الموضوع: Abs

**ramyar** · 07-01-2010 03:28 AM

انا عايز اعرف ازاي اقدر احس بي ال abs ناس كتير بيقولواي لما اضغط علي دواسه الفرامب بحس زي نبضات في الدواسه لاكن انا مش بحس باي حاجه خالص كمان انا بشوف لمبه ال abs في الاتابلوه اول ما ادور العربيه وبعد كده بتطفي كمان اعتقد ان صوت التزيق الي في التيل الخلفي وانا في وضع الd ده طبيعي يعني عشان اوضح اكتر لما انقل من الp الي ال d لازم اكون \ايس فرامل بمجرد ما اخفف رجلي من علي الفرامل بسمع صوت تزييقه خفيفه
طبعا انا عارف ان ده طبيعي بس قلت استشير اهل الخبره

**morsi** · 07-01-2010 05:21 AM

كل اللى حضرتك بتقوله دا طبيعى جدا

**eslam_wega** · 07-01-2010 05:58 AM

جرب تمشى على سرعة 60 ومرة واحدة دوس فرامل جامد جدا (طبعا فى طريق فاضى )
هتحس بدربكة جامدة فى الدواسة وهتسمع صوت طقطقة
يبقا كدا النظام شغال
وال abs مش هيشتغل معك غير فى المياة او الرمال او مع الضغط لاخر الدواسة
والفايدة منه كتير
1 - المحافظة على الكاوتش
2 - العربية متسحغش منك فى مياة او رمل
3 - القدرة على المرواغة مع الضغط على الفرامل ودى مستحيله لو العربية من غير abs عشان لو جربتها هتلقى العربية عومت منك وسهل جدا تفقد السيطرة
ويعتبر ال abs حاليا من عوامل الامان الاساسية فى اى سيارة

**Abo.Mayyam** · 07-01-2010 08:17 AM

طبيعى موضوع التزييق اللى بيظهلا لما تشيل رجلك من على الفرامل

جرب شيل رجلك من على الفرامل مرة واحدة كده ومش هتسمع الصوت ده

وكلا إسلام باشا بالنسبة للفرامل صح 100/100

هو لو إنتة عايز تجرب ال ABS تعالى فى حتة تراب أو مية بس يكون الطريق فاضى .. وإكبس فرامل غلى الأخر ومتشيلش رجلك ومتتخضش من الصوت (صوت حاجة بتتكسر تحت رجلك أو صوت دربكة جامدة)

وألف ألف مبروك يا باشا وربنب يحفظهالك من أى سوء إن شاء الله

**waleedfesal** · 07-01-2010 08:34 AM

احلى تحيه لكل البروتانيه
باشا انا مش هاقدر ازود على الكلام اللى لتقال
بس abs مش بيبان مع اى دوسة فرامل
لازم تكون دوسه جامده او فى طريق عليه رمل او مياه
وبالنسبه لصوت الفرامل هو بيبان عندى غالبا عندما اقوم بركن العربيه واحتياجى للفرامل على سرعات قليله فقط
وربنا يباركلك فى الجميله برسونا

.

**ramyar** · 07-01-2010 07:33 PM

طيب بي النسبه لفرامل اليد انا برفع الفرامل للاخر ولو العربيه في منزا او مكان منحدر بحس ان العربيه بتتحرك انا عرف ان التيل لسه جديد وماطبعش علي الديسكات لاكن ياتري ممكن يتظبط انا في عربيني القديمه كنت برجلش علي النيل وبلاقي الفرامل زي الفل كمان دواسه الفرامل بتترفع معليا

**ahmed_h_g** · 07-01-2010 11:02 PM

المشاركة الأصلية كتبت بواسطة ramyar

طيب بي النسبه لفرامل اليد انا برفع الفرامل للاخر ولو العربيه في منزا او مكان منحدر بحس ان العربيه بتتحرك انا عرف ان التيل لسه جديد وماطبعش علي الديسكات لاكن ياتري ممكن يتظبط انا في عربيني القديمه كنت برجلش علي النيل وبلاقي الفرامل زي الفل كمان دواسه الفرامل بتترفع معليا

هو المفروض ان فرامل اليد تقفش معاك على التكه التانيه أو التالته
بلغهم فى الصيانة القادمه وكله هيبقى تمام ان شاء الله .