اية ياعم اة الفيلم الهندى دة
رقم العضوية : 22751
تاريخ التسجيل : 20Oct2008
المشاركات : 229
النوع : ذكر
الاقامة : Egypt, Cairo
السيارة: Lancer sport 2006
السيارة[2]: مازدا 323
دراجة بخارية: لا يوجد
الحالة :
ترررن ترررن ترررن
دوى رنين التليفون كالقنبلة فى أذن أدهم صبرى ضابط المخابرات المعروف....القوى...الأسد...الج امد...بتاع المستحيل كله
وعلى أثره قام أدهم فجأة ووقف كالأسد الهصور فوق السرير فى حركة يجمع خبراء الرياضة وعلم التشريح فى العالم على أنها مستحيلة
حركة مدهشة أذهلت أعداءه الذين نجحوا فى زراعة أجهزة تصنت أخيراً فى قائم سريره ومكتبه ونيش السفرة والكمبيوتر والحلل وحتى البلاى ستيشن لعلهم يعثرون على نقطة ضعف واحدة يستطيعون بها تحقيق حلم جميع أجهزة المخابرات والفيديوكاسيت فى العالم بقتل الرجل
الرجل
رجل المستحيل
أدهم
أدهم صبرى
وبعد أن وقف رجل المسحيل على السرير فتح فمه ليتثائب ثم أغلقه فى سرعة وإبتسم فى سخرية من الشيطان الذى لم يستطيع قضاء حاجته منذ عدة شهور كرر أدهم فيها نفس الحركة شديدة الدهاء
ثم نظر إلى التليفون فى سرعة وهو يقول وإبتسامة ماكرة تتراقص على شفتيه فى دلال : يا ترى مين المقطف اللى بيتصل بيا دلوقتى ؟
ثم أمسك سماعة التليفون فى قوة وإنتظر حتى يسمع صوت محدثه أولاً ولما لم يجد رداً لمدة نصف ساعة صاح فى ثورة ساخرة : ما ترد يا مقطف
فإذا به يسمع صوتاً عميقاً مرعباً يقول : أنا مقطف يا بن الـــ....
قاطعة أدهم سريعاً : سيدى المدير...والنبى يا سيدى ما أعرف إنه إنت...يتقطع لسانى....دنا كنت فاكرك واحد مقطف
قاطعة المدير هذه المرة فى صوت أكثر عمقاً : أدهم...كفاية قلة أدب بقى وعيش سنك إنت داخل على الستين دلوقتى...أنا عايزك فوراً فى مبنى المخابرات وخلى بالك وإنت جاى ليكون حد ماشى وراك..........وهات فطار معاك
إنتصب أدهم فى وقفة عسكرية شامخة وهو يجيب فى حزم : أجيب فول ولا طعمية يا فندم
قال المدير فى صوت أكثر عمقاً بدا كأنه يأتى من بئر بلا قرار : فول يا أدهم.........شكشوكة يا أدهم........بابا عنوج يا أدهم......مش كل يوم نفس السؤال يا أدهم....إقفل يا أدهم
أغلق أدهم السماعة فى وجه المدير وإندفع فجأة كالصاروخ إلى الحمام وخرج بعد ثانية واحدة عن طريق التعلق بالسقف بشفاطات قوية قفز منها إلى الحجرة المجاورة ثم تراجع خطوتين إلى الخلف ووثب وثبة ماهرة أوصلته لفوق الدولاب الذى صنع فيه فتحة طوارىء من الأعلى ليستخدمها إذا تم محاصرة شقته من قبل بعض الأوغاد
ثم إرتدى ثيابه سريعاً وفتح الدولاب فجأة وقفز من النافذة التى تحطم زجاجها فى صوت مخيف ثم إكتشف فجأة وهو فى الهواء أنه يسكن فى الطابق العشرين
"""""""""""" """"""""" """"""
يقول خيراء الباراثيكولوجى وعلم الأجنة وعلم الجيولوجيا أن الإنسان إذا سقط من مكان مرتفع فإنه يسقط لأسفل وأجمع كل علماء الطقس وفنيى الأشعة أن الإنسان إذا سقط من الطابق العشرين فربما يقع على سيارة غير مؤمن عليها فيسبب خسارة لمالكها
ولكنهم لابد وأنهم كانوا سيذهلون وتنفرج فكاكهم السفلى فى بلاهة ويتدلى لعابهم فى إستراخاء إذا رأوا ماذا فعل رجل المستحيل فى هذا الموقف
"""""""""""" """"""""" """"""
