شارك بتجربتك؟؟؟ مين أحسن واحد ظبط لك زوايا العربية؟؟؟؟؟

**misoalex** · 10-01-2010 04:38 PM

محطة بنزين التعاون فى ميدان سفنكس ....
أحب أنبهكم للورش التى تستخدم الكمبيوتر .... فى معظم الأحيان العامل اللى بيستخدم الكمبيوتر بيكون مابيعرفش يقرأ أصلاً !!!! وما بيفهمش الرسائل اللى بتطلع له على الشاشة .... الكلام ده عن تجربة

انا معاك فى الموضوع ده الى بيظبط بالكمبيوتر ده اشتغاله لان الى بيستخدمه فى الغالب مش فاهم اصلا وبيعتمد على الطرق القديمه
والكمبيوتر مجرد منظر
انا جربت واحد فى السيوف فى اسكندريه
والله كل مره اروحله يقولى ادامك 6 عربيات 7 عربيات واغلبهم عربيات اجره يعنى هو لو مش كويس مكانتش كل الناس دى استنته
وعلى فكره بيظبط بالمرايات وجهاز كده فى لمبه

**bakkar80** · 10-01-2010 04:51 PM

محسن قبل مسجد النور فى العباسيه قدام محطه التعاون عنده جهاز حديث جدا بيكشف على الزوايا والشاسيه نفس نظام الأسكانر وعربيتك من تحت بتظهر على الشاشه

**Khaled_Nowaihy** · 10-01-2010 11:38 PM

المشاركة الأصلية كتبت بواسطة michohat

كنت من فتره عملت اختبار كده علشان اعرف مين افضل واحد وكان الاختبار كالتالى
فى عندنا فى المحافظة 2 مشهورين واحد شغال بالكمبيوتر والتانى شغال بنظام المرايه والعواكس
فى الاول رحت للى شغال بالكمبيوتر ظبطت وكل حاجه صح وطلعت من عنده رحت للى شغال بايده عمل لى شغل تانى
بل والادهى ان الاول قال لى ان عندك العجله الشمال مقدمه
والثانى قال لى ان عندك العجله اليمين مأخره
فاقتنعت انهم كلهم سلطه وكله على حسب مزاج اللى شغال

كمان ملاحظة أخرى ,,,, بتاع الزوايا الصح مفروض يتعرف على سبب بوظان الزوايا ... هل توجد مشكلة فى العفشة ؟ علبة الدركسيون ؟ البارات ؟ المقصات ؟ مشكلة فى الشاسيه ؟
اذا لم يعرف السبب الزوايا ترجع تبوظ تانى.
وشــكراً