فعلا اليوترن الجديدة دى فى منتهى الغببببببببببببببببباء فى نص الشارع
فعلا اليوترن الجديدة دى فى منتهى الغببببببببببببببببباء فى نص الشارع
اولا اسكندرية دى من اجمل المدن اللى زرتها فى حياتى وليها طابع خاص عندى وبصرف النظر ان الواحد بيروح العجمى او الساحل لازم زيارة لداخل البلد وفى الاغلب بتكون فى الشتاء او بعد ما المدارس تدخل فى اواخر الصيف بس كانت غلتطى انى نزلت فى ثالث ايام عيد الفطر كل سنة وانتم طيبين وليا تعقيب وسؤال لاهل اسكندرية الكرام وملاحظات بسيطة جدا بس والله مش قصدى النقض انا بلاحظ حاجة غريبة جدا ان الناس لما بتكون بتعدى الشارع وبالاخص المصيفين بلاقى ناس كتيرة بتقف وتعدى الناس بسلام وبل بالعكس بيحاولوا يوقفوا الطريق انما بقى لما ابقى بعربيتى وتكون فى مكان احاول ادخل فيه الاقى العربية بتسبق بشكل يخض الموضوع مش مستاهل وكانه تحدى او مخنوقين من المصيفين علشان زحمة بس الموضوع سلوكيات ودايما اللى يزنق ياما تاكسى او ملاكى والاغرب انى بلاقى جوة العربية راجل كبير ومحترم مش شاب متهور مثلا او واخداه الجلالة طبعا اللى انا بقوله موجود فى كل حتة بس انا عن نفسى مش بغير من سلوكيات سواقتى الا فى حالة واحدة مع الميكروباص والتوكتوك وسواقين التاكسى مما لا يضرنى انا واللى فى العربية وطبعا عارف ومقنع مليون فى المية ان الدنيا كلها فيها الوحش وفيها الحلو وبصراحة انا نص عمرى قضيته فى اسكندرية وشباب اسكندرية والله ولا اجدع ولا اروع من كده بس تحس انهم بينتقموا من المصيفين علشان بيخلوا البلد حاجة تزعل يعنى انا رايح من سابا باشا من عند نادى المهندسين للمعمورة فى 3 ساعات على الكورنيش وانا راجع على محرم بك نفس الموضوع لغاية الساع 2 بليل عندهم حق حاجة تغيظ بس الناس ذنبها ايه وكل التقدير والحب للناس والبلد الجميلة تحياتى وتقبلوا مرورى
انا ولله الحمد من زوار الاسكندرية بصفة اساسيا
يعنى فى الصيف شتا فى اى وقت للمتطلبات عملى هناك
انا قلى شايفةمن وجهةنظرى
عنوان الموضوع لايهدف للمشكلة ولة يعنية باى شىء
لانى كورنيش الاسكندرية يعتبر من احسن الطرق الموجودة فى مصر من حيث الانشاء و التصميم
يعنى من الاخر حاجةمتكلفة
و قلى صممة صممة على حاجة معينة وهى السرعة على 60 كيلو لانة يعتبر داخل المدينة لو انتا مشيت على 60 كيلو هتلاقى العملية لذيذة والطريق سلسل جدااااا مع وسع حراتة ونعومةالاسلفت ولو فى منحنيت هتلاقى سياتك بتاخدهابكل سلسة مش بعنف
يبقى المشكلة عدم الالتزام من قائدى السيارات
مشكلة سواق وعدم الالتزام
يعنى انا شوفت موقف غريب
كنت قاعد زهقان فى الفندق قولت انزل اشم الهوا على الكورنيش الساعة 2 باليل المهم مكنش فى مطر بس كانت سرعة الهوا كبيرة جداااااا المهم لقيت عربية ماشية عادى بس بسرعةعالية ومفيش منحنى ولة الكلام دة لقيت العربية خرجت عن المسار و خمست على الارض خمسات وهوب طالع فوق الرصيف وهو خبط فى سور الكورنيش المهم جريت علية علشان اطلع وطلع بسلامة هو و العيلةبتاعته لانى انا كنت اقرب واحد فبسالة فى اية اية قلى خلى العربية عملت كدة قلى مش عارف حاجة زقة العربية من الجنب جيت ارجعها تانى لقيتةخامست
دة نتيجة اية الباشا معملش حساب الهوا قلى جى من البحر لا نه بعتبر قوة جايلو من الجنب فا دى مشكلة بتغيير مقيس السواقة مع السرعة العالية لانى وزن العربية بيخف و قوة التمساك بتيبقى ضعيفة يعنى لو كان ماشى على 60 كيلو كانت الدنيا هتيبقى تمام