إكتشف أدهم فجأة وهو يسقط أنه يسكن فى الطابق العشرين وأخذ يتذكر أيام شبابه عندما إنضم لفرقة الصاعقة ثم إنضامه للمخابرات ثم إقالته بسبب فضيحة إختلاس ثم عودته مرة أخرى للجهاز بعد أن وعد بتقسيط المبلغ
ثم.....إنتزعه فجأة من ذكرياته مشهد الأرض وهى تقترب فى سرعة....تقترب وتقترب.....وتقترب
وتقترب
وتقترب
نعم لقد شاهد هذا الموقف من قبل...لقد تذكر الآن
لقد كان هذا قبيل حرب أكتوبر بساعات عندما أوكلت له ولفريقه مهمة بناء سد فى ممر متلا يحجز الإسرائيلين خلفه مؤقتاً لحين تمكن مصر من أخذ زمام المعركة
وتذكر حينها أنه قال لقائده فى حماس رهيب : روحى فداء لمصر يا باشا بس دى شغلانة مقاول مش ضابط صاعقة
إلا أنه نفذ المهمة وعلى أكمل وجه...فقد دفعوه من باب الطائرة فوق الممر بدون مظلة أو ثياب حتى لا يلتقط الإسرائيلين شكل المظلة فيعرفون أنه ضابط مصرى فيستنتجون أنه جاء لعمل سد فى الممر
وفى نفس الوقت إذا قفشه الإسرائيلين وهو بدون ثياب فيستطيع وقتها التظاهر بالبراءة ويقول أنه أخطأ الطريق وهو يقفز فى البسين
خطة عبقرية صنعتها عقول لامعة....
و.......قطعه فجأة مشهد الأرض وهى تقترب وتقترب
وهنا إنتزع أدهم نفسه من أفكاره فى سرعة وتذكر أنه قد وصل للطابق الثانى ولم يقرر بعد ما سيفعله ليخرج من هذا المأزق
وفى الثلث الأول من الثانية فكر أدهم....وفى الثلث الثانى إلتقطت عيناه مشهد مصنع مراتب تاكى الذى يبعد عن بنايته خمسين متراً
وفى الثلث الثالث تذكر أدهم كل ما تعمله على يد بات مان وفرد ذراعية وثنى ساقية وأخرج لسانه فساعده ذلك على أخذ كل الهواء فى فمه فإنتفخت بطنه وإنخفضت رأسه ومال جانبه وتراقص حاجبيه وإتجه بجسده كله نحو مرتبة حددها مسبقاً والأرض تقترب وتقترب وتقترب
"""""""""""" """"""""" """"""
إرتفع صوت إرتطام قوى بالأرض فى مصنع تاكى
فإذا بعامل ينظر إلى زميله فى هدوء قائلاً : ده تلاقيه أدهم صبرى
ثم عاد إلى عمله فى هدوء
أما أدهم فكل ما كان يحنقه أنه أخطأ المرتبة بعشرين سنتيمتراً فقط
ومع ذلك قام فى سرعة وإندفع الصاروخ خارج المصنع وقفز إلى سيارته ولم ينسى أن ينظر لخدش المفتاح الذى صنعه كى يميزها فإذا به يجد عدة خدوش لمسامير وأمواس وسكاكين ومطاوى
فتذكر وقتها أنه فى مصر وتنهد فى إرتياح
وإستنشق نفساً عميقاً محملاً بالتلوث والغبار وعوادم السيارات
( مفيش أحسن من مصر أم الدنيا )
ثم إنطلق بسيارته مسرعاً فإذا بلجنة فى وسط الشارع وأمين شرطة يبتسم فى شماتة قائلاً :
إنت مش رابط الحزام...رخصك
صاح أدهم فى صوت جهورى أسمع كل المحيطين به : أنا مخابرات...مخابراااااات....كل يوم أقولك نفس الكلام...عمرك شفت ضابط مخابرات رابط الحزام...طب بفرض أحد الأوغاد إدانى قفا وجرى....هلحق أجرى وراه إزاى
قال ضابط اللجنة للأمين فى صوت مرتفع : عدى أدهم صبرى يابنى وهات اللى وراه ده
إنطلق أدهم وهو يسير فى مسار متعرج للتمويه ثم إلتقطت عيناه لوح خشبى مائل على الطريق فإتجه إليه وهو يضغط دواسة الوقود بكل قوته ثم قفز بالسيارة ليعبر الإشارة المتوقفة وهو مبتسماً فى سخرية
"""""""""""" """"""""" """"""
