جزاكم الله خيرا يا بشمهندس على التذكرة الجميلة ديه
بس احب اطلق تحذير
انا عانيت منه شخصيا
اى فرد ناوى على التبرع بدمه يا ريت يدور بنفسه لعى شخص محتاج او يديه لجهة يثق فيها انها مش حتبيع الدم ده مرة اخرى
انا متعود و لا زالت متعود على التبرع بدمى كل شهرين بدون اى مشاكل صحية على الاطلاق
و دايما حاول قبل ما تتبرع تروح للمكان اللى بيعالجوه فيه الناس ديه انا عن نفسى كنت بروح لمركز الغسيل الكلوى اللى فى المستشفى العام فى السويس و دور على واحد محتاج فعلا و متقلقش حتلاقى كتير هناك فى كل وقت و حتلاقى حالات كتير معدمة محتاجه لنقل الدم و مش لاقية و بيخيروهم فى المستشفيات الحكومية بين انهم يشتروا دم او يجيبوا متبرعين و كيس الدم على اخر ما سمعت يتخطى حاجز المئة و عشرين جنية
و اللى اكتشفته ان حملات التبرع بالدم اللى تبع بنك الدم المصرى و الهلال الاحمر و الجهتين دول بالتحديد بعد ما يجمعوا الاكياس الدم لا يعطوها لمن يحتاجها بالمجان ولكن يتم بيعها لهم بسعر السوق
ملحوظة تانية متخليش الكلام اللى فوق يحبطك على التبرع بدمك ده ثوابه عظيم جدا جدا جدا و تذكروا الاية الكريمة
مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً }(32).
كل اللى بتطلبة من حضراتكم انكن فقط تستوثقوا من الجهة اللى حتاخد الدم ده مش حتبيعة و لكن حيتم اعطائه لمحتاجين مجانا
المفضلات