لا حول ولا قوه الا بالله
لا حول ولا قوه الا بالله
الصور بشعة فعلا
استرها معانا يارب
ربنا يحفظمنا
مش من المفروض علينا اننا نتحمل غباء و تخلف الاخرين و استهتارهم بارواحهم... و اذا كنت بتطالب سائق السيارة باستعمال مخة فا طالب كمان اللى ماشى على رجلة يستعمل مخة... يعنى ميجيش فى شارع عرضة مليون حارة و يعدى من نهر الطريق مع ان فيه نفق او كوبرى و لو فيه اشارة يعدى لما تقفل على العربيات مش يعدى فهلوة و هو عايش فى دور الفرقعلوز... و يوم ما واحد ربنا يكرمة و يخلف ميرميش عيالة فى وسط الشارع و يبلى بيهم واحد ملوش ذنب
مش عشان العربية هى اللى بتعور يبقى هى اللى غلط... اللى بيرمى نفسة فى التهلكة غلطان اكتر من اى حد
MMamdouh
المشكلة الاساسية مش فى الطريق... المشكلة فى عدم الالتزام...
معاك ان بعد اماكن اليوترن غلط و الطرق واسع و مغرى و كل الحاجات دى... بس فى الاخر دة طريق على ساحل و جوة البلد... يعنى لا ينفع يتعمل خط مستقيم ولا ينفع يتجرى فيه بالجنون دة... و طبعا من المنطقى ان طريق عرضة 6 حارات فى الفردة الواحدة مينفعش المشاه يمشوا فيه بمزاجهم... اذا الموضوع عدم التزام بقوانين المرور اللى بتحدد السرعة القصوى للعربيات و اماكن عبور الطريق للمشاه
قصة التوعويضات و كدة محدش بيوصل فيها لحاجة لان طالما المجنى علية بيعدى من مكان غير مخصص لعبور المشاه بيتحقق بند الاستغراق و بيعتبر المجنى عليه هو المخطىء الاساسى المتسبب فى الحادث باهمالة و علية بيتحقق المبداء القانونى الذى ينص على انن "المهمل لا يستفيد من اهمالة" و بالتالى يسقط حق المجنى علية او ورثتة الشرعيين فى اى تعويض بال بالعكس هنا يبقى من حق الجانى (صاحب السيارة) رفع قضية على المجنى علية او ورثتة و مطالبتهم بتعويض عن التلفيات اللى حصلت للعربية نتيجة الحادث
MMamdouh
اعذرنى بس صاحبك غلطان..ز على الاقل من وجهة نظر القانون.... طالما مفيش مكان لعبور المشاة على الاسفلت و اشارة ضوئية مقفولة لحظة ما حصل الحادث يبقى هو غلطان... طبعا بيدخل فى الموضوع سرعة اللى سايق العربية و حاول يتفادى الحادث ولا لا بس فى النهاية الغلط على اللى ماشى على رجلة... انا مجرب الموضوع و عارف كويس وجهة نظر القانون هنا
MMamdouh
دة بالضبط اللى انا بقولة... الخطاء مشترك
لو بتاع الفرنا مكنش بيجرى بغباوة كان زمانة عرف يقف قبل الناس اللى بتعدى بغباوة برضة حتى لو كانوا بيزحفوا على بطنهم
و لو العيلة الغبية كانت نزلت النفق مكنش بتاع الفرنا حود و خيش حتى لو ماشى 200 (بفرض انة مدخلش فى حاجة تانية بعد كدة ب 50 متر)
الناس اللى مشتركة فى استخدام الطريق لازم كلهم يلتزموا بالقوانين... لا بتاع العربية يجرى ولا المشاه يعيشوا حياه الحيوانات الضالة فى وسط الشارع
MMamdouh
ولو حد بيجرى بالعربيةعلى البحر وقدامه حد بيعدى لو فكر يفاديه يبقى دمر نفسه و العربيات الى وراه وبكده يكون انسب حل انه يخبط البنى ادم الى بيعدى كانه خبط قطه
اليكم اخر الانباء:
امس: عربية نيو سويفت جنوط و عفشة كونى ذى الفل رشقت فى الرصيف طيرت الاعلانات و عمودى النور حالة العربية = خردة
الاصابات مردتش احسب السبب
عربية شاهين لطيفة طيرتها من ورا حالة الشاهين= عايزة نص قدامانى
اليوم: عربية بولو بيضاء عند سبورتنج البحر اتباست من ورا لفت الكاوتش انفجر رشقت فى 3 عربيات و عامود حالة العربية= خردة
الاصابات = اساسا ذهقت يدوب شوفت الحادثة و مشيت !!