وصل أدهم أخيراً إلى مبنى المخابرات الخفى الجديد الذى أقامته المخابرات فى أحد المناطق العشوائية فى القاهرة من 15 طابق بواجهات زجاجية سوداء عاكسة والذى يحمل فى أعلى طابق له على لافتة مكتوب عليها (سوبرماركت التقوى)
وقبل الباب بخمسة أمتار توقف أدهم بسيارته وصاح بملىء فيه : نعناع الجنينه المسك فى حيطانه
وإنتظر أدهم قليلاً ثم سمع صوت من الداخل يصيح : شجر الموز طرح ضلل على عيدانه
ثم قام أدهم بإشعال الأنوار الأمامية وإغلاقها 15 مرة متتالية ثم قام بالتفويت والتخميس بالسيارة أمام الباب ثم أضاء الإنتظار ودار بالسيارة 5 مرات
وبعد التأكد من شخصيته قام حارس المبنى بفتح الباب فإندفع أدهم بسيارته مسرعاً ثم قفز منها وتركها ترتطم بالحائط وتنفجر
ثم تجاهل المصعد كعادته وأسرع يقفز درجات المبنى مثل الكنغر ثم أخذ راحة فى الدور الثانى لمدة دقيقة ليلتقط أنفاسه ثم عاد للقفز إلى أن وصل للطابق الثالث الذى تتصاعد منه رائحة غريبة ميزها أدهم على الفور
فقفز فجأة إلى أحد غرفها بعد أن دفع الباب بقدمه فوجد قدرى صديق عمره ينقض على عجل صغير وينشب أنيابه فى عنقه , فسقط العجل أرضاً وهو يلفظ أنفاسه الأخيرة فمن المعروف عن قدرى أنه يتناول طعامه حياً
وما أن رأى أدهم هذا المشهد حتى زمجر فى شراسة فإلتفت إليه قدرى فى شراسة بأنياب تقطر دماً وجاوبه بزئير قوى جعل أدهم يتراجع فى خوف ويغلق باب الحجرة بعد أن ألقى التحية اليومية على قدرى ويعاود القفز إلى حجرة المدير
ثم بلغها فضرب الباب بقدمه وإندفع إلى الحجرة كالصاروخ فى مشهد مخيف وهو يقول فى حماس وقوة بأعلى صوته : ن - 1 فى خدمتك يا سيدى
ودار ببصره فى أرجاء المكتب بحثاً عن المدير فأتاه صوت مهيب عميق من أسفل مكتب المدير يقول فى هدوء : أنا قطعت الخلف يا أدهم...جبت الفول ؟
أخرج أدهم من جيب خفى فى ياقة قميصة بسرعة لفافة تفوح مها رائعة الزيت الحار وقذفها للمدير الذى إلتقطها فى لهفة وفحتها وأخرج منها شطيرة وأخذ يتشممها فى شراسة ثم قضم منها قضمة سريعة
نظر أدهم إليه فى حزم وهو يقول : سعادتك يا فندم أنا جاهز للمهمة
لم يلتفت إليه المدير وهو يلتقط شطيرة أخرى فى لهفة
وهنا قال أدهم فى صرامة : سعادتك أنا جاهز للمهمة ولا أبعت أجيب قدرى يفطر معاك؟
إنتفض المدير فى خوف وهو يخفى لفافة الطعام فى درج مكتبه فى سرعة وقال بصوت مرتجف : إجلس يا أدهم فالمهمة التى طلبتك من أجلها لا تحتمل التأجيل
صاح أدهم فى قوة : كلى فداء لمصر يا سيدى
قال المدير فى حزم وقد إستعاد رباطة جأشه : المهمة هذه المرة تخص أعز الناس إلى قلبك يا أدهم
سأله أدهم فى ألم : هل قام الأوغاد بإختطاف أخى مرة أخرى ؟
عقد المدير حاجبيه فى قوة وهو يقول : مش أخوك يا أدهم
إنهار أدهم باكياً وهو يقول : هل قاموا بتعذيب طنط نجوى حتى الموت ؟
قال المدير بنفاذ صبر : مرات خالك مش هدف للموساد يا أدهم
وهنا إعتدل رجل المستحيل فى حركة أشبه بالمعجزة ومسح دموعه بقدمه فى سرعة وعادت إليه إبتسامته الساخرة وهو يقول : خلاص يبقى الدنيا وما فيها
قال المدير فى حدة : نسيت منى يا أدهم خلاص مبقتش تهمك خلاص
وهنا إنتفض أدهم فى مقعده وقال فى لوعة : سيادتك تقصد منى توفيق ولا منى زكى ؟
قال المدير فى غضب : منى توفيق يا أدهم بيه
