[align=center]السلام عليكم[/align][align=center]
ازيكم يا شباب
تعرفوا ان حوالينا فى اطفال صغيرين مصابين بمرض انيميا البحر المتوسط ( الثلاثيميا )
تعرفوا ان الاطفال دول مطلوب انهم يتبرعلهم بالدم كل شهر وفى منهم كل أسبوعين
متخيل الالم اللى بيعانيه الطفل ده وهو بيتنقل ليه الدم
طب متخيل الالم الاكبر والطفل ده مرعوب ان ييجى اليوم اللى هيحتاج فيه للدم وميلاقيهوش
اقتباس:
مــــاذا يحـدث لو تأخــر المريـض عــن نقــل الـدم ؟
ده غير الناس المصابين واللى بيعملوا عمليات ومحتاجين دماقتباس:
يشعـر المـريض بالتعـب والإعـيـاء نتيجـة نقـص كـرات الـدم الحـمراء ويحـدث تضخـم فـى الطحـال
الـذى لـه دور هــام لمناعــة الجسـم مـن الميكروبـات وقــد تصـل إلـى ضــرورة استئصـالــه .
وللأسف بيضطروا انهم يشتروا الدم بأسعار كبيره
بينا يا جماعه كلنا نتبرع بالدم
وده نشيد للمنشد احمد بو خاطر بجد روعه بيتكلم عن طفل بيعانى من مرض الثلاسيميا ياريت تسمعوه
للتحميل
بجد يا جماعه ده واجب علينا ولازم نعمل حاجه للأطفال والناس دى
بجد صعب انهم يتألموا من المرض او من العمليه وكمان يتألموا نفسيا من خوفهم من انهم ميلاقوش الدم
- مفيش مصنع بينتج دم صناعى
يا جماعه كلنا مُعرضين لأننا نحتاج دم (ربنا يحفظنا بأذن الله) فعلشانك وعلشانى ، علشان والدك ووالدتك ، علشان أبنك وأبنى لما يحتاجوا دم يلاقوه ، يبقى لازم كلنا نحافظ على ثقافة التبرع بالدم دوريا
ومتخفشى ، الدم اللى هتتبرع بية بيتم تجديدة فى خلال 3 شهور (و4 شهور للنساء) ، وكده كده حتى لو متبرعتش خلايا الدم بتتجدد كل 3 شهور
طبعا فى ناس هتخاف وتقول أنا عندى أنيميا واللى هيقول أنا نحيف وكده ، متقلقشى ، أنت وأنت بتتبرع بيتم قياس نسبة الهيموجلوبين فى الدم وضغط الدم وفى دكتور بيسألك شوية أسألة ولو لا قدر الله مش هتعرف تاخد شرف التبرع بالدم هيقولك مثلا أنك مش هينفع تتبرع أو تعالى كمان شهر ، وفى دكاترة موجوده لو تعبت
- طبعا ناس هتقولى الحقن مش مُعقمة والتلوث وحاجات زى كده ، هقولك متقلقشى ، الحقن مُعقمة وكل الحاجه نضيفة 100 % ، وفى دكاترة هما اللى بيشرفوا عليك (ووالله عندهم ضمير وقلب وهيخافوا عليك ، الدكاترة دول أخوك وأخويا يعنى مننا وبلاش أزمة الثقة تضيع مجتمعنا)
- طبعا ناس هتقولى دول بيبيعوا الدم ، هقولك حرام ترمى الناس بالباطل ، بيع الدم ده بيبقى فى حالتين على حد علمى
1 - أن واحد يكون فعلا بيروح يبيع الدم لمُستشفى خاصة
2 - أن بنك الدم بياخد رسوم (مش دائما) على أكياس الدم علشان تكلفة النقل (نقل الدم بيتكلف كتير جدا فى تعقيمة وتحليلة)
بس 90 % من الدم بيبقى مجانا (بس للأسف المُتبرعين مش كتير فعلشان كده الدم المجانى قليل فالناس بتفتكر أن العربيات اللى فى الشارع دى بتبيع الدم)