قى تحويلة جديدة ع البحر من عند ميامى الى سيدى بشر الطريق النازل الى القلعة .... طبعا التحويلة حتلاقيها فى وشك لبس من غير تحذيرات الا قبل التحويلة بمسافة .... خطوتين
فى تكسير بطول الكورنيش كل 50 متر الجزء بجانب البحر مش عارف اية السبب لبست فيها النهاردة طبعا كالعادة بدون مقدمات كحال اى تكسير فى مصرنا الحبيبة و المشكلة عملين سلمة ظريفة فى اخر التكسير او الرصف الله اعلم كانت حتجبلى المساعد (طرقع طرقعة بهبدة اول مرة اسمعها فى العربية من سنتين) الحمد لله الجنط ما اتعوجش
خلى بالكم ....
عيون القط الى فى لوران وحشة جدا جدا وعالية اوى وكمان الاسفلت متشال من الارض ودايما الدنيا متكعبلة من اول هناك وانت رايح المنتزه
أية دة :)) اشكر الادارة ع التثبيت :))
انت كاتب ان طول الكورنيش من القلعة لغاية المنتزة 8 كم فقط
هل متأكد من المعلومة دى لأنى حاسس انهم قليل ولا ايه
وعلى فكرة طول الكورنيش من المنتزة الى راس التين 19كم بالتمام والكمال
ربنا يحفظنا .. عموما كورنيش الاسكندرية لابد وان تكون فى قمة التركيز وانتا ماشى علية لانة فعلا خطر .. بالنسبة للمشاة المفروض انه لا يغامر نهائى مهما كانت الاسباب
ايه الاستهتار بارواح الناس ده
طيب ماهو رادار واحد كافى بحل المشكلة زى اللى عندنا على الدايرى
او يمكن بقه امكانيات الداخلية ماتسمحش بوضع رادار
حسبنا الله ونعم الوكيل
الكورنيش اخره 80 - 90 غير كده يبقى موت للجميع للسايق وللمعدي الشارع وبالسرعة دي نقدر ناخد اليوترن كويس من غير قلق وتبقى المشكلة اتحلت....بس نقول لمين بقى محدش بيسمع
السلام عليكم
أنا من الإسكندرية وفعلا طريق الكورنيش خطرجدا ، العربيات بتجري صاروخ ولو انت ملتزم بالسرعة تلاقي الناس إلى وراك متزمرة، كمان فعلا الناس بتعدي الشارع وهي على بعد خطوات من النفق بل من أمام النفق ، كمان بالليل الإضاءة مش كافيه وتلاقي إلي بيعدي قدامك جري مثل الشبح ،كل يوم حوادث خاصة بين الشباب ، مرة عربيتي أخذت خبطة جامدة من الخلف جعلت الشنطة ممكن تتفتح لوحدها ، لكن الحمد لله لم نصب بأذى .
ربنا يحفظنا و أذكر نفسي و إياكم بأذكار الصباح والمساء و دعاء ركوب الدآبة (العربية)
والله خير حافظا وهو أرحم الراحمين
طيب ممكن حد يقولى ايه المهزلة اللى فى طريق المطار وانت جاى من الصحراوى وبتدخل قناة السويس وبعد كدة بتدخل على الطريق دة
ايه التهيييس دة الناس بتعدى الشارع ولا اكنها شاربة بانجو .... لاقيت عيل صغير بيعدى الشارع روحت مهدى بالعربية خالص لحد ما الولد عدى بسلام والولا بعد ما عدة راح شاتمنى بقيت حتجنن الولد دة شتمنى ليه دة انا هاديت عشان يعدى بسلام والناس اللى راكبة معايا قالولى ماتحطش فى دماغك
.............................
