أنا ركبت كورى كتير جدا , لسة راكب تاكسى فيرنا انهاردة و سوقت اللانوس بتاعة صاحبى و بركب الانترا و سيراتو كتييير
الفرق كركوبة مش فظيع يعنى, بالعكس أنا شايف الفيرنا عفشتها مريحة أكتر بكتير من البونتو بتاعتى
البونتو كلاسيك اللى بتنزل مصر مافيهاش abs برضو على فكرة
الموديلات الغالية شوية من العربيات الكورى فيها ايرباج و شغال و كل حاجة, حتى بعض العربيات الصينى بقى فيها ايرباج دلوقتى, يعنى مابقاش معضلة ولا حاجة
أنا عملت حادثة (بس كنت رابط الحزام الحمد لله) و الايرباج مانفعنيش خالص
شوف الحتة دى من wikipedia
airbag - wikipedia, the free encyclopedia
عايز أقول انك تسيب عربية كورى و تشترى أوروبى علشان خاطر الايرباج بس تبقى مش منطقى خالص, المفروض تبص لحاجات تانية زى عدد مراكز الصيانة و تمن قطع الغيار و توافرها و تمن اعادة البيع
أنا لو معايا فلوس كتير هاجيب أوروبى, بس لو حد عايز يجيب عربية سعرها معقول و تقضى الغرض مستحيييل أقوله يجيب أوروبى علشان يتبهدل فى تمن صيانتها و يغيرلها الايرباج ب 25,000 جنيه و ممكن ببساطة يلبس حزام الأمان و خلاص