استاذي الفاضل احمد سامي
طبعاً الموضوع دا رخم شوية ممكن في ناس تقول ايه الهيافه دي بس انا عارف لما حاجة بتكون غلسه دا بتعكنن الواحد
علي العموم انا تقريباً عارف السبب بنسبه 90% و ان شاء الله يكون نفس الفكره الي في دماغي
اولاً حضرتك عارف ان انا معايا جين 2 من فتره كدا اكتشفت ان الكلاكس و الكروز كنترول ( مثبت السرعه ) و المالتي فنكشن فصلو
و بما ان انا مهندس الكترونيات بصيت علي الفيوزات الداخليه في العربيه و الخارجيه و كله في الاخر طلع تمام قولت طب اشوف الوصله بتاعت القصه دي الي تحت الدريكسيون المهم فكيت العلبه الي ورا الدريكسيون و اكتشفت ان الفيشه مفصوله من الضفيره تمام لحد الوقتي تمام
رحت موصل اشتغل كل وظائف تاره الدريكسيون قولت اقفل ..... جيت اقفل العلبه و ركبت اكتشفت ان الكلاكس شغال و المالتي فنكشن و الكروز لا معا ان اول ما وصلت الفيشه كان كله تمام المهم بصيت تاني علي الفيشه لاقيت كله تمام كملت تقفيل و قولت لما اشوف التوكيل لسه بقفل و ادوس كلاكس لاقيت في فيوز ضرب في العربيه ......:b4_282:
المهم من هنا الي هنا غيرته بواحد زيه وبعد ما غيرته لاقيته طبعاً كل وظائف التاره ولا الهوا و لا كلاكس و لا احزنون
رحت التوكيل و شرحتلوا الي حصل و الي انا عملته .....
دخلت العربيه الورشه و بعد شوية نادو عليا و قالي الكلوك سبرينج عايز يتغير و دا الي مسؤل عن الوظائف الي في التاره
الي عايز اوصله لحضرتك علاقه الكلاكس و تغير المود في الكاسيت مع الكلاكس و دا بسبب ان الفيشه بتكون عليها كهربه الكلاكس و المالتي وهي فيشه واحده
و لما حضرتك بيحصل معاك كدا بيكون في تلميس بسيط في الدوائر بيأثر علي المالتي و بيغير المود
انا عارف اني طولت علي حضرتك و حكيت لحضرتك قصه طويله عريضه ولكن دا لسببين
اني معيش سيراتو وعلشان حضرتك قولت انا عايز يكون التجربه من ملاك السياره
ولكن انا في النهايه حبيت اشارك معاك في حل مشكلتك حتي ولو بشكل بصيت
تحياتي اخي الكريم و اسف علي الاطاله
المفضلات