هو موضوع محير جدا وربنا يكون فى عونك , بس لا تفكر الا فى اوتوماتيك عشان زحمة مصر وقرفها
رقم العضوية : 1515
تاريخ التسجيل : 21Jul2007
المشاركات : 237
النوع : ذكر
الاقامة : october
السيارة: ya mosheh ya rab
السيارة[2]: accent
دراجة بخارية: لا يوجد
الحالة :
السلام عليكم
فى البداية احب اسجل اعجابى بهذا المنتدى وباعضائة الكرام
اسف انى بكت موضوعى دة فى المنتدى العام بس انا فعلا نفسى كل الناس ترد علية ويفكروا معايا
احب فى البداية انى اعرف نفسى واحكى الموضوع وحيرتى فى شراء سيارة جديدة
اخوكم فى الله طبيب امتياز دكتور احمد وساكن فى اكتوبر ......القصة ومافيها
اسرة مكونة من 6 افراد اب وام و3 شباب وبنت صغيرة اكبرهم انا 25 سنة
لم تتح لتلك الاسرة امتلاك سيارة ابدا فى حياتها نظرا لظروف مادية وايضا لان والدى يعمل فى الخارج وايضا اننا كلنا ولاد وساكنين فى اكتوبر وعمرنا تقريبا ما خرجنا من اكتوبر الا للسفر فى المصايف ودة كنا بنعتمد فية على خالى اللى كان بيسافر معانا كل سنة بعربيتة وطبعا انا واخواتى الولدين لما دخلنا الجامعة كانت المواصلات زى الفل معانا والحياة مفيهاش مشاكل
والغريب انى ولا حد من اخواتى فكر انة يتعلم سواقة خالص لاننا كنا معندناش عربية ومفكرناش فى الموضوع خالص......
بس كعادة كل الابهات المكافحين فى الخارج كانوا بيحاولوا يعوضوا نقص غيابهم عن ابنائهم بالوعود مثل عايزين نجيبلك سيارة والكلام دة .......
طبعا وزى اى شاب مصرى نفسة يمتلك سيارة فضلت من حوالى 5 سنين انى اعرف مواصافات كل العربيات اللى موجودة فى مصر واسعارها وامكانيتها وكل حاجة
المهم من حوالى 6 شهور قرر ابى العودة الى ارض الوطن ......وساب المستشفى اللى كان شغال فيها هناكوالغريب انة ما فكرش يشترى عربية هناك خالص لانة ببساطة ما بيعرفش يسوق وما فكرش لان الشغل كان واخد كل حياتة
نيجى بقى للمشكلة :
اولا الحمد لله مفيش رينج مقيدنا يعنى عايزين عربية اعتمادية وتكون كويسة فى المعقول
ثانيا : اب وام ما بيعرفوش يسوقوا وانا غالبا اللى هشتغل سواق عندهم طبعا ما عنديش مانع لو هينولنى من الحب جانب طبعا اتنين اخوات شباب 20 و 17 سنة عايزين يتعلموا سواقة كمان
نسيت اقولكم انى من سنة كدة اتعلمت سواقة فى مركز سواقة وبقيت اخد عربية واحد صاحبى بولو نيز الف بيها فى اكتوبر بس طبعا عمرى ما نزلت بيها فى الزحمة ولا حاجة وحتى مش معايا رخصة علشان مش معايا ببساطة عربية امتحن عليها....يعنى بعرف اسوق بس من غير خبرة لسة
المهم بقى علشان ما اطولش عليكم:
والدى شاف عرض التويتا اللى ب 117 الف وعجباة وبيفكر يجيبها وشايف انها سيارة العمر بس انا اعترضت لان ببساطة دة عايزة واحد محترف يسوقها وطبعا انا السواق بتاعهم وهبقى فى وش المدفع غير كدة انا الصراحة مقلق من موضوع الفتيس اللى خلاص اساسا الشركة مش هتنزلة فى 2010 يعنى سعر اعادة البيع بعد مثلا 5 سنين مش مضمون .....غير كدة هستحرم ان اخواتى يتعلموا عليها وكدة.......