وهنا عاد الهدوء لأدهم وإسترخى فى مقعده وهو يقول : آه منى توفيق...مالها يا باشا
رد المدير فى غيظ : خطفوها تانى يا أدهم أثناء عمليتها الأخيرة فى السنغال
إبتسم أدهم فى سخرية وهو يقول : يا فندم مش معقول كل عملية تطلع فيها ترجع لنا بمصيبة لو مش عارفة تشتغل تتجوز وتعد فى البيت تطبخ وتغسل ولا بتوع السياسة يقولوا الستات ينفعوا لأى شغلة وإحنا اللى نشيل الليلة
رمقه المدير بنظرة طويلة صارمة وقال : أدهم أنا عارف إنك متضايق لأنها رفضت تتجوزك خمستاشر مرة وآخر مرة سيبت عليك الكلاب لكن ده مش مبرر إننا نتخلى عنها فى أزمتها
قال أدهم فى سخرية : طيب سعادتك تأمرنى بإيه
نظر إليه المدير نظرة فاحصة وقال : من الآخر يا أدهم...تاخد كام فى العملية دى
قال أدهم بسرعة وكأنه كان يتوقع السؤال : أرجع رتبتى تانى والسفر عليكم والفندق أوبن بوفيه ومرتبى يبقى ألف دولار أسبوعياً
صاح المدير فى حدة : ليه ..إنت فاكر نفسك شغال مع كرومبو
تراجع أدهم فى مقعدة وقال فى برود : منا يا فندم عملت مهمات مجانية كثير وفى الآخر فصلتونى ولبستونى الجلابية ...وخلاص يا فندم أنا هطلع المهمة عشان مصر بس مضمنش النتيجة
تراجع المدير فى مقعده بدوره فإنكسر ظهر المقعد وسقط المدير على ظهره وهو يقول بصوت مختنق : إنت بقيت حراق قوى من ساعة ما إعتزلت وبقيت شغال بالقطعة...بس عموماً مش هنختلف...عدى عليا بعد الظهر نمضى العقد...بيس يا مان
قام أدهم فى سرعة ليساعد المدير فى النهوض وهو يقول : قشطة...بس معلش سؤال يا كبير..إنتوا مهتمين بالموضوع المرة دى زيادة حبتين بدليل إن محدش فاصل معايا ...يعنى مكلفين...رسينى بقى عالحوار لأنى عارف إن الموضوع مش موضوع خطف منى...
قال المدير فى حذر وهو يتلفت حوله : بص يا أدهم...منى لما إتخطفت كان معاها ميكروفيلم فيه أسرار عسكرية
رد أدهم بتساؤل : صور مطاراتنا السرية ؟
قال المدير : وصور دباباتنا بعد ما رشيناها فرن
عاد أدهم للسؤال : ومدافعنا بعد ما إتدهنت للتمويه ؟
رد المدير : وقواعد صواريخنا الموجودة تحت الأرض فى العشوائيات
- وسفننا الحربية بعد ما خبينا البارومة بوش بلاستيك ؟
- وعربياتنا الهامر المتظبطة آخر حاجة
- وصور منشئاتنا ومبانينا بعد الترميم ؟
- وصور كارنيهات الضباط وضباط الصف والجنود ومفردات مرتباتهم وحساباتهم فى البنوك والأقساط اللى عليهم
- والخطط السرية فى حالة الحرب؟
- والخطط الدبلوماسية فى حالة السلم
سأل أدهم فى هلع : فيه فيديوهات يا فندم ؟
رد المدير فى قوة : كل اللقاءات السرية وإجتماعاتنا الداخلية والخارجية الحصرية وتدريبات الجنود وفيديو رحلة القناطر اللى رحنا فيها كلنا بنقاء DVD
عاد أدهم للسؤال فى لوعة : كل ده يا فندم
أجاب المدير فى أسف وهو يهز رأسه : لأ لسه...كل محتويات مكتبة المخابرات ومكتبة الإسكندرية ومكتبة الطفل ومهرجان القراء للجميع...وكل أفلامنا ومسلسلاتنا بما فيهم عالم سمسم وبابا ماجد وكوكى كاك...وكل تصاميم مخترعاتنا السرية زى اللاصقة السحرية للتخسيس وعرض الكومبو وبرنامج رنات الموبايل وهدية ست الحبايب
صاح أدهم فى إخلاص بأعلى صوته : ست الحبايب يا حبيبة...يا فندم أنا قررت أقبل المهمة دى بأقل التكاليف ومش هاخد فلوس...