وايه التكاتك اللى بتطلع من تحت الارض دى ... وايه المطبات اللى عاملة زى جبال الهملاية ... لا وتلاقى كله ماشى 100 ك/س ومرة واحدة تلاقى الشارع وقف علشان المطب ... ولا الحفر اللى فى الطريق دة فيه حفرة اول ما تدخل لطريق المطار من قناة السويس تكسر اجدع عربية
..............................
انا خلاص ما بقتش فاهم حاجة ... لو حد فاهم يفهمنى عشان احاول اتقبل الوضع اللى احنا فيه
احسن انا خلاص بفكر اشوف بلد تانية اعيش فيها
الطريق اخره 80 مع المنحنيات الخطرة زى سيدى جابر و ستانلى و جليم
و طبعا لابد من الالتزام بالانفاق
و لكن السؤال ليه من جليم الى سيدى بشر مفيش ولا نفق؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
السرعة العالية تؤدى الى كوراث و اخرهم العربية اللى كانت فى سان ستيفانو امبارح الصبح
اوصيكم ونفسى بالالتزام
ربنا يسترها علينا كلنا من شر الطريق
الطريق ده يمتد تقريبا 35 كيلو من الموقف الجديد باسكندرية الى طريق المطار او الساحل الشمالى و مشاكله كتير
1- مفيش أى خدمات على الطريق
2- فى معظم الاوقات مفيش اى رقابة على سرعة السيارات فية وبيبقى عامل زى حلبة السباق فى الوقت الفاضى
3- المقطورات و الحمولات الكبيرة من سيارات الخشب طبعا علشان هى بتمشى دائما فى الحارة اقصى الشمال واللى قبلها فتلقى نصيبك يا اما بزلطة محترمة فى الزجاج او قطعة خشب صغيرة قد تمتد لعرق خشب كامل
4- تهور كثير من السائقين فيه يؤدى الى حوادث يومية وخاصة المقطورات والتريلات و ما ادراك حوادثها المؤسفة والمفجعه ... ربنا يحفظكم ويحفظنا منها
5- البديل له هو طريق العامرية المؤدى الى القاهرة الصحراوى او طريق الدخيلة العجمى و هما أسوأ من التحدث عنهما
يا جماعة في حاجة كمان مستفزة جدا جدا جدا .. انا تقريبا كل يوم على الكورنيش عشان الكلية
اليوم اللي بروح فية بمشروع بحس اني في سباق بجد
السواق بيصدق العربية تتملى ركاب و يجيب سرعات غبية
والله كنت مرة راكب قدام جنب السواق و حسيت انة بيجري جامد و الطريق اصلا كان زحمة جدا .. لمحت ب عيني العداد و هوا على 140 و بيزيد و السواق بياخد غرز غبية و يفضل يشتم اللي بيسوقوا الملاكي
و سواقين التاكسي .. طبعا سواقين التاكسي في مصر كلها نسخة واحدة بس بحس اللي في اسكندرية دول فيرجن تاني و خصوصا لما يبقوا على البحر .. تقفيل و تزنيق و يحشر العربية و تحس انة قاعد معاك جو عربيتك
اخواتنا البنات كمان ... انا ساعات بشوف بنات بياخدوا غرز بس باحتراف و ساعات بشوف البنات اللي لسة بتتعلم :( يعني بتتعلم عادي .. كلنا اتعلمنا و محدش اتولد بيسوق انما تمشي على البحر و هي لسة بتتعلم . صعبة دي و بتعمل مشاكل كتيير
انا لما بروح باللانوس بمشي في حارتي و مش بغرز عشان اكتر الوقت اللي بمشي فية بيبقى زحمة
بالليل بقى من بعد الساعة 2 كدا بيتقلب سباق بمعنى الكلمة
ربنا يسترها معانا