ارجو من كل الشباب ان حد يقولى على عربية 4×4 كويسه فى حدود 130000 جنيه . و منين ممكن اشترى ...
اشكركم
عرض للطباعة
ارجو من كل الشباب ان حد يقولى على عربية 4×4 كويسه فى حدود 130000 جنيه . و منين ممكن اشترى ...
اشكركم
الحاجة الوحيدة اللى فى حدود السعر ده هى الفئة التانية من التيريوس ال 2*4 و هى بتبقى اوتوماتك
ممكن تشوف شروكي مستعمل نضيف
عايز حاجه جديده ولا مستعمل؟؟
ليبرتى موديل فى حدود 2003
ايه استخدامك ليها تحديدا؟؟؟ هتطلع بيها صحرا؟؟ ولا مدقات و طرق وعرة؟؟ و لو هتطلع صحرا... هل هيكون أكتر في الناحية الشرقية (نواحي سينا) ولا الصحرا الغربية (واحات و وادي الريان...) ؟؟؟
تريوس 4x2 مش هتخدم لو محتاج عربية 4x4 قوية....
الشيروكي المستعمل في رينج 60-70 ألف...
مش عربية اعتمادية خالص... ولا عالأسفلت ولا في الصحرا...
العربية ديه مفيهاش أي نوع من أنواع الثبات ولا العملية.... و خسارة فيها الفلوس...
ضع فى الإعتبار موضوع الضرايب حسب السعة اللترية أصبح معيار قوى فى اعادة البيع
عندى ديهاتسو فيروزا بس حالة مثل الجديدة زيرو
0112155773
دور على اللاندر روفر , موديلات أوائل التسعينات بتتباع بأقل من 100 ألف
هي دي الـ suv اللي بجد طالما حتطلع صحرا
ويجي بعديها اللاندر كروزر , ودي لسه واحد معرفة جايب منها واحد موديل ثمانينات بـ 45 ألف يعني أكيد التسعيان منها في حدود المبلغ اللي معاك
ومتقولش عليهم عربيات قديمة دول أحسن من كل الزيرو اللي في السوق بالذات Off-Road
بجد اشكر كل من ساهم فى الرد على الموضوع و بصراحه انا مهندس معمارى و شغل احيانا يتطلب انى ادخل صحارى او امشى فى طرق و عره ..
و حاجه كمان مهمه اوى انى عايز حاجه تبقى قويه كمان عشان لو الميكروباصات خبطتها و لا حاجه برده تكون صاج قوى.
مينا باشا بخصوص الjeep cherooke انت ايه رايك ممكن موديل كام يكون كويس على سعر مثلا" 80,000 او اقل شويه و اعرف منين الجيب المستعمل النظيف..
اشكركم جميعا
كلام مظبوووووووووووووط جدا... العربيات ديه عمرها ما بتقدم....
اللاند روفر - نيسان باترول - لاند كروزر... (ملوك الصحراء بلا منازع)
عيب الباترول و الروفر في مصر... عدم توفر قطع الغيار زي التويوتا...
عشان كدا دايما بتكون اللاند كروزر أحسن اختيار ...
بص... الشيروكي ممكن تجيبها في الحدود ديه أو أقل...
و لو احتجت تكشف عليها... ممكن أدلك على مركز خدمة كويس أوي... أنا شخصيا كنت بتعامل معاهم...
ابعد عن الشيروكي بكل انواعه! قطع غيار مبالغ فيها سواءا قديم او جديد و رسوم ترخيصه و تجديد مبالغ فيه و استهلاك بنزين افترا!. و نصيحه ليك تجيب فيتارا جديد او مستعمل و متسمعش كلام اللي يقول قطع غيار غاليه انا لسه جايب طقم مقصات كامل امامي ب 550 جنيه يمين و شمال. دور على فيتارا 1600 4 باب دي مممكن تلاقي منها 2007 ب 75 الف. اتهلاك بنزين قليل و ضريبه و رسوم ببلاش و عاليه و قويه بس السحب حيكون تقيل شويه.