قال المدير فى لهفة : كنت عارف إن الفدائى اللى جواك هو اللى هيقرر فى الآخر و...
قاطعه أدهم فى سخرية : أنا عايز فيلا عالنيل وعربية بورش و50 فدان موالح ومزرعة مواشى ودى طبعاً عايزة مصنع علف ومحلين ثلاثة جزارة ومصمت ومصنع دبغ جلود وكام عربية كبدة وممكن مصنع سجق وهامبورجر ووصل أمانة على بياض عشان لو منفذتوش الكلام ده بعد المهمة
صمت المدير لحظة ثم قال فى غيظ : إنت فاكر إن مفيش غيرك فى المخابرات يا أدهم
إبتسم أدهم فى سخرية شديدة وهو يقول : يا فندم المهمة دى صعبة وعايزة تكاليف...يعنى اللى هياخد الميكروفيلم ده هيقدر يأسس دولة من الصفر..ها قلت إيه.
قال المدير وهو يجز على أسنانه : ماشى هتسافر إمتى ؟
رفع أدهم يده بالتحية العسكرية وصرخ فى قوة : كلى فداء لمصر يا فندم...أموت أعيش ميهمنيش
ثم قفز من النافذة وتعلق بإعلان بين الطابقين الثالث والثانى ثم صعد فوقه وقفز منه إلى سقف كشك سجائر يديره أحد رجال المخابرات الذى ناوله فى سرعة زجاجة مياة غازية شربها فى ثانية واحدة فقط وقفز من الكشك إلى رصيف الشارع ثم قفز من فوق الرصيف قفزة يجمع خبراء التشريح على أنها مستحيلة دار فيها دروة رأسية أفقية باهرة أوصلته إلى الشارع ثم تدحرج عدة مرات ليمتص الصدمة ثم قام فى نشاط وأعاد خصلة نافرة من شعره إلى موضعها وتطلع إلى شمس مصر الدافئة وهو يتصبب عرقاً ويخرج من جيبه خريطة إلى مطار القاهرة
............ ........*
جلس أدهم فى مقعده بالطائرة الذاهبة إلى السنغال وأغلق عينيه وهو يستمع إلى الشريط المسجل الذى به تفاصيل العملية :
" مساء الفل يا أدهم...ده شريط شرح المهمة ومش هينفع تسمعه أكثر من مرة لأنه يدمر نفسه آلياً بعد إنتهاءه بثانية واحدة بقنبلة شديدة التفجير مخترقة للدروع مداها أكثر من 500 متر ....المهمة تتلخص فى....."
لم ينتظر أدهم وأخرج الشريط فى سرعة من الووكمان وفتح باب الطائرة ورماه ثم تنهد فى إرتياح وهو يأمل ألا يقع الشريط فى منطقة سياحية من أرض الوطن
ثم عاد للجلوس فى مقعده وأخرج من جيبه فرخ ورق عريض مكتوب به شرح المهمة :
" مساء الفل يا أدهم...دى ورقة شرح المهمة لو كنت نجوت من الشريط ولسه على قيد الحياة وده طبعاً للتمويه...المهمة يا سيدى تتلخص فى إعادة الميكروفيلم وإذا لقيت منى هاتها..
