيب النيسان صنى

وطبعا إستخير ربنا قبل ما تقدم على أى شئ وربنا يعملك اللى فيه الخير إن شاء الله

مختصر الكلام هو الآتى:
بالفعل العربية قطع غيارها غالية جدا، ومش موجودة غير فى التوكيل وثقيلة جدا فى البيع، ... كل ده انا متفق معاك فيه، لكن مختلف معاك فى حاجة بسيطة جدا،رأييى ببساطة ان الكلام ده ينطبق تماما على الاسبيرانزا m11 وليس على النيسان صنى

الصنى حاليا مثلها مثل كل اليابانى الموجود فى مصر قطع غيارها عند البقالين، كما انها سيارة غير معقدة نهائيا ولو فيها مشكلة بتتحل فى ثوانى ، ناهيك عن انها مبيظهرش فيها مشاكل اصلا، انا ركبت العربية 3 سنوات ولم احتج لقطعة غيار واحدة باستثناء فلتر الزيت وفلتر الهواء وكاوتش مساحة وبوجيهات (اذا جاز اعتبار هذة الأشياء قطع غيار يعنى)، ويوم ما فكرت ابيع العربية اتباعت فى 3 ايام بالسعر اللى انا عايزه واضطريت اعتذر لاكثر من شخص كانوا عايزينها

مشكلة ماركة اسبرانزا انها مالهاش مسمار برة التوكيل والتوكيل بيبيع ويشترى فيك زى ما هو عايز، نصيحة ما تعملش فى نفسك كدة، ادفع 10 آلا زيادة واركب عربية كل قطعة فيها مكتوب عليها made in japan وليها بدل التوكيل 10 (كل موزع معتمد لنيسان عنده مركز صيانة معتمد وانت من حقك تختار المركز اللى يريحك|) ده بالاضافة ان قطع غيارها متوافرة جديد واستيراد فى السوبر ماركت

كلمة Made in Japan محترمة جداً و تجعلك تشعر بالأحترام و الثقة و هذا هو سر تفوق اليابانيين احترامهم لأنفسهم و ثقتهم فى أنفسهم و التى تجبرك أن تحترمهم و تثق فيهم و صدقنى و بدون أدنى تحيز لا توجد أوجه مقارنة بالمرة بين الصنى و الـ m11