ليبرتى موديل فى حدود 200 متهيالى دى مناسبة جدا وعربية نظيفة
اشكرك يا استاذ مينا على الاضافات اللى دايما بتكون مفيده انا فعلا هادور على لاند كروزر بجانب التدوير على الجيب و اكيد هارجعلك تانى عشان اسال و اعرف منك معلومات اكتر .
شكرا mmffor and mazmaz و و الله الليبرتى مش قد كده عشان ناس كتير بتقول فعلا ان الاستهلاك عالى اوى و الرخصه و الضريبه .
الليبرتي مش حلوه. احسن حاجه الفيتارا لو ال 2000 سي سي بتبقى ناعمه واسعه سحب حلو و مريحه. قطع غيار متوافره
tiggo , grand terios , impreza used
تيجو ماشي حالها بس صيني و حتفكك منه في الطرق اللي بيمشي فيها علشان انا عارفها كويس.
التيريوس فعلا مناسبه جدا ليك و خصوصا ال 7 راكب علشان تنفع تنقل عمال او زمايلك و ممكن تحط في شنطتها معدات و خلافه و عاليه و عفشتها حلوه بس عيبها انها تايلاندي. ممكن ال 5 راكب 4 باب تبقى حلوه برضه. امبريزا واطيه و المطبات و الطرق المكسره حتبهدلها من تحت. الهوندا كانت بتنزل ال hrv كانت حلوه و رخيصه نسبيا. مفيش ادامك الا فيتارا او تيريوس
خليك في الجيب شيروكي عربية بجد دفع رباعي وحمالة قسيه , مش زي الفيتارا والتيريوس محركات صغيرة وصاجها ضعيف ومش دفع رباعي بجد زي الشيروكي لو عاوز ياباني دفع رباعي بجد خد باترول او لاند كروز موديلات قديمة .
شكرا يا شرييف , mmfor,chery
و الله فعلا انا شوفت عربيات كتير تريوس و فيتارا بس للاسف فعلا معجبنيش الشكل و لا الاداء معرفش ليه ..
و نزلت السوق بتاع العربيات الجمعه اللى فاتت .. و لقيت شويت jeep 1999 و 1997 الحاله من بره ممتازه بس لما بفتح الكبوت بحس ان العربيه ده متبهدله لما طالع عينها . و على فكره الاسعار مش غاليه يعنى فى واحد كان عليز يبيع 1999 على 58.000 و العربية مكنتش و حشه بس انا كنت قلقان من الموتور فان شاء الله هجيب المره اللى جيه معيا ميكانكى jeep عشان يقيم الوضع...
مره تانيه شكركم
انا كنت باسوق شوية في السعودية و عندي خلفية معقولة عن الدفع الرباعي نصيحتي ليك شوفلك لاندكروزر مستعمل حتتبسط قوي قوي منها
سيبك من التيريوس و الفيتارا و التيجو الي لا تدخل اساسا في الكلام هنا
الجيب حلوة بس مصاريفها كتير و الباترول نفس النظام هيه و الميتسوبيشي الباجيرو
من الآخر العربية الي حتخدمك و هتريحك اللاند كروزر
انا عندي اقتراح لحضرتك حطو في بالك ممممممكن يعجبك قوي ....هاتلك لادا نيفا 4*4 شديدة تخدمك في شغلك و هاتلك عربية صغيرة سيدان شيك كده لباقي مشاويرك خارج وقت الشغل
محدش يعني قاله يجيب جيب رانجلر ؟!!!
عربية قوية و ملكة في الصحراء برده....
هي مش واسعة بس مفترية و اسعارها حلوة اوي موديلات 96-98 ب45-50 الف لو نضيفة اوي
ولا ايه رأيكم؟!!
ممكن كمان شيفورلية فرونتيرا عربية جميلة جدا وقوية واعتقد اسعار قطع غيارها معقولة هوا بس شكلها الي مش حلو اوي بس دا موضوع ازواق
الجراند فيتارا ...تحفة في الصحراء عربية رهيبة وتتفوق عن انواع اشهر منها ....حتي الفيتارا 1600 مابتغرز الا لو الي سايقها ضعيف في سواقة الرمال..وعن تجربة.
