ههههههههه
حمد لله على سلامتك
رقم العضوية : 36884
تاريخ التسجيل : 30Mar2009
المشاركات : 760
النوع : ذكر
الاقامة : Cairo - Nasr City
السيارة: ---
السيارة[2]: Lancer 98
دراجة بخارية: قريبا
الحالة :
بدون اي مقدمات يا جماعة انا قولت انقلكم واقع تجربة عملية جديدة عليا
امبارح كان فرح اهو واحد صاحبي في المحلة
وكان لازم اروحله علشان الواجب طبعا
بس كنت متردد اسافر بالعربية ( جوليت ) بقي ولا ايه
وفي الاخر استقريت اني اشتري نفسي واسافر في ميكروباص او اتوبيس علي الاقل مش هتبقي اعصابي مشدودة
ولا اي حاجة وقاعد اقراء في اي حاجة او اسمع اي حاجة وفايق
وقد كان
وصلت عند صاحبي انا و واحد صاحبي المهم
هما عندهم عربية سابينها في الجراج ومحدش هيركبها
وقالي تعرف تسوقها ولا تخاف من الطريق
قولتله طبعا بعون الله مش بخاف
وراح فتح الجراج
عارفين المشهد بقي الجراج بيتفتح ببطيء ويخلو من الضوء الا من ضوء لمبة قلووظ معلقة في السقف ومسلط ضوءها علي الاسد
والكاميرة بتلف بقي و
بيجو 504
انا ما جربتش اسوقها قبل كده
انا سوقت عربيات كتير
اوبل - بي ام - شاهين - دايو - ماتسوبيشي - تيوتا - مازدا
المهم
بيني وبينكم قلقت شوية بس عملت فيها عنتر وقلت اسوقها وانا هيهمني
انا اي نعم كنت بمشي بالشاهين علي صلاح سالم علي 150 الساعة 9 باليل
يعني الطريق مش فاضي
بس هنا الوضع يختلف
المهم
ركبت وركب اصحابي معايا واتكلنا علي الله
الطريق بقي الي هو المحلة - كفر الشيخ
في علي يميني ارض زراعية وعلي شمالي ترعة والطريق رايح جاي
اول ما شوفت الترعة افتكرت حكاية الحادثة الي كان حكاها دكتور احمد وانه اتقلب في الترعة
بس جمدت قلبي ودوست وجريت بالعربية
اول حاجة العدادات مش شغالة
بسيطة يعني مش لازم اعرف انا ماشي علي كام
وكمان في مقولة كنت بقولها
انا بسمع الموتور برجلي
يعني بحس بيه وامتي انقل وكده
مافيش نور عالي
ياعم بسيطة حتي علشان الطريق رايح جاي ومافيش فواصل وعلشان ما تعميش الي قدامك
الفرامل بتاعتها بقي اسمها سرفو تقريبا الي هي العربي لو بطلت دواسة الفرامل تحجر ومافيش فرامل
وهي اصلا خفيفة جدا يعني اخرها بتهدي العربية مش بتوقفها خالص
بس انا بقي كنت مصر اجري
ومش هاممني
العربية كل شوية في لمبة حمرا في العدادات تنور ومش فاهم بتاعت ايه
بس فهمت بعدين
لما العربية وقفت ولقيت
ان مافيهاش بنزين
وهي بتوقف اصلا فجاءة طفيت قبل كده ولقيت الميكروباص الي قدامي نور الفرامل اشتغل وبيفرمل علشان مطب وانا العربية طفيت ومافيش فامل
جاي ادور اصلا انا متعود اني الكونتاك يمين بس في دي شمال
ما علينا
انا متعود اني الف المفتاح لجوه هنا لبره يعني عليا
ياللهويييييي
بس لحقت الحمد لله
تاني مرة بقي لما فضت بنزين خالص العربية طفت ونازلة علي الارض الزراعية وانا دماغي اني ادوس فرامل وبلا اي جدوي
وناس اني ممكن افادي الارض الزراعية بأني احرك الدريكسيون
بس نسيت
المهم
ميكورباص وقف لنا وراح جابلنا بنزين في جركن ومشيت وطلع راجل وتمام
ورحت فولت
وطلعنا علي الفرح وقعدت اروش بيها شوية
اخدت غرزة جامدة اوي حسيت العربية هتتقلب خلاص
والله مالت اوي
وصاحبي الي جاي معايا بقي عمال يقولي براحة
وصلنا والحمد لله تمام
جاين خارجين من القاعة الساعة 11.30
شبورررررررررررررررررررة
ما اكدبش عليكم ماسوقتش قبل كده في شبورة كده وحتي علي الاقل بيبقي معايا فوجات بتاعت الشبورة في الجوليت
هنا اصلا مافيش انتظار
مشينا وبقيت مشغل المساحات
قصدي مساحة واحدة بس هي الي شغالة
والتانية زعلانة مش عارف ليه
ومشينا بقي ولازم اجري اوي علشان ابقي مع العربيات وابقي سابقهم كمان
والرؤية تكاد تكون منعدمة
واحنا رجاعين بقي علي يميني علي طول الترعة ولتاني مرة اتذكر دكتور احمد
بس الفكرة بقي ان الطريق اريح جاي
فا ابقي ماشي في حارتي والاقي واحد جاين بيجري بسرعة في وشي
وجاي ادوس علي الكلاكس مش راضي يطلع صوت عمال ادوس جامد مش راضي
لدرجة كنت بفكر احاول برجلي الشمال مع ايدي
اكتشفت انه في دراع الاشارات او نقدر نقول هي اشارة واحدة الي شغالة
والله في لحظة ما بقيتش عارف افكر اروحله فين دا
