الموضوع: مصرى ومش مصرى

المشاركة الأصلية كتبت بواسطة justs

- هل بيشتغلوا بمعنى انهم بيبداو بنفسهم ولا يقبلون الفساد ولا يفعلونه

هو ده قصدى فعلا
الناس اللى فعلا بتعمل او على الاقل تحاول تعمل الصح
و طبعا بيبقوا خارج دائرة الضوء و صوتهم غير مسموع
زى مثلا فى البحث العلمى د.رشيقة الريدى او د.حامد الموصلى
و غيرهم كتير فى كل المجالات
مش بينوحو بيشتغلو
مش زى ما بنشوف فى مواضيع كتير فى المنتدى -اللى هو نسخة مصغرة محسنة لبلدنا- ظلمنى قمت افتريت عليه فيقولوله انت جدع !! ،، او يقولك البلد وحشة ... طب خلاص سيبها او صلحها او خلينا احنا نصلحها مش تبقى هى وحشة و انت كمان واجع دماغنا
Martin Luther King : Darkness cannot drive out darkness only light can do that

المشاركة الأصلية كتبت بواسطة barakat_1986

انا معا اسلام مليون فى المية واحب اقول ان الحكومة مش هى مصر ولا مصر هى الحكومة ،/ كمان عاوز اقول ان اللى مش عاجبة مصر يمشى ويسبها احسن ويريحنا ويروح يشتغل برة عند العرب وغيرهم زى العبيد علشان الريال والدينار.........

+ 11111111111111

المشاركة الأصلية كتبت بواسطة ams

هو ده قصدى فعلا
الناس اللى فعلا بتعمل او على الاقل تحاول تعمل الصح
و طبعا بيبقوا خارج دائرة الضوء و صوتهم غير مسموع
زى مثلا فى البحث العلمى د.رشيقة الريدى او د.حامد الموصلى
و غيرهم كتير فى كل المجالات
مش بينوحو بيشتغلو
مش زى ما بنشوف فى مواضيع كتير فى المنتدى -اللى هو نسخة مصغرة محسنة لبلدنا- ظلمنى قمت افتريت عليه فيقولوله انت جدع !! ،، او يقولك البلد وحشة ... طب خلاص سيبها او صلحها او خلينا احنا نصلحها مش تبقى هى وحشة و انت كمان واجع دماغنا
martin luther king : Darkness cannot drive out darkness only light can do that

كويس جداً ، ورغم ان الناس دي أكيد نسبة قليلة لأن تأثيرها على الوضع العام غير مؤثر وإلا حتى كنا بقينا على حالنا دون تقدم أو تأخر لو كان فيه توازن بين هذه الفئة والفئة الفاسدة ، لكن طبعا ده جزء مضيئ من كل ،

وعشان الجزء ده يكبر ، لازم يكون فيه المجال والتشجيع والتأييد ، لازم ميكونش المناخ العام محبط ، بمعنى ان الفئة اللي انت بتكلم عليها دي هي اللي قدرت تقاوم كل الفساد والاحباط اللي حواليها ، وكمان قدرت تحارب وعندها القدرات المادية والاجتماعية اللي تخليها توصل بنقطة نور من خلال بحر متوحش من الظلمات ، وقصاد الناس دي فيه كتير بردو عندهم وميض من النور ولكن مبيقدروش يعدو البحر ، فاما انهم بيهاجروا او بينفنوا بنورهم بالحيا ،

- فلازم يكون فيه فئة منظمة وكبيرة تحارب الفساد وتسعى حتى تكون ذات قدره على التغيير ، وتبدا تحارب الفساد بقوة ويكون فيه صوت عملي ومؤثر من نسيج الشعب يقدر يقول لأ ويفعًلها مش بس يقولها ، فيبدأ البحر المظلم في الأنكماش وتبأ الفئة التانية اللي عندها الاخلاص والموهبة والنية الصادقة في تطوير هذه البلد في تقدم طردي مع الفئة المحاربة ، ونلاقي اللي بيعدوا بنورهم بحر الظلام زادوا ، ويستمر هذا التكامل في ازدياد حتى تكون له الغلبة ، ونوصل في الآخر لمصر اللي تعلى بينا ولينا ونفتخر بيها وتفتخر بينا ، بدل ما نغرق ونغرقها معانا

