السلام عليكم جميعاً
أخيراً عدت الى مدينة نصر الساعة 4.30 بعد انتهاء مهرجان تركيب الانذار ... وصلت ابو رواش9.10 وقابلت أ./أشرف حسين مدير الاستقبال .. وعرفته بنفسى .... الخ ثم سألته:
- تكلفة التركيب للكارينز 450 جنيه
- .... ليه ؟
- عشان الكارينز معقدة شوية وبتاخد وقت أطول .... مش عشان انت جبت الجهاز من برة والله .... وأمامك 4 ساعات.
- مش كتير ؟
- هو لايأخذ كل هذا الوقت ... بس علشان عندنا ضغط وناس تانية حتركب أجهزة انذار (يقصد المهندس شريف sheri2net الشاب الوديع الذى تعرفت عليه فى الاستراحة-شاب على مستوى عالى ومن الشباب اللى تشرح القلب فعلاً ... )
- وهو كذلك .... شكرا
-........................................
بعد ذلك المهندس شريف خلص ومشى وأنا سيارتى خلصت الساعة 2.30 تقريباً.
الوقت أطول من اللازم علشان المركز صغير ولايتناسب مع حجم الشركة، يعنى partition واحد للكهربائى مش كفاية طبعاً ..... طبيعى لازم يوازن بين جميع العملاء ويحصل تأخير فى تركيب الانذار.
نيجى بقى للجهاز أنا اكتشفت انه مفروض يكون اسمه SPY 5000 mm وليس SPY 5000m
* يادوب روحت وركنت العربية أمام العمارة وبعدت عنها 40 متر داخل مدخل العمارة ... الجهاز فى العربية مش حاسس بالريموت خالص مع عدم وجود أى عوائق.
ياريت أى حد من الأخوة الأفاضل اللى عنده هذا الجهاز يشرح لنا شوية hints & tips علشان أنا مش قادر افهم ال user manual بتاعه.
والسلام عليكم ورحمة الله وبركاته
المفضلات