أى عربية تبرع بالدم تابعة لمُستشفى حكومى أو بنك دم مبتبعشى الدم ، دى بتسلمة للمستشفى وبيبقى موجود فيها دكاترة مُحترمين
بجد يا جماعه دى لازم تبقى ثقافة عندنا ، مش أنى أتبرع بالدم لصديقى المُصاب ، لأ أنى أتبرع بالدم دوريا ، تبقى صدقة عن صحتك ، مش لازم تشوف حد بيتوسل أمامك علشان تتبرعلة
وللى عايز يتبرع ممكن يروح بنك الدم اللى فى مستشفى الدمرداش أو بنك الدم الرئيسى فى الدقى (والأتين والله نُضاف وعن تجربة)
وفى حمله فى رساله اول خميس من كل شهر بالتعاون مع جمعية مصر شريان العطاء (ودى بتبقى أول خميس من كل شهر )(ووالله بتبقى نضيفة وعن تجربة)
وافرع رساله اهى
فيصل
العنوان: 209 ش الملك فيصل - الطوابق - الجيزة
التليفون: 7442002-7442003-7442004
المهندسين
العنوان:24 ش المدينة المنورة من محى الدين ابو العز _ المهندسين
التليفون:3377714
المعادى
العنوان:تقسيم الاسلكى - امام مؤمن -المعادى
التليفون:7058808
مصر الجديده
العنوان: 9ش احمد عبد الخالق
من شارع الحجاز - امام مدرسة ابوزهرة الاسلامى
التليفون:6207801 _6207802
_6207803_6207804_6207805_6207806
6 اكتوبر
العنوان: طريق المحور_ بجانب مستشفى دار الفؤاد وجامعة مصر للعلوم والتكنولوجيا
التليفون:8373618_8373619_8373620_
8373621
القناطر
العنوان:33ش الجلاء متفرع من شارع فهمى عبد الحميد بجوار مسجد ابو بكر_التقسيم السياحى_القناطر الخيرية
التليفون:2196177
وياريت اللى يعرف اى حملات تانيه او جروبات بتنظم انشطه للتبرع بالدم ميبخلشى علينا بيها
وبينا يا جماعه نرجع مصر شريان العطاء[/align]
اللون الاحمر مخصص للمداخلات الاداريه فقط
مشرف عام 3
بإذن الله التبرع بكرة يا شباب فى جميع أفرع رسالة ، ياريت الكل يروح وييجوا يحكوا تجربتهم (للى هيتبرع لأول مرة)
كمان فى موقف حصلى مرة فى رسالة مصر الجديدة
كنت رايح أتبرع والمفروض أن كان فى كام واحد من زمايلى هيروحوا معايا بس مجوش
المهم انا كنت رايح قبل التبرع بشوية فكان فى بنات وستات كتيير مستنيين وانا كنت الولد الوحيد ، فواحده قالت (مش فاكر والله الكلام بالظبط بس فى ما معناه) شوفو مفيش رجالة بتتبرع وكلهم ستات وبعد كده بصتلى وضحكت وقالتلى أنت بس اللى موجود ، ساعتها والله كنت حزين جدا ومكسوف جدا جدا ، مكسوف من و/على بنى جنسى من الموقف ده
ياريت يا شباب الكل يروح بكرة ويبقى يتابع دوريا ، وأهم حاجه أهم حاجه النية
أستحضروا النية وجددوها قبل ما تروحوا
وشوفوا الأعلان ده جميل بجد
[swf=http://www.youtube.com/v/-hnOgU9nUmM&hl=en&fs=1 width=450 height=450[/swf]
دى حلقة من برنامج خواطر لأحمد الشُقيرى
[youtube]http://www.youtube.com/watch?v=Gopa-NRc-QI[/youtube]