يا ريت يكون الفكره واضحة

المشاركة الأصلية كتبت بواسطة a7med_pharma

انت كلامك راح بعيد خالص

مفيش حاجه اسمها مصر بتديك ..مصر ما بتديش
الواحد هوا بتعبه بيعمل لنفسه..ولو كانت مصر بتدي الناس
فهيا بتديهم في سنانهم
وياريت ياشباب
إيه الكلام ده ... في حاجة إسمها الواحد بتعبة بيعمل لنفسة! ومصر مابتديش حد؟
مش معنى إن إحنا مش راضيين عن الحكومة وفاقدين القة فيها يبقي نتجه للنظرة الأنامالزمية دى
الموضوع مش بالكلام وبس ..بتحب مصر؟؟؟
بتحبها ليه ...وعشان إيه ..مصر عملت ليك إيه؟؟
حاول تاخد جنسية بلد تانية وأنت تعرف إن بس كفاية عليك إنك بتنتمي لبلد زي دي! يعنى كفاية ابطاقة والبسبور
وأي مصر فيهم ..مصر الحكومه ..ولا مصر الشعب ..ولا مصر الأرض؟؟
طبعا مصر الشعب والأرض والتاريخ والثقافة والطيبة والأخلاق والجدعنة ودفء المشاعر اللي لسة موجوديين .... لكن الحكومة برضة من الشعب (لو أردنا)
أكيد طبعا النوبي مش يقصد مصر الشعب ولا مصر الأرض
محدش فينا يقدر يكره بلده أو يكره اخواته
كلنا فاهمين قصدة وقصدك .... لكن والله العظيم ... كلمة أنا مش مصري صعبة جدا ومحدش يقدر يقدر صعوبتها ومحدش في أي بلد تانية يقدر يقولها علي نفسة ....
تخيل لو شهيد من شهداء أكتوبر بيقرا كلامنا ده ....
لا
الموضوع كله سخط وغضب على الي بيحصل
سرقة عيني عينك
وامتهان لكرامتنا في بلدنا وبره بلدنا
يعني تصدقوا....
لو أنا رئيس الجمهوريه
وفي موضوع الاطباء المصريين الي اتحبسوا وإتجلدوا في السعوديه
والله العظيم ..كنت قومت الدنيا وما قعدتهاش تاني
كرامة المواطن العادي ..من كرامة رئيسه
ولما رئيسه وحكومته ..تسيبه يتجلد في بلد غريبه
وودن من طيب ...وودن من عجين
تبقا خلاص كده خربت
لو إنت أو أنا في موقف رئيس الجمهورية ... تفكيرنا هايتغير خالص ... لأنه في المنصب ده بتتوفر له معلومات ولا إنت ولا أنا هانعرفها قبل خمسين سنة جاية ...
قبل حرب 73 قام شباب الجامعة بمظاهرات ضد الحكومة والرئيس عشان الدولة مش عاوزة تحارب ... تفتكر الرئيس ساعتها كان ممكن يعمل خطاب ويقول ... "إهدوا شوية ياجماعة ... حنحارب إنشاء الله يوم 6 أكتوبر! كلها كام شهر .. إصبروا شوية!
وله حق اي مصري يكره البلد بالي فيها.
بسببهم هما
لأ .. نكرهم همه ... مش البلد ...
يعني نقول ... أنا مصري وأفتخر بمصريتي لكن غير راض عن قرارات الحكومة
ربنا يزيحهم عننا....كفايا بقا ..الناس جابت جاز

يارب!!!!
يارب متزعلش من تعليقاتي!
أنا قصدي أتحاور معاك مش أكتر

المشاركة الأصلية كتبت بواسطة deee

يا جماعة انا من وجهة نظرى المتواضعة ..
فيه حاجات كتير لازم تتغير ... مبادئ واستراتيجيات عافى عليها الزمن ..

المواطن المصرى دلوقتى مفهوم الحياة عنده = مجموعة من الهموم
سواء ان كان رجل راشد او شاب او حتى امرأة أو آنسة ..

لازم الاهتمام بالتعليم التعليم التعليم ..
لازم المناخ اللى بيتوفر للعلماء بره يكون موجود هنا وانا واثق انه هيفرز كوادر ليها تأثير عالمى فى مختلف المجالات ..
واسألو مجدى يعقوب او زويل او مصطفى السيد او البرادعى
لازم العقول تشتغل مش حاجة كل حاجة حفظ حفظ حفظ ..
لازم نحاول نبنى حضاراتنا ومنبآش معتمدين على حضارات قديمة
كفاية نظرية المؤامرة اللى موجودة فى كل شبر فى ارجاء حياتنا ..
لأن دى الحقيقة احنا مش اهل ان يتعمل علينا مؤامرة ...
لازم نحاول نلاقى حلول عملية وعقلية وليست عاطفية ..
لكن كل واحد يبيبع الانتماء لبلده يبأه هو ده آخر مسمار بيدب فى نعش مصر للأسف ..

+11111111

مع التحفظ على كلام نظرية المؤامرة لان جزء كبير منها واقع

المشاركة الأصلية كتبت بواسطة sarah5

ياريت نهدي شوية ومنحاسبش بعض بالطريقة دي اعتقد ان الاستاذ النوبي قال كده من انفعاله بالاحداث الاخيرة اللي تغضب اي حد
وعموما المصري مهما قال ففي النهاية هو بيحب وطنه وكلنا مصريين وبنحب بلدنا وبنفتخر بيها وحتي لو انفعالنا شوية فده مش معناه اننا خلاص بنكره بلدنا ومعروف ان المصريين اكتر ناس متعصبيين لوطنهم ومعتزين بوطنيتهم

+11111111111111111