+11111
ماهي ياباشا عربيات الصحراء مش زي معظم الناس ماهي فاكرة مواتير قوية وبس....الاهم توازن القوة مع الوزن وتوزيعه صح...يعني كل ما العربية كانت خفيفة وكل ماعدت في الرمل بدون ماتغرز....ده غير .....8سلندر = وزن الموتور زيادة = احتمالات غرز زيادة من العربية من قدام.....والجيمني اسمع انها حلوة في الصحرا علشان خفيفة في الوزن.....انا جربت السوزوكي 1600 والجراند شيروكي في صحرا الهرم.....السوزوكي تكسب مع انها 1600 والجراند 5300سي سي......السوزوكي كانت ضعيفة شوية لو فيه مطلع....الجراند فيتارا هاتبقي افضل.
ربنا يكرمكوا ياللي بتفهموا و قلتولوا فيتارا و جراند. فعلا تعشيق تروس الغرز بتاع الفيتارا عملي جدا و ممكن وزنها الخفيف شويه بيبقى نقطه ايجابيه في انها مبتغرزش. و انا جربت الغرز اول ما جبت العربيه. دخلت بيها في لبشه رمل بتتفحت و اللوادر كانت عاملاها تلال و اوديه و دخلت في تبة رمل لحد ما غرزت على الاخر و العجل بقى بيلف على مفيش و لما شغلت الغرز طلعت زي الجمل الصحراوي. و كمان موفره في البنزين جدا و صيانتها اقل بكتير من الشيروكي و الكلام ده. و ضريبتها ربع الشيروكي
في سياره جديده في مصر تجميع الشركه البافاريه في مصر مع مجموعه الbmw و برليانسس اسمها هواسعاره 13000-----140000-160000,هوفر hover h3
والفرق في السعر كماليات فقط لاغير
و الله يا شباب شكرا جدا mmfor and mohaily بس انا مش ميال للصينى و الكلام ده فعلا عشان مش هيعيش انا انشاء الله ماشى فى حاجه جيب كده و لو الموضوع كمل هاقولكم انا عملت ايه بالتفاصيل ....
سؤال التانى المهم هنا بقه يا شباب دلوقتى انا فى عربية معروضه عليا جيب 2006 cherokee limited عداد 120000 حالتها معقوله بس كنت عايز افحصها و اطمن مع العلم انى لما دورت العربيه علامة الاير باج و علامة malfunction اللى هيا بتاعت نظام العادم و البنزين فضلت منوره بس الاير باج طفت و التانيه ده لا
و لما سئلت صاحبها قالى اصلى فضلت ماشى على الريسيرف كتير .. متقلقش ,, بس انا قلقت ممكن حد يقولى اطمن ازاى ان العربيه مفيهاش اى خوازيق ... أستاذ مينا ارجو الافاده منك و من كل الاخوه الافاضل و بسرعه .
اشكركم
العفو.....ريسيرف ايه الي يشغل اللمبة طبعا كلام مش مظبوط بالمرة.
اه و الله يا اوتيفا ده اللىهو قالو و عشان كده انا شاكك فى العربيه انها لما بتدور مفيش مشكله بس اللمبه لسه منوره حتى لما اتحركت بيها.. و انا نزلت الكاتلوج من النت و قايليين فيه ان لو المبه فضلت منوره ده معناه ان فى حاجه غلت فى نظام العادم و لو كان ماشى بيها مده طويله فده ممكن يكون قصر على الموتور و استهلاك البنزين....
هي كدة لازم تتحط علي اسكنر علشان تريح بالك وتعرف ايه الي فيها بالظبط ممكن يكون حاجة هايفة زي اوكسوجين سينسور .....بس ممكن تكون حاجات تانية كتير زي الكمبيوتر نفسه في بعض الحالات.....اخر سيرفيس اتعملها ايه وامتي!
وفي جميع الحالات افحص كويس وطلع العيب ولو طلع حاجة بسيطة صلحها قبل ماتكمل اجراءات الشراء....مانت كده كده هاتعملها.....ظبطت كله في التمام واطمنت.
