المشاركة الأصلية كتبت بواسطة ashouhdy
أنا عايز احكيلكوا قصة اول حادثة بتاعة الفيرنا و الاسبارك لانى كنت موجود وقتها
و ع فكرة الحادثة دى مات فيها (6)
الفيرنا دى كانت ماشية ع كوبرى ستانلى بسرعة فائقة و كالعادة فجأة جريت أسرة كاملة عايزة تعدى كوبرى ستانلى (4)حارات
اب و ام و 3 اطفال بيعدوا ورا بعض يعنى حتى مش صف واحد
بتاع الفيرنا كان مستحيل يمسك فرامل المسافة لا تسمح كل اللى شفتة انة كسر شمال جامد جدا عشان يفاديهم و فعلا فاداهم و الاسرة جريت بسلام و عدت الطريق
تبدأ المأساة:
الفيرنا عبرت الى الطريق المعاكس يعنى الناحية اللى نازلة ع ميامى قدام بيتزا هت رشدى
وخبطت بالجنب فى عمود نور اتقلبت مش فاكر كام مرة و (هرست) واحد كان (بيعدى) رايح ناحية بيتزا هت ... السبارك كانت ماشية فى طريفها عادى فيها بنت و تقريبا أمها (ست كبيرة) رشقت بالوش فى الفيرنا
المحصلة النهائية:
3 موتى فى الفيرنا
1 توفى اللى بيعبر الشارع
2 موتى البنت و أمها
.....................لا تعليق
السرعة .. المشاة .. وسع الطريق
ملحوظة:
فى نفق يبعد عن كوبرى استانلى 20 متر يعنى 20 خطوة و استسهل الاب و الام و كسلوا يمشوا 20 خطوة و قرروا الانتحار و هو عبور الكورنيش ....................