لأ اذاى انا بعدى منوا كتيير النفق من الرصيف للرصيف ؟!! هو حصل اية ؟
لأ اذاى انا بعدى منوا كتيير النفق من الرصيف للرصيف ؟!! هو حصل اية ؟
لا حضرتك بتتكلم على النفق التانى
هوة قصده النفق اللى عند شارع سوريا
اما بالنسبة لطريق الكورنيش انا شايف انهم بداوا يتابعوه لان عملوا فى لوران كدة عيون قطط جامدة اوى
لازم ولا بد وحتما هههههههههه هتلخدها على الهادى لان الحته دى مغرية جدا وانا نفسى بجرى فيها
دلوقتى خلاص وضعولها حل
هو ممكن فعلا يكون الطريق في حاجات غبية كتير وانا معاكوا في كدة بس برضه الدولة راعت غباء التصميم وعملت السرعة القصوى 60 كم
ومن اللي انا بشوفه على البحر كل يوم من حوادث بحاول اني امشي على ال 60 على اليمين عشان مايحصلش دربكة مني للطائرات اللي على الطريق بس طبعا في اقل من 5 ثواني ببقى مجبر اني امشي على الاقل 80 على اليمين وبلاقي الناس برضه مش عاجبها والغريبة في الموضوع ده ان انا اكتشفت ان بتوع الشد والغرز دايما بيحبوا يجروا على اليمين فبقيت امشي على الشمال على 70 في اثناء اليوم وباليل بوصل ل 90 والحمدلله ماحدش بيرعشلي انما على اليمين لو ماشي على 200 تلاقي الكلاكسات والنور شغال . بس انا عرفت قيمة الالتزام بالسرعة 60 اثناء فترة النهار والزحمة من كذا موقف حصلي . منها مرة كنت لسة طالع على البحر من قبل المكتبة على طول ونازل ناحية سيدي جابر وانا لسة بسرع وصلت لغاية 60 او 65 تقريبا ولقيت ولد وبنت بيعدوا الشارع بطريقة انتحارية وبيهزروا مع بعض دوست فرامل وفي نفس الوقت بصيت في المراية عشان احاول افاديهم لقيت تاكسي جاي على يميني بسرعة ماتقلش عن 100 ماينفعش افاديهم على اليمين وعلى شمالي الرصيف عشان كنت ماشي على الشمال طبعا انا كبست فرامل على الاخر مع شدة هاند لقيت الولد ساب ايد البنت وجرى والبنت اتسمرت مكانها . الولد جرى قدام التاكسي فرمل عليه التاكسي وطبعا مالحقش فخبطه وانا لما نزلت ببص لقيت البنت واقفة مزهولة وبينها وبين الاكصدام اقل من20 سم
في النهاية قصدي ان لو دول كانو عدوا قدامي بعدها بخمسين متر وانا وصلت ل 80 كنت زماني انا خبطت البنت زي ما التاكسي خبط الولد
ف سرعة 60 ولغاية 70 بتخليك تلحق نفسك من اي موقف صعب اكتر من كدة بيبقى التصرف في المواقف دي صعب وانا من بعدها بقيت بمشي دايما على 70 ممكن باليل لو الطريق فاضي شوية امشي لغاية 90 او 95 كم
وفي التأني السلامة وربنا يسترها معانا كلنا
الحل هو المطبات الحديدية بتكون بارتفاع 5سم وعرض 30سم وذلك لتقليل السرعة
مع احترامى الشديد لسيادتك المطبات ممكن تعمل كوارث لان هتلاقى واحد يهدى وواحد مش شايفها اساسا هيلبس فيه ، متهيألى لو فيه مراقبة بالكاميرات يكون افضل لان الاخطر من السرعة الممارسات المجنونة من بعض الناس يعنى الغرز الضيقة وعدم ترك مسافة بينه وبين السيارات امامة او اضائه انوار مبهرة و كمان اللى بيحاول يقطع الطريق بالعرض وهو بطىء جداً يعمل 100 حادثة واسمه ماشى بطىء ، انا من كام يوم سواق تاكسى عايز قطع رقبته وقف فى نص الطريق وقطع البحر بالعرض عشان يدخل دوران كامب شيزار وكنت هلبس فيه وكانت هتبقى معجنه لان ورايا طيارات لولا ستر ربنا عرفت افاديه بسلام بس والله كان نفسى انزل اموته .
ما ينفعش و الا الكورنيش اللى اتوسع علشان يزود السيولة المرورية حايبقى زى قلته
الحل هو عمل سور حديد عريض شيك على طول الكورنيش علشان ما يديش فرصة لحد انه ينزل الشارع اساسا زى اللى كان فى اخر خالد ابن الوليد زمان و الغاء كافة مواقف الاتوبيسات اللى مش جنب انفاق المشاه و بعد كده اللى ينزل الشارع يبقى فعلا بينتحر و لو مات يبقى مات كافر
ده بالنسبة للمشاه
بالنسبة للفورميولا 1 الحل هو 20 عربية كيا سورينتو او دودج رام يعموا دوريات و يظبطوا الناس و طبعا رادار ثابت كل 200 متر
للاسف الناس مش حاتتعدل الا بضرب ...... النار