السلام عليكم و رحمة الله و بركاته
كنت عايزه اشتري عربية مستعملة في حدودو 40-45 الف
دورت كتير بس مش عارفة استقر علي حاجه
الموديلات اللي بتعجبني الستروين c3 موديل 2003 - 2004 بس خايفه من قطع الغيار و التصليح لان انا الي هصلح و مش عايزه اتعامل مع ميكانكيه و مش عارفه ايه نظام التوكيل بتاعها و كمان اعادة البيع صعبه
و كمان البيجو 206 موديل 2001-2002 بس نفس مشكلة الستروين
و فيه فيات بونتو موديلات من 2000 الي 2004 بس خوفوني منها و قالولي قطع غيارها مش متوفره و مالهاش توكيل في مصر دا علي كلام واحد ميكانيكي مش عارفه صحيح و لا لا
و فيه السكودا اوكتافيا بس ماعرفش اي معلومات عنها بس شكلها معقول
ايه رايكم في المودلين دول و متوسط اسعارهم ايه؟ و هل في شئ اخر احسن منهم غير الهيونداي اكسنت و الفيرنا و الدايو لانوس لاني مش بحبهم خالص
انا كان معايا ماتركس 2005 و كانت زيرو بس بعتها لظروف الحمد لله
و بالنسبة لمواصفات العربيه علشان تقدروا تساعدوني مش مهم الوسع اوي يعني ماتكونش ضيقه اوي و لا واسعة اوي لان انا بس اللي هركبها مش عيله
و مش عايزه عربيه اقل من 1200 cc
و عايزه استهلاكها في البنزين يكون معقول و كمان قطع غيارها اهم شئ تكون متوفره و سعرها معقول ويفضل لو التصليح يكون في التوكيل لاني مش هعرف اتعامل مع اي ميكانيكي
و سؤال اخير لو عجبتني عربيه اكشف عليها في التوكيل و لا في بنزينه و لا اخد ميكانيكي معايا بس خايفه يتفق مع صاحب العربيه لو فيها عيب و كمان ايه رايكم في موقع كونتاكت كار هل اسعاره معقوله و لا كله تجار ومغالي فيه؟
و جزاكم الله كل خير
المفضلات