مش عارف اقولك ايه
بس الشيروكي و الرانجلر هي اقوى عربيات4*4 في حدود السعر ده بس لازم تتاكد انها سليمه 100 في 100
الرانجلر عليها عزم جر مفتري و كنت بمشي بيها على شاطئ البحر و بخش فى المية لحد ما المية تغطي الكاوتش و اخرج تاني بس عيبها انها ضيقة (بصرف النظر عن استهلاك الوقود و الضريبة فى الترخيص)
وبالنسبة للشيروكى 1993-2001 4.0Lفبها مشكلة الإتزان مش مظبوط و العربية كانت بتميل بي يمينا و يسارا كثيرا مما اضطرني الى العمل على التعديل بها و اول تعديل كان تغيير وضعية قواعد الموتور وتثبيت الموتور فى العربية على ارتفاع اقل من ارتفاع الفابريكة و بالتالى نجحت فى تقليل مركز ثقل العربية و الإمالة الجانبية اتعالجت و الثبات زاد بشكل ملحوظ.جزئ اخر من التعديل كان تركيب كاوتش 275 بدلا من 235لإضفاء ثبات و براعة فى التعامل مع الغرز فى الأراضي الطينية و الرمال الناعمة ده بخلاف المدقات ،وانا بحب الشيروكي الشكل القديم(الصندوقية) اكثر من الشكل الحديث(ليبرتي) نظرا لأن القديمة موتورها اقوى و وزنها اخف من الحديثة بقيمة 250 كيلوجرام وتحكمات الغرز فى القديمة اكثر سيطرة من الحديثة ده بالإضافة الى ان من واقع ما شوفته فى الجيب ليبرتي كان مشاكل فى الجيربوكس و كانت بتتكرر فى عربيات ليبرتي كثيرة و واضح كده انه عيب صناعة مكانش موجود في الشيروكي القديم و احلى حاجة فى الشيروكي ان قطع غيارها رخيصة و موجودة و دليل على ذلك ان فلتر زيت الموتور للشيروكي موديل 1998 هو نفسه فلتر زيت موتور فيات 128 يعني شيل ده و ركب ده و بنفس رقم الفلتر و التقسيمة على كاتينة (ليس سير) يعني خدمة شاقة بحق و المؤاخذ على الشيروكي ان القعدة فى الصالون ضيقة بعض الشئ و مرهقة مع المسافات الطويلة و بتوجع الظهر وطبعا استهلاك الوقود اكيد عالى لأن المكنة ستة سلندر و اربعة لترات .وفوانيس الشيروكي رخيصة و موجودة و العربية متداولة فى السوق كبيع و شراء و شاسيها قاسي و قوي بس تحاشي انك تثق فى العربية و تجري بيها سرعة عالية هي بتجيب 190كم/س بس بلاش تجرى سرعات عالية(قوة المحرك مصممة للغرز و القطر/الجر وليس علشان السرعات العالية)
و النيفا حمارة شغل و اجمالى تكاليفها رخيصة و صغيرة الحجم وتحتاج لإضافة التعديلات الأتية(محرك 2000cc حقن وقود-باور ستيرنج-سنترال لوك-زجاج كهرباء-تكييف خدمة شاقة-جهاز ملاحة-معالجة الصاج ضد الصدأ جيدا) والنيفا القديمة دبابة بالنسبة للنيفا الحديثة وينقصها بعض الترويش بجانب ما سبق ذكره واقتصادية فى الوقود واتمنى لو تواجدت فى مصر نيفا خمسة ابواب بجانب نيفا ثلاثة ابواب.
الفيتارا عربية جميلة بس ضيقة بشكل جامد فى الأمام و الخلف و الشنطة.ده بالإضافة الى صعوبة تواجد بعض قطع غيار ال2000cc V6و التوكيل مش مهتم لابالخدمة ولابتواجد قطع الغيار.