شفنا الصنى اللى ب 84 انا الصراحة عجبانى وشايف انها معقولة بس خايف انى اندم وبردك انا اللى هبقى فى وش المدفع اصل المشكلة ان ابويا ولا بيفهم حاجة فى العربيات والا عيوبها ولا توكيلاتها ولا حاجة يعنى مثلا لو جة مرة الازاز وعلق هيقولى انت اللى دبستنا فى العربية دة....اكيد طبعا فاهمنى
فكرت تفكير منطقى وقولت طب نجيب حاجة مستعملة نخبط فيها اكسنت مثلا او اكسيل رفض تماما وقاللى يعنى انا عندى 60 سنة وحارم نفسى طول عمرى فى الغربة علشان اركب دة
المهم قولت طب نفكر فى الفيرنا وخلاص عربية عملية وتعرف تسرف عليها وحتى علشان الحسد وبعدين يعنى هية مش وحشة اوى كدة واحنا كنا فين وبقينا فين ......الاقى ناس بقى تشتم فى العربية دة وعيوبها ومشاكلها وبينى وبينكم انا مش ناقص
وبعدين اللى اعلى منها الاكسنت والماتريكس حلوين بس حاسس انهم سعرهم قريب من الصنى يبقى اليابانى اكيد احسن..................بجد مش عارف انا نفسى تعبت وانا بكتب....بجد مش عارف اعمل اة
نوفر القرشينات ونجيب فيرنا نتعلم عليها ونحافظ عليها سنتين كدة ونبيعها وبعد كدة ربنا يكرمنا
ولا اسمع كلامة واجيب الكورولا دة وربك اللى بيستر بس انا عن نفسى اساسا مش مرتاح للعربية ولا للتخفيض اصل الحداية مش بتحدف كتاكيت
ولا اجيب فى الوسط صنى ولا ماتريكس .....ولا اجيب حاجة تانية .......ارجوكم ساعدونى
ولكم جزيل الشكر
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
هو موضوع محير جدا وربنا يكون فى عونك , بس لا تفكر الا فى اوتوماتيك عشان زحمة مصر وقرفها
رقم العضوية : 14603
تاريخ التسجيل : 12Jul2008
المشاركات : 3,270
النوع : ذكر
الاقامة : Egypt, Cairo, Heliopolis
السيارة: Honda Civic EL 1992
السيارة[2]: Honda Civic VTi 1996
دراجة بخارية: لا يوجد
الحالة :
رأى مبدئى هات حاجة مستعمله عائلية حالتها جيدة وسعرها مقبول حتى لو لمدة سنة الكل يتعلم عليها ويلطش فيها بعد كدة بيعها وهات العربية اللى عاوزها زيرو
HONDA THE POWER OF DREAMS
رقم العضوية : 43413
تاريخ التسجيل : 12Jul2009
المشاركات : 2,039
الاقامة : Elmansoura City
الحالة :
ازيك يا زمل
ميزو زيك انا بس انا من المنصوره
ربنا يكرمك يا دكتور
ناوى على فين ان شاء الله فى التكليف
ربنا يستر ههه
بص يا سيدى انت عامل زيى بالظبط بس انا والدى كان معاه العربيه وباعها لما حس انه مش محتاجلها و عشان انا ما اسوقش لانى كنت الوحيد والسنه دى الحمد لله بعد وعود من اول يوم فى الكليه قررنا نجيب العربيه وكنت فى نفس حيرتك وكنت هجيب حاجه جديده فعلا بس النصيب وقعنى فى عربيه لانسر 2007 بوما طبعا كانت حلوه فى عينى وانا مش بفهم حاجه فى العربيات و بعد ما اتعلمت عليها و ناس شافتها معايا لقيت انه كان مضحوك عليا فيها وكانت مرشوشه كلها وفيها مشاكل
المهم نصيحتى ليك كاخ هات حاجه مستعمله تتعلم عليها
ممكن تجيب لانسر 2005 او 06 او 07 حتى فى حدود 65 الف او اقل كمان تتعلم عليها ولو حالتها كويسه ممكن تكمل معاك وعربيه جميله
