العربيه بتاكل بنزين حد يفدنى

**wael6** · 13-06-2010 12:09 AM

السلام عليكم
معايا سيارة 128 مو 77 1100 سي سي مره او اتنين اللى عملت 180 كم فى الصفيحه وبعد كده 125 كم وده داخل المدينه وكمان كنت الاقي العربيه مره بتسحب حلو ومرة مخنوقه وروحت للميكانيكي قالى عيب كاربرتير وهنضفه وان شاء الله هيظبط ولكن برده لسه الحال زى ما هو والعربيه مشت يومين حلو وبعدين مخنوقه فى سحبها وساعات تفصل على السرعه الهادية ما الحل وارجو الافاده علما انى غيرت نوع الزيت من بترومين اكسترا سوبر الى كاسترول

**ahmad2007** · 21-06-2010 11:29 PM

المشاركة الأصلية كتبت بواسطة higazyeslam

انا اول مره امتلك عربيه نوعها شاهين 1300 مو96 وبحط بنزين 80 والعربيه بتاكل بنزين بتعمل 175كم فى الصفيحه داخل البلد و 240كم فى الطريق السريع قالوا التكيهات ظبطها و برده بتاكل بنزين و رحت ظبط الكربراتير اكثر من مره ومفيش فايده وغيرت البوجيهات مع العلم ان المتور بيترعش بسيط فى السلانسيه وبتاع الكربراتير قال ده عادى قولولى اعمل ايه الله يخليكم

انا عندى نفس السيارة وهو دة معدل كويس

________________________________

العضو الفاضل

محظور على الأعضاء أستعمال اللون الأحمر فى المداخلات

حيث أن اللون الأحمر مخصص للمداخلات الأداريه

يرجى مراجعة قواعد المنتدى

مشرف قسمى الورشه والتعليمى

**wael6** · 22-06-2010 10:47 PM

اقصي استهلا ك عملته 160 ك للصفيح واوقات يقل الى 120 كم للصفيحه ودلوقتى بشم بنزين جوه العربيه 128 مو 77 1100 سي سي ما هو الحل علما بانى نضفت الكاربتير

**mahmoud5777** · 23-06-2010 09:20 AM

كدة الاستهلاك ممتاز بالنسبة للسعة اللترية ونوع البنزين بس ممكن يتحسن بطرقيتك فى القيادة يعنى تبعد عن القيادة الرياضية وبلاش التسارع الفجائى وبعدين الفرملة والتسارع مرة أخرى وكمان راعى ظبط الزوايا وضغط الهواء فى الاطارات وقبل ماتتحرك تتأكد أن فرامل اليد نازلة بالكامل كل ده يحسن استهلاك البنزين

**wael6** · 23-06-2010 06:26 PM

المشاركة الأصلية كتبت بواسطة mahmoud5777

كدة الاستهلاك ممتاز بالنسبة للسعة اللترية ونوع البنزين بس ممكن يتحسن بطرقيتك فى القيادة يعنى تبعد عن القيادة الرياضية وبلاش التسارع الفجائى وبعدين الفرملة والتسارع مرة أخرى وكمان راعى ظبط الزوايا وضغط الهواء فى الاطارات وقبل ماتتحرك تتأكد أن فرامل اليد نازلة بالكامل كل ده يحسن استهلاك البنزين

الكلام ده ليا حضرتك ام لمن وارجو افادتى فى استهلاكى للبنزين و وشم رائحة بنزين بالداخل وشكرا

**wael6** · 26-06-2010 06:10 PM

السلام عليكم
10 لتر عملوا 140 كم (( 128 مو 77 1100 ))على الطريق السريع هل هذا مناسب ام ماذا ونرجو الافاده

**reamoz** · 30-06-2010 10:00 AM

مناسب إلى حد كبير

**wael6** · 01-07-2010 04:17 PM

المشاركة الأصلية كتبت بواسطة reamoz

مناسب إلى حد كبير

شكرا ولكنى بشم رائحة بنزين بالداخل ما ا لحل وشكرا

**x100** · 04-07-2010 02:23 PM

المشاركة الأصلية كتبت بواسطة wael6

شكرا ولكنى بشم رائحة بنزين بالداخل ما ا لحل وشكرا

راجع على وصلات البنزين من التانك الى الكاربراتير

**hassanali** · 07-07-2010 09:30 AM

شوف استهلاك البنزين كربراتير -تاكيهات-جوده عجل العربيه-ترصيص عجل-زوايا-فرامل قافشه شويه (شوف حرارة الماتور لو فوق ما انت متعود ده يزود استهلاك البنزين)