وببص للترعة بكل الم
ههههههههه
المهم فديت والحمد لله
فجاءة لقيت المساحة الش شغالة
تك
اتكسرت وطارت
وطبعا ولا تبص وراك
مساحة مين يا راجل
والله قعدت اضحك انا و اصحابي اووووي
المهم بقيت الشبورة تتكون شيئا فشيئا علي الزجاج الامامي
ولازم اجريعلشان ابقي ماشي مع نور العربية الي قدامي علشان خلاص الرؤية بداءت تنعدم
والي قدامي طاير
انا فعلا مابقيتش شايف حاجة حواليا
وعمال ادور علي الترعة ومش شايفها
المهم
بستر ربنا طبعا وصلت عند اول عمود منور بداءت اشوف تاني
النور جيه النور جيه
ههههههههههههههه
والحمد لله تمام نزلت من العربية تحت البيت وما ارضتش حتي ادخلها الجراج
كده تمام اوي
بس بصراحة
البيجو عامة
ودي خاصة
عربية قويا اوي
غير عربيات اليومين دول
والدليل شوفو عربيات البيجو الي بنسافر بيها شغالة ازاي وبتجري ازاي
يعني عربية عضم و موتور
عشرة علي عشرة
والحمد لله اني رجعت سليم
رقم العضوية : 40362
تاريخ التسجيل : 15May2009
المشاركات : 3,393
النوع : ذكر
الاقامة : القاهرة/الاسماعيلية
السيارة: قاهرة التروسيكلات الصينى
السيارة[2]: كانت 128 واتسرقت :(
دراجة بخارية: لا يوجد
الحالة :
ههههههههه
حمد لله على سلامتك
سبحان الله ... الحمد لله ... لا اله الا الله ... الله اكبر
رقم العضوية : 624
تاريخ التسجيل : 12May2007
المشاركات : 2,860
النوع : ذكر
الاقامة : cairo
السيارة: corolla 07 - wife's
السيارة[2]: megane 05
دراجة بخارية: none
الحالة :
الله يرحم أيام الحفريات القديمة و الكائنات المنقرضة كال 504
Tyler_durden سابقا
المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
هههههههههههههههههه
حمدا لله على سلامة الوصول
رقم العضوية : 36884
تاريخ التسجيل : 30Mar2009
المشاركات : 760
النوع : ذكر
الاقامة : Cairo - Nasr City
السيارة: ---
السيارة[2]: Lancer 98
دراجة بخارية: قريبا
الحالة :
الله يسلمك يا رجالة
والله دا انا ما ارتحتش غير لما شوفت عمارتنا
رقم العضوية : 22625
تاريخ التسجيل : 19Oct2008
المشاركات : 884
النوع : ذكر
الاقامة : ismailia
السيارة: .
السيارة[2]: Chevrolet N300 Move
دراجة بخارية: مش بعرف اسوقها اصلا
الحالة :
حمدا لله على السلامة
Mohammed Raafat
Proud to be A memmber in NileMotors Family
mohammed_raafat سايقاً
رقم العضوية : 49702
تاريخ التسجيل : 12Oct2009
المشاركات : 3,421
النوع : ذكر
الاقامة : om el donya
السيارة: - suzuki maruti - lanos
السيارة[2]: chevroletspark
دراجة بخارية: CBR 250 FIRE
الحالة :
ههههههههههههههه حمدلله على السلامه فكرتي كنت سايق نفس العربيه دي وبنفس المواصفات الى بتتكلم عنها بس استاشن والفتيس كان في الدركسيون وكنت متدهول اخر دهوله بيها وكان معايا العيال وعطلت مني وكان يوم ميتنسيش كرهت كل العربيات فيه ورجعتها لصاحبها الى سالفها منه وقلت له حاول تحرقها أأمن ليك على فكرة انا مباحبش اصلا العربيات الكبيرة
[mshosh2]http://www7.0zz0.com/2013/05/08/17/903528565.jpg[/mshosh2]
رقم العضوية : 40298
تاريخ التسجيل : 14May2009
المشاركات : 5,965
النوع : ذكر
الاقامة : Heliopolis- Masr El Gedida
السيارة: I do not have
السيارة[2]: لا
دراجة بخارية: I do not have
الحالة :
اولا حمدلله على سلامتك انا ليا سؤال انت متاكد انك كونت راكب عربية !!!!!!!!!!!!!!!!!!
[img3]http://s11.postimg.org/5u651o4eb/bsmlhe41104899dnj0zx5.gif[/img3]
رقم العضوية : 10047
تاريخ التسجيل : 04May2008
المشاركات : 4,742
النوع : ذكر
الاقامة : ShobrA MisR
السيارة: Elentra 2013 F/O
السيارة[2]: Verna 2006 GLS
دراجة بخارية: Vespa 2012
الحالة :
احنا عندنا واحده منها
وبجد بعشقها جدا جدا جدا
والوالد عندي لما بيركب عربيتي يقولي ياعم هي دي عربيات مافيش احسن من البيجو بتاعتي
رقم العضوية : 40362
تاريخ التسجيل : 15May2009
المشاركات : 3,393
النوع : ذكر
الاقامة : القاهرة/الاسماعيلية
السيارة: قاهرة التروسيكلات الصينى
السيارة[2]: كانت 128 واتسرقت :(
دراجة بخارية: لا يوجد
الحالة :
المفضلات