وبعدين لو زهقت منها هتبيعها ومش هتخسر حاجه او مش هتخسر كتير وتجيب اى حاجه جديده
وربنا يكرمك ان شاء الله
رقم العضوية : 12116
تاريخ التسجيل : 02Jun2008
المشاركات : 1,612
النوع : ذكر
الاقامة : Nasr City
السيارة: لا يوجد
السيارة[2]: Sirion GL 1300
دراجة بخارية: no
الحالة :
اهلا بيك و مبروك مقدما انشاء الله
بص اولا لازم تعرف ان مفيش عربيه ملهاش عيوب و العربيات اللي في نفس الفئة السعريه بتبقي الفروقات بينها بسيطة جداااا لان الوكيل مش عبيط الحاجة التاينيه موضوع حجم العربيه كبيرة او صغيرة مش هيفرق لانك كلها شوية وقت و هتحفظ العربيه و ابعادها اي كان حجمها
بما انك جديد في السواقه انت و العائله الكريمه يعني فانتم عايزين
- توكيل كويس لانك مش هتتعامل برة التوكيل لانك لسة مش فاهم اوي
- عربيه اعتماديه لانها للعائله كلها
- سيدان لنفس السبب اللي فوق
- موتور محترم لان ماشاء الله العائله 6 افراد ربنا يبارك
- سعر اعادة البيع اعتقد بما انك مش هتبيع العربيه قبل 5 سنين هتبقي دي حاجة مش مقلقه اوي لانك هتبقي عارف انك لازم تخسر و كمان موضوع الجمارك كمان 5 سنين سعر العربيات اعتقد هينزل فكدة كدة كله هيخسر جامد
- اتوماتيك علشان اسهل في السواقه و بصراحه في مصر الله يكون في عون اللي معاه مانيوالو كفايه انك في اكتوبر و ما ادراك ما المحور
- عربيه عاليه لان كتير انشاء الله هتحتاجوا تركبوا انتم ال 6 فيها
- واسعه من جوة
- اعتقد السعر ميعديش 120 الف بما انكم فكرتوا في الكورولا
انا هديك شوية اختيارات من رايي و ياريت تساعدك انشاء الله
1- السوزوكي ال sx4 السيدان
2- ديهاتسوا تيريوس
3- الكورولا طبعا
4- الاوكتافيا ال a4
5- سيات التيا بس دي عاليه شوية في السعر 152 الف بس روعه
6- فيات لينيا بس مانيوال و مش عاليه عاديه يعني بس تحفه فنيه
و ربنا يوفقك للي فيه الخير و صلي استخارة و برضة الاخوة هنا هيفيدوك بحاجات تانيه تفيدك
رقم العضوية : 2114
تاريخ التسجيل : 10Sep2007
المشاركات : 2,904
النوع : ذكر
الاقامة : الجيزة
السيارة: لانوس1 مو 2000
السيارة[2]: لانسر كرستالة
دراجة بخارية: معنديش
الحالة :
ربنا يوفقك في الإختيار ,
انا بنصحك تجيب عربية كسر الزيرو علشان هتلاقيها مش هتفرق كتير في الحالة عن الزيرو و في نفس الوقت أقل بحوالي 10 آلاف ,
و انا برشحلك متسوبيشي البومة أو تويوتا كورولا , مو 2007 مثلا و هتعمل من 70 الى 75 و طبعاً أوتوماتيك ,
مع تحياتي ,,
أكــــرم
رقم العضوية : 23065
تاريخ التسجيل : 24Oct2008
المشاركات : 6,831
النوع : ذكر
الاقامة : Egyptian highways
السيارة: -------
السيارة[2]: Hyundai Verna 2007
الحالة :
نصيحتي تعمل زي ما احنا عملنا:
عربية زيرو : يعني إعتمادية و مفيش مشاكل و مفيش ميكانيكي و تضييع وقت و بهدلة يعني ان شاء الله تغيير زيت و ظبط هواء الكاوتش و تنظيف العربية بس لأول 5 سنين و انت و إستخدامك برضه (بأمر الله)
+
عربية رخيصة : لأنك هتتعلم عليها (ودا اللي حاصل معايا برضه بالظبط.. عربيتي الفيرنا اول عربية اسوقها!)