منى كانت رايحة الواحات بطائرة السادسة مساء عشان تحرق الميكروفيلم ده فى مكان مجهول فى الصحراء...لكن للأسف بدل ما تركب طائرة السادسة للواحات ركبت طائرة التاسعة للسنغال لأنها قرأت التذكرة بالمقلوب
وأول ما نزلت من الطائرة وعرفت إنها فى السنغال إتصلت بالموبايل وقلنالها روحى على سفارتنا هناك وهما هيتصرفوا
لكن ما وصلتش السفارة وإتصلنا بيها على الموبايل بتكانسل فقلنا ممكن تكون إتخطفت أو موبايلها إتسرق
كل ما تحتاجه من أسلحة وأدوات للتنكر ستكون متواجدة تحت أمرك وهى كالتالى :
- بالطو فرو بوجهين ينقلب فيصير فانلة بحمالات
- عدد 2 طبنجة آلى مصنوعة بأكملها من البلاستيك مزودة بخزان ماء قوى إذا إحتجت لإقتحام ساتر ترابى
- عدد من الأقنعة التنكرية لوجوه مشاهير مثل فول يا روبرتس وباكيرا والمرحومة نعيمة الصغير
- بدلة رقص كاملة حمراء اللون تنقلب فتصير مايوه قطعتين
- زى مدرسى لطفل مقاس xxl مع بافته من النساجون الشرقيون
- لكلوك مقاس 47 عشان لو حبيت تتنكر فى الزى المدرسى
وفى النهاية يا أدهم ربنا يوفقك ومتنساش تمضى على الحاجات دى أمام السفير لأنها عهدة
ولا تنسى أن تقوم بحرق هذه الورقة بجاز أو ترجعها سمير وعلى تانى
منقول من ال facebook
رقم العضوية : 56044
تاريخ التسجيل : 17Dec2009
المشاركات : 773
النوع : ذكر
الاقامة : استراليا
السيارة: Civic 2008
السيارة[2]: outlander 2010
دراجة بخارية: Cbr 250
الحالة :
اية ياعم اة الفيلم الهندى دة
رقم العضوية : 44291
تاريخ التسجيل : 31Jul2009
المشاركات : 372
النوع : ذكر
الاقامة : الشيخ زايد-6 اكتوبر
السيارة: GOLF MK IV
السيارة[2]: JETTA MK V COMFORTLINE
دراجة بخارية: لا يوجد
الحالة :
ده ادهم صبري ولا ادهم الشرقاوي:pointi~2[2]:
رقم العضوية : 26594
تاريخ التسجيل : 01Dec2008
المشاركات : 510
النوع : ذكر
الاقامة : Cairo, AinShams
السيارة: No 2nd car.
السيارة[2]: Toyota Starlet 1E
دراجة بخارية: No Bike.
الحالة :
بجد انا ماضحكتش كده من فتره كبيره جدا:POINTI~2[2]::POINTI~2[2]:, اخويا كان نايم وانا عمال اضحك زى العبيط:POINTI~2[2]::POINTI~2[2]: راح قايم من النوم وشد الفيشه بتاعت مشترك ال pc وراح داخل نايم تانى
Thank You so much, AWESOME POST :):)
[aldl]http://i.imagehost.org/0676/38027_444496797153_505567153_5939847_1278553_n.jpg[/aldl]One mans trash is another mans treasure one mans pain is the next mans pleasure !
رقم العضوية : 57956
تاريخ التسجيل : 05Jan2010
المشاركات : 298
النوع : ذكر
الاقامة : alex
السيارة: ibiza,polo,optra
السيارة[2]: lada,accent
الحالة :
حلوة والله الافتكاسة دى
تسلم
رقم العضوية : 38300
تاريخ التسجيل : 17Apr2009
المشاركات : 2,671
النوع : ذكر
الاقامة : egYpt - Cairo
السيارة: Pride 1.1 M\T 1999
السيارة[2]: Lancer 1.3 M\T 2008
دراجة بخارية: 000
الحالة :
ادهم صبرى ده اتعمل عليه شويه قصص تفطس من الضحك , مش عارف كنت متابع الروايات دى ومعجب بيها ازاى ده دلوقتى لما بشوف المقدمه بس بموت من الضحك :)
إفـلــت زمـام امـالــك
رقم العضوية : 32709
تاريخ التسجيل : 11Feb2009
المشاركات : 399
النوع : ذكر
الاقامة : Maadi
السيارة: Renault Logan
السيارة[2]: Opel Corsa 99 1.4L
دراجة بخارية: Hayabusa isA :D
الحالة :
جامدااااااا قوي
أنا بقالي كتيييير مضحتش كده :d
أنا كان عندي واحدة نفس النظام برده هاحطها بعد اذنك عشان الضحك يزييد
رقم العضوية : 32709
تاريخ التسجيل : 11Feb2009
المشاركات : 399
النوع : ذكر
الاقامة : Maadi
السيارة: Renault Logan
السيارة[2]: Opel Corsa 99 1.4L
دراجة بخارية: Hayabusa isA :D
