استفسار حول هوندا اكورد 88

**Amr_tika88** · 08-01-2010 09:36 PM

انا والدي معاه هوندا اكورد 88 العربية طبعا ماشاء الله جميلة جدا بس بيشتكي في الفترة الاخيرة من حاجتين ان استهلاك البنزين عالي فيها بتعمل 130 كم في الصفيحة و الانوار بتاعت العربية والتابلوة ضعيفة
وياريت لو حد يعرف ميكانيكي بيفهم في الاكورد بالذات كويس لان العربية دي كويسة جدا
وشكرا للهونداوية

**Yones** · 08-01-2010 11:57 PM

معاك حق العربية جميلة جدا فعلا
بص ممكن توديها عندى كهربائى مضمون هيبقى غالبا فيه لمبة او اكتر فى التابلوه محروقين وهيغيرهم وممكن كمان يبقى السبب فى ان الزرار بتاع ضبط قوى الاضاءة بتاع لتابلوه معلق وزرار التابلوه ده عبارة عن مقاومة متغيرة هيظبطها الكهربائى ويثبتها على الاخر فتبقى الاضاءة اقوى
وبالنسبة للانوار الامامية اعمل
check
على اضاءة اللمبات عشان ممكن تكون ضعفت مع الوقت
وممكن كمان تنضف الكشافات الامامية من جوه فهتعمل فرق ان شاء الله

**Yones** · 09-01-2010 12:03 AM

وبالنسبة لموضوع الاستهلاك ممكن يبقى عيب كاربيراتير مش عارف بصراحة
بس بجد انا كمان نفسى اعرف ميكانيكى هوندا اكورد كويس فى القاهرة
مشكلة العربية دى فعلا انها قليلة جدا ونادرة بس محترمة بصراحة وسابقة عصرها

**Amr_tika88** · 09-01-2010 12:40 AM

شكرا على ردك اخي الكريم
بس هل ممكن تكون مشكلة فلاتر
او مشكلة كهربا
او اي مشاكل اخرى

**Yones** · 09-01-2010 01:35 AM

ربنا يخليك بجد

بس عامة فلتر البنزين والهواء والزيت لازم يتغيروا كل فترة عشان اداء العربية كصيانة دورية
بس مش عارف بصراحة اذا كانت السبب الاساسى فعلا لارتفاع الاستهلاك ولالا

**Amr_tika88** · 09-01-2010 04:41 PM

انا مش متابع مع والدي موضوع تغيير الفلاتر اوي لان دي سيارته هوا
بس هوا عموما مش مهمل في السيارات عموما بس انا عاوز اتاكد يمكن يكون نسي او كده ازاي اعرف ان كل ده من الفلاتر او كربراتير وفي حاجه غريبة كمان عنده ان العربية اوتوماتيك واما تحط غيار الدريف وتفضل دايس فرامل العربية بيبقى فيها رعشة كل ده ايه في ناس تقول كهربا و ميكانيكية تقول قواعد موتور والردايتير بايظ وكل واحد بيتكلم في ناحية غير التانية خالص
بس معلش تعبتكو معايا بس ياريت حد يدلني
وشكرا

**Yones** · 10-01-2010 12:02 AM

هو بالنسبة لتغيير الزيت وفلتر الزيت بيبقى فيه مؤشر او مقياس
indication
عشان تغيير الزيت والفلتر بتاع الزيت هو بصراحة عندى فى عربيتى واعتقد انه موجود فى الموديل بتاع باباك ممكن تلاقيه جنب العدادات وبيبقى مكتوب عليه
engine oil change
filter oil change
مش هكذب عليك بصراحة انا بقالى فترة المؤشؤ عندى منتهى ومغيرتش لا الفلتر ولاالزيت بس حاول بجد تعمل
check
عليهم
وبالنسبة للكربيراتير اعتقد انه بيتنضف بس حاول فعلا تلاقى ميكانيكى ثقى فى الموضوع ده
والله لو كنت اعرف ميكانيكى متخصص فى الاكورد كنت قولتلك انا كمان زيك بصراحة معرفش حد متخصص فيها

**Amr_tika88** · 10-01-2010 12:08 AM

ميرسي جدا يا استاذ يونيس وربنا يباركلك في الاكورد بتاعت حضرتك وعقبال الاكورد ال 2010 انشا الله اما نلاقيها مع كل اعضاء المنتدى زي السيفيك كده واكتر

**Yones** · 10-01-2010 01:04 AM

ربنا يكرمك والله
والله الاكورد 2010 دى حلمنا كلنا عربية مالهاش حل وربنا يرزقنا كلنا
بس دى تمنها تقريبا بيوصل ل
440000
ومش هتلاقى منها كتير فى مصر عددها قليل جدا
انا لسه شايف من كام يوم فى مصر الجديدة هوندا اكورد موديل 2003 او 2004 بس بجد تحفة تخيل بقى 2010 تبقى ايه؟؟