والفرونتيرا جميلة جدا و صالونها احلى و اوسع من الشيروكي و استهلاك الوقود اقل من الشيروكي وثباتها احلى من ثبات الشيروكي وتصميم وضعية الكورونة للفرونتيرا مرتفع(عن سطح الأرض) عن الكورونة فى الشيروكي مما يضمن حماية اكثر للكورونة من الإصطدام بأي جسم بارز فى الأراضي الوعرة ذات الحجارة الكبيرة وقطع غيارها معنديش معلومات كافية عن انتشاريتها، بس كتصميم خارحي و داخلى ووسع صالون الفرونتيرا تكسب.
الرينج روفر و اللاندروفر عربيات جميلة جدا فى الصالون و فخامة الصالون و قيمة المواد الخام المصنع منها الصالون ووسع الصالون وقوة التعليق وثبات السيارة والعربية فعلا تصلح للسفارى و مريحة و رسخة وسعرها مستعملة نظيف جدا مو1996 70،000 بس قطع غيارها مش موجودة فى اى حتة فى مصر وحتضطر تشتري قطع الغيار من توكيلها فى اليمن او انك تشتري القطع عن طريق الإنترنت و تصلك القطعة لحد منزلك بواسطة شركة شحن أو لو ليك حد حبيبك او قريبك بيسافر هناك ممكن يجيبهالك معاه وهو راجع لأن قطع غيارها فى السعودية مش متوفرة برده، و يوجد شركة واحدة فى القاهرة اسمها شركة الكويت و دول الخليج ومش بتجيب كل حاجة لها ويوجد شركة فى ابوظبي ممكن تجيب بعض الحاجات لها. يعني موال كبير لو محتاجة صيانة أوقطع غيار (راحة البال لها ثمن) وفى الأخر الواحد يركب العربية اللى الشعب راكبها علشان يعرف يصلحها ويعرف يبيعها وتحافظ على ثمنها قدر الإمكان و يحافظ على حالتها مثل الفابريكة عند اى صيانة،ويلاقيلها توكيل أو مصنع تجميع أو محلات قطع غيار متوفرة فى نفس البلد،و ينزل من بيته يروح يجيب قطعة الغيار من غير مايلف ويدوخ عليها و يصلح العربية عند اى ميكانيكي(مش لازم التخصص) فى ساعة زمن مش اكتر وتكون عربية خدمة شاقة وليست عربية ديكور و منظر بس
أنا كنت عاوز رأيك لو سمحت , النيفا اللى بتتصنع فى مصر فيها باور و إنجيكشن و بالطلب تكييف يابانى 3,000 جنيه , و بالنسبة للسنتر لوك و الزجاج الكهرباء و جى بى اس و الدى فى جى كل دية حاجات 3,000 جنيه زيادة
هل حضرتك متأكد من موضوع ان النيفا الجديدة صاجها ضعيف و مش مقاوم للصدأ؟
أنا أعرف أن شركات السيارات و هى بتجمع السيارات إنهم المفروض بيعالجوا الصاج ضد الصدأ أثناء الدهان فى المصانع المصرية , زى BMW و مرسيدس و هيونداى.
أنا سألت فى توكيل لادا على النيفا 2010 اللى بيجمعهوا فى مصر , قالول هي هي اللى فى روسيا بصاجها بكل أجهزة الموتور و العفشة الفرق بس إنها بتتجمع فى مصر عشان موضوع الجمارك لأنها 1,700 سى سى و مصنع روسيا ما ينفعش يركبوا 1,600 سى سى لأن تصميم السيارة منذ 1995 استوجب 1,700 سى سى ليلائم قدرات السيارة.
أرجوا الإفادة أرجوك لأنى ناوى أجيبها إن شاء الله قريب المهم عندى إنها على قد فلوسى و حمار شغل و تعيش إن شاء الله و مش مهم أى حاجة تانية لأن الناس كدة كدة ما بيعجبهاش العجب فمش مهم الشكل القديم بالنسبالى المهم إنها تشيلنى و تقضى المشاوير و خلاص و ربنا يكرمنى بيها إن شاء الله.
و جزاك الله خيرا مقدما :ask:
[youtube]http://www.youtube.com/watch?v=zpLWZkE6uJM[/youtube][youtube]http://www.youtube.com/watch?v=62-SdzL0ISU[/youtube]
[youtube]http://www.youtube.com/watch?v=62-SdzL0ISU[/youtube]