لما يجيب هيونداى أحسن له , أنا بحب الفيات و عربيتى بونتو بس خلينا نتكلم كلام منطقى:
الفيرنا 1600 يعنى حاتجرى منه من غير مجهود و لا قرص على الموتور , و يا سلام لو جابها أتوماتيك حاتريحه فى الزحمة جدا جدا بعكس البونتو و اللينيا اللى بينزل منها مانيوال بس
الفيرنا قطع غيارها عند البقال و ببلاش , ياعنى يجيب الفانوس الأصلى ب 300 و شوية بتاع الفيرنا ولا يجيب الفانوس التقليد بتاع البونتو اللى ب 450 ؟؟ و لا يعمل صيانة ال 20,000 فى التوكيل أوماترا و يدفع 850 تقريبا؟!
الفيرنا بيفهم فيها أى ميكانيكى و كهربائى و عفشجى , مش محتاجة فن و لا مرغم يروح التوكيل
الفيرنا سعر اعادة البيع زى الفل , مش محتاجة كلام
الفيرنا مراكز خدمتها فى كل حتة , مش عارف 25 مركز باين , مش فيات اللى عندهم 3 !
و فكك من كلام جيرمي كلارسون (رغم انى بحبه و عندى كل حلقات توب جير على الكمبيوتر) لأن الناس فى أوروبا تفكيرها و ظروفها غيرنا تماما , لأنهم ببساطة بيغيروا العربية كل 5 أو 10 سنين بالكتير , انما عندنا العربية تعتبر استثمار و الناس بتبقى تعبانة فى فلوسها
أنا بتكلم بالعقل , مش بمبدأ فيات هى الأصل و الكلام دة
اية رأيك يا أستاذ أشرف فى الكلام دة ؟
المفضلات