=
ارشحلك تنزل تتفرج على الرينو لوجان و الهيونداي فيرنا
عربيات رخيصة و عملية و تخبيطها ميزعلش .. و بعد كدا يا سيدي ربنا يكرم و ابقى هات انت العربية الأحسن
و أخيراً انصحك تبعد عن المستعمل طالما حضرتك مش خبير في العربيات
(موقفك مشابه لموقفي على فكرة...)
بالتوفيق
رقم العضوية : 55300
تاريخ التسجيل : 09Dec2009
المشاركات : 8,794
النوع : ذكر
الاقامة : مدينة العبور
السيارة: PROTON GEN2
السيارة[2]: ...
دراجة بخارية: no bike
الحالة :
اولا 1000 مبروك مقدما
ثانيا انا برشحلك رينو لوجان (ام سي في) 7 راكب علشان ماشاء الله ربنا يزيد ويبارك انتو 6 افراد
وطبعا اللوجا اكيد تستحمل شوارعنا وهتريحك كتير خصوصا انها 7 راكب
رقم العضوية : 36989
تاريخ التسجيل : 01Apr2009
المشاركات : 10,392
النوع : ذكر
الاقامة : Alexandria
السيارة: كروز 2014
السيارة[2]: Car Enthusiaset
دراجة بخارية: :))
الحالة :
بدون تفكييير
ماتريكس اوتوماتيك
عشان:
1) كبيرة جدا ماشاء الله تشيلكوا كلكم مستريح جدا جدا جدا
2) عالية يعنى وهى بكامل الحمولة مش حتحك !
3) أعتمادية يعنى متجربة سنيين و سننين عمرها ما قالت بم ولا عطلت !
4) الاوتوماتيك بتاعها حلو جدا بقاله 6سنيين شغال ذى النار ماشاء الله
5) قطع غيار متوفرة اعطال قليلة حمارة شغل !
6) موتور محترم و تكييف ذى الفل
لما تدور ع عربية شوف مين يشيل 6 افراد فى راحة تامة و عملية
عارف لو انت 4 او 5 كنت قلتلك ع انواع تانية كتييييييير
البومة الشارك الصنى الكورولا الالنترا الاوبترا و هكذا
لكن 6 افراد يبقى حل واحد ماتريكس !!!!!!!
او كارينز لو عرفت تلاقيها !!
و ابعد عن المستعمل واخد بالك ابعددددددد عن المستعمل الا لو انت فاضى بقى كل اسبوع قاعد مع صنايعى مختلف وانتم ماشاء الله
اسرة كبيرة و مش محتاج مواقف بايخة ع طريق سفر ولا فى طلعة كوبرى
يبقى زيروووووووووووو
اللى حيضيع بلدنا : الفهلوة و كلمة باشا و معلش و أصل
رقم العضوية : 996
تاريخ التسجيل : 17Jun2007
المشاركات : 1,565
النوع : ذكر
الاقامة : TANTA
السيارة: B.M.W. 318i model 2001
السيارة[2]: دايو لانوس 2003
الحالة :
المفضلات