دة راى الشخصى
واسم الموضوع المفروض يتسمى سلوكيات خاطئة من قائدى السيارات يتسبب فى حوادث على كورنيش الاسكندرية
ربك يهدى وربك المستعان
طريق كورنيش إسكندرية
من أجمل وأفضل الطرق اللى موجوده فى مصر
أنا بصراحة منبهر بوسع الطريق وبجودة الأسفلت
تقريبا طريق مثالى وراااااائع
ده ميمنعش ان فيه بعض العيوب والنقص لإن الكمال لله وحده
بالنسبة للحوداث
للأسف العيب الأكبر مش من الطريق وتصميمه
العيب فى إساءة إستخدامه
سواء من راكبى الفيرارى والبورش والسيارات الخارقه عليه
ومن المارة أيضاً
أنا سمعت انهم حطوا رادارات كثيره عليه
إيه أخبار الرادارات شغاله ولا لسه ؟
والناس بدأت تتلزم ولا لسه ؟
وربنا يحفظنا ويقينا شر الحوادث
دة انا كنت بمشى عليه 160 بعد الصور دى اخرى 40 حلو قوى واحتمال ممشيش عليه تانى
فعلا ده وانت راجع من محطه الرمل
انا مره كنت ماشى بال 128 على 110 وعربيه بنت تيت زنقت عليا قبل الحته بتاعه الرصيف دى ب 50 متر ومكانش فيه ادامى اى خيارات غير انى ادوووووس بنزين واطلع منها وطلعت من ادامها وانا بينى وبين الرصيف ده نص متر تقريبا او اقل
انا كنت متوقع ساعتها انى حلبس يعنى حلبس لولا ستر ربنا
هو طريق زباله وكل شويه بيخلوه زباله اكتر من الاول ولو مشيت بالراحه حتتخبط او حد حيلبس فيك من ورا
ولو جريت زى اللى بيجرو حواليك يبقى اتشاهد قبل متمشى على الطرق واتشاهد بعد متوصل
مش عارف اية حكاية ال bmw مع الكورنيش
أمبارح
http://img851.imageshack.us/img851/9...0113153843.jpg
http://img441.imageshack.us/img441/8...0113153823.jpg
يبقى الحمار اللى فتى وقاللى هو اللى غلطان :))
متعرفش حصلت اذاى ؟
عجيبة انا مشفتش ولا ايرباج !!
معني الصورة دي ان الماتور جوة علي الكرسي والفتيس دخل تحت الكنبة
من جوة التابلوة بس دخل على الكرسى والازاز اللى مكسور دة من فعل حط اتنطر فية من جوة
المميز بقى متانة العمود !
مشاركة مكررة
هو على فكرة زميلي قالي ان الناس طلعت منها سليمة طبقا لكلام صاحبه و الله أعلى و أعلم
بس العمود طلع أصيييل و محمل !
انا شفتها و انا راجع من امتحان و كنت عاكك احسن عك فا مركزتش اوي فيها
وبعد كدا مكنتش ببصلها اصلا عشان كانت صعبانة عليا :(
فيه واحد على الفيس بيقول ان اصحاب العربيه دى ليبيين وكانت مسروقه منهم من شاطئ النخيل ولقوها عامله الحادثه دى على البحر
على فكره فيه صور تانيه ليها باليل شكلها فعلا قعدت فتره طويله مكانها عشان ملهاش صاحب
باشا موضوع ال vin ده انا نبهت عنه من سنه تقريبا والناس ضحكت عليا هنا فى المنتدى
بس الناس شكلها مصدقتش الا لما حوادث السرقه زادت جدا
ياساتر يارب
ربنا يسترها معانا
العربية لوح ليبيا فعلا من وراة
miso
حوار الvin والله لسة عارفة قريب
يبقى فعلا شكلها كانت مسروقه
انا بقولك على حوار ال vin عشان حتقابل ناس مش مصدقه الموضوع
مع ان فيه واحد معاه سيراتو هنا فى المنتدى عربيته اتسرقت ادام عينه وهو واقف فى الشباك وشاف الحراميه دورو العربيه فى ثوانى بالمفتاح وخدوها ومشيو وملحقش يعمل حاجه
ده اكدلى انى كنت على حق والناس اللى فضلت تتكلم دى ولا فاهمه حاجه
انا عندى امبولايزر فى السيينا بس خايف ان يكون ليها اى حوار الحراميه عارفينه يدورها بيه
لا حول ولا قوة الا بالله ,,
ربنا يستر علينا .
