العربيه بتاكل بنزين حد يفدنى

**sameh127** · 07-07-2010 01:37 PM

إكشف على الشكمان من اول الفرن الى اخر علبة و ممكن تفك علبة الريزونيتور و تركب علبة ريزونيتور بها جيوب داخلية و مسارات اكثر
من الأصلية (ولو مكانش عندك هذه العلبة فركبها قبل اخر علبة شكمان)فهى تؤدي لإنكماش حجم العادم بشكل اكثر فتقلل الضغط العكسي على المحرك فى السرعات العالية و تساعد على توفير الوقود بشكل اكبر لأن الموتور بيخرج العادم بشكل اسهل و بدون بزل مجهود و ضخ بنزين كثير كي يزيد الكبس و يخرج عادم اكثر .كذلك من الأشياء اللى بتساعد الموتور انه يتنفس بسهولة هى كبر حجم اخر علبة شكمان و كثرة المسارات الداخلية بها و التى تسمى سايلنسر(تحاشى إضافة صوف زجاجي لأنه بيكتم العلبة و بيتنطر خارج العلبة ويتطاير مع الحرق و السرعات العالية) كذلك اخر إضافة ممكن تركبها فى الشكمان هى السوستة الأمامية اللى بتربط هدرة الفرن مع اول الشكمان و بتعمل حاجات كتير كويسة للموتور من ناحية سرعة طرد العادم و تسريب العادم الزائد عن حمل شجرة الشكمان الى الجو و امتصاص اهتزازات الشكمان مع المطبات و تقليل اهتزازات الموتور لشجرة الشكمان و حتلاقى صوت الموتور انخفض اكثر و استهلاك الوقود تحسن.

(هذه المعلومات من خبرتي و دراستى فى العربيات وتعديلها وليست منقولة من اي موقع او كتاب او اى مصدر اخر)

**wael6** · 11-07-2010 11:09 PM

السلام عليكم
معلش سؤال
انا سافرت ع الطريق السريع وعملت مشوار 140 كم وسحبت بنزين 10 لتر اعتقد كده كويس
ولكن التنك كله داخل المدينة عامل 225 كم واعتقد ان هذا قليل ( مع العلم انى بشم رائحة بنزين داخل العربيه ) ( 128 مو 77 1100 سي سي ) ارجو الافاده

**ahmad2007** · 14-07-2010 10:44 PM

مشكوووووور والله يعطيك الف عافيه

:b4_611:

**wael6** · 17-07-2010 09:31 PM

المشاركة الأصلية كتبت بواسطة wael6

السلام عليكم
معلش سؤال
انا سافرت ع الطريق السريع وعملت مشوار 140 كم وسحبت بنزين 10 لتر اعتقد كده كويس
ولكن التنك كله داخل المدينة عامل 225 كم واعتقد ان هذا قليل ( مع العلم انى بشم رائحة بنزين داخل العربيه ) ( 128 مو 77 1100 سي سي ) ارجو الافاده

هل من اجابه ؟؟

**khaled_sabry** · 22-07-2010 11:59 PM

المشاركة الأصلية كتبت بواسطة ahmed_h_g

240 كيلو للصفيحه على موتور 1300 كربراتير كتير جدا"
المفروض ال 19 أو 20 لتر يعملو معاك 300 كيلو خارج البلد.

هو بيقولك كربراتير
لو انجكشن يبقى ماشى كلامك

**ambitious** · 08-08-2010 05:40 PM

ياجماعة انا عندي مشكلة في الكربراتير(انجكشن)
انا لسة مغيرة من فترة قصيرة جدا بس للأسف انا اول ما ادور العربية الصبح العربية بتظبط معايا كويس وبيكون rpm علي 9 بس للأسف اول ما العربية بتسخن واقف في اي إشارة ال rpm بيفضل علي 18 - 20 ومش بينزل الي لمل العربية تاخذ غيار
انا شاكك في حاجة بس مشعارف هيا صح ولا لا
الراجل لما غيرلي الكربراتير مركبش الجوان بتاع الكربراتير فممكن يكون بياخد هواء سخن
السبب التاني يكون من حساس الشكمان ( علشان الراجل منة لله بتاع الشكمانات وهو بيلحمة حرق الحساس ولما سألت عليه لقيتة 425 جنيه )
السبب الأخير ان يكون الكرباتير (انجكشن)اللي جبتة يكون بايظ

ايه السبب من رايكم

وشكرا

**naser_1978** · 08-08-2010 10:18 PM

ممتاززززززززززززززززززززز ز وربنا يباركلك فيها اوعى تلعب فى حاجه ومتنساش دى كربراتير مش انجكشن يعنى لو انجكشن برضه كان يبقى المعدل دا مناسب عليها لو لعبت فيها هتعمل 120 فى الصفيحه ودا عن تجربه

**mohamedbamby** · 02-07-2012 09:50 PM

ضبط الكربراتير ليس فى حاجه الي ميكانيكي

الخطوات باختصار شديد
1- غلق مسمار الهواء حتي النهاية
2- فتح مسمار الهواء بمقدار ثلاث لفات
3- بدا تشغيل الموتور
4- تقليل البنزين حتي اقل صوت للموتور مع انتظام الموتور فى العمل وقبل التقطيع او الرعشة
5- تقليل الهواء بواسطة مسمار الهواء حتي اقل نقطة قبل الرعشة مع سماع صوت انتظام الموتور
6- ضبط مسمار السلانسية عالي او واطي ( مراعاة حركة السيارة ومتطلبات التشغيل )
7- تجربة السيارة ومراعاة الاتي :
----الحالة الاولي :اذا كان العادم اسود ابيض فى هذه الحالة البنزين الداخل الي الموتور اكثر من الهواء واحترس لان فى هذه الحالة يزيد معدل الرصاص علي جوانب البستم ويجرح الموتور وتزيد معدل الشوائب بخلاف تهبيب البوجيهات
ويلزم تقليل البنزين باتباع الخطوات سالفة الذكر

----الحالة الثانية : الهواء اكثر من البنزين يكون هناك تقطيع وتقل بالسيارة وعدم انتظام بالحركة وتكرار التوقف المفاجا للموتور وتتبع الخطوات السابقة لضبط مستوي البنزين والهواء فى حالة زيادة الاستهلاك