مكرررر
النهاردة نيو النترا عند سيدي بشر كدا كسرت السور الخرسانة و نزلت على الرمل
http://a7.sphotos.ak.fbcdn.net/hphot...90814154_n.jpg
http://a1.sphotos.ak.fbcdn.net/hphot...84576476_n.jpg
http://a3.sphotos.ak.fbcdn.net/hphot...21946593_n.jpg
المشكلة الاساسية مش بس في السرعة الرهيبة
كمان ان الناس (اظن لأن الطريق كله منحنيات ) مش بيعترفوا بالحارات اصلا :s
لسه راجع من على الكورنيش وكان فيه حادثه موقفه الطريق لحد كامب شيزار فى الاتجاه بتاع سيدى جابر
لفيت من يوتيرن عشان ارجع ادخل شارع بورسعيد من عند مستشفى الشاطبى وقبل موصل لمستشفى الشاطبى فوجئت ب 2 بيعدو الطريق فى الظلام وواقفين فى نص الطريق وكنت خلاص حشيلهم وكل ده فوق نفق الشاطبى !!!
يعنى البنى ادم اللى مستغنى عن نفسه وعاوز يروح فى ستين داهيه يغور فى اى مصيبه مش يقف ادام عربيه ويرعب اللى راكبين فيها ولو كنت حاولت افاديه كنت ممكن البس فى عربيه فيرنا جايه بسرعه من ورا وبيعدى من جنبى يعنى كنت ممكن انا واهلى وابنى الصغير روحنا فى داهيه لولا ستر ربنا
حسبى الله ونعم الوكيل فى كل مستهتر و غــــــــــــــــــــــــ ـــبى
ولسه برضه واحده شكلها بتتعلم السواقه جديد وراكبه عربيه زيرو وماشه فى الحاره الشمال بعد كوبرى استانلى وفى اتجاه سيدى جابر والحته دى الناس بتجرى فيها جاااامد ودى ماشيه تاتا تاتا فى الشمال لا والمصيبه انها كل شويه تدوس فرامل كل شويه تدوس فرامل لدرجه انى فكرت ان فيه حد ماشى ادامها بالراحه رحت طالع منها لقيتها هى اللى ماشيه براحه وخايفه ومكلبشه فى الدركسيون !!!!!!!
كل ده فى اقصى الشمال الهانم بتتعلم السواقه على البحر فى اقصى الشمال !!
اللهم أحفظنا وكل صاحب سياره من شر الحواث
كل الشكر على موضوعك اخى الكريم
حفظك الله
حفظنا الله تعالى واياك من كل مكروه
كان فيه حادثه مهببة يوم الجمعة الماضى بعد صلاة الجمعة بحوالى ساعة
على الكورنيش بالقرب من سيدى بشر
شوفت بقايا عربية نبيتى
وكام عمود فى الوسط متشالين
وفى نفس المكان بالليل مرسيدس بيضاء مخبوطة من باب السائق متشالة على الونش
الردار هو الحل
وياريت نتعلم من السعودية والامارات
عندهم نظام جميل جداً اسمه نظام ساهر
قريب جداً هكتب مواضيع فيها كل حاجة عن ساهر وازاى وفين نطبقه فى مصر ودا اللى بخطط اقدمه بإذن الله للحكومة المصرية بس مش قبل مايجى رئيس منتخب
الطريق حلو ومنتظم بطريقه فوق الخيال وده احد اسباب الجرى وكده لان مفيش طريق نظيف فى اسكندريه كلها ما عادا البحر يعنى جوا الشوارع تمشى اخرك 20 او 25 يعنى بتتعصب من كتر المطبات والشوراع كله تكسير وارف
ولما تخرج على البحر الشارع من شكله يغريك بطريقه عجيبه ومفيش تكسير ولا مطبات نهائيا ودا احد اسباب الحوادث
انا اقترح عمل مطبات صناعيه 6فى الشارع ده
احنا شعب مش بيجى غير بكده :(