الحالة :
أدهم صبرى ضابط مخابرات مصرى جامد، داخل ع الستين من عمره، يرمز له بالرمز ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل
........................*
المغامرة رقم 65468
اختطاف محسن
ازاى الكلام ده؟؟
جلس مدير المخابرات الجديد على مكتبه وهو يتذكر ماحدث حتى الآن فى هذا الأمر الصعب الذى تمر به مصر وما حدث من أدهم (لمزيد من التفاصيل راجع العدد السابق65467 الجزء التاسع من المغامرة بعنوان"قال عايزين يخطفوا محسن")وبعد قليل طرق أدهم الباب فأذن له بالدخول واستنشق بعض الأكسجين من الهواء فالإنسان لابد أن يستنشق الأكسجين حقيقة علميةوقال لأدهم الأمر اتأزم جدا يا ب-516،نص محافظات مصر مش لاقية تشرب مية والناس خرجت بالجراكن وعاملين ثورة اسمها ثورة الخراطيم، كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا
يغضب أدهم ويقول يبقى جه الوقت اللى هاقدر آخد ابنى الرضيع منها، يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100 ،وبعدين هما عملوا حاجة عشان انت اللى تقوم بالعملية تحديدا..يرد أدهم عااااارف عاااارف .. أكيد خطفوا قدرى .. يافندم الراجل ده اتخطف أكتر ما زور جوازات .. يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز..الحق غير هدومك وزور قرايبك ع السريع والحق الطيارة.. أخذ أدهم التذاكر وهو ينظر إليه جامد
جامد
جامد
جامد
........................
!!ينفع كده؟
هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى أحلى صباح فعرفوا علطول انه أدهم عشان قال حرفين الألف والصاد المشهور بيهم..المهم رمى أدهم سواق التوك توك وتسلم مقعد القيادة وتذكر كيف أن أبوه فى الخمسينيات علمه كيف يقود التوك توك عشان يبقى أحسن ظابط مخابرات، انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة .. ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم .. وفى لحظة وصلت إمدادات العدو كمان200 واحد .. ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه
وفقد أدهم الوعى أمام عدوه اللدود
الفظيع
الشنيع
المريع
........................
والله ما يحصل
أفاق أدهم فوجد نفسه فى مخزن وبجانبه المحروس قدرى كالعادة مربوط..وأمامهما سونيا جراهام ست زى القمر فقال لها أدهم إيه الحلاوة دى يا سونيا؟؟ انت كل ما تكبرى تحلوى؟؟ ترد سونيا مش أحسن منك ياللى مش بتكبر أصلا!! يتمتم أدهم ياللنسااااء
ويسألها: ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟
تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟
أدهم بفضول :يعنى بجد والله الحكومة مالهاش ذنب؟
ترد سونيا : لا طبعا .. حكومتكم أحسن حكومة دلوقتى ..الشباب كلهم بيشتغلوا.. الجنيه بقى أغلى م الدولار .. الأسعار نزلت ..الانترنت بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى..الفضيلة انتشرت فى البلد ولغوا كل القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب غلباوى
غلباوى
غلباوى
........................
ما تلمى نفسك بقى
قطع أدهم قيوده فجأة وماتسألش ازاى (آه نسينا نقول فى المقدمة انه يجيد التخلص من كل القيود فى الدنيا)وصفع سونيا جامد يعنى ولكن الحارس جه من وراه وضربه ولكن منى(اللى أصلا عندها كام وخمسين سنة) جت فجأة مش عارفين منين وضربت الحارس من وراه وأنقذت الموقف .. نظر أدهم فى عين منى وقال ما تجيبي أطة فا تبصله من فوق لتحت , فيقول لها تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهوه يغنى ليك الواوا ..بوس الواوا..خللى الواوا يصح
وهو فى الطريق ينحرف الجميع إلى أقرب بيت ويطلب منه أدهم بعض الماء للشرب.. ولكن صاحب البيت الحاج بيومى يخرج بمقشة هوه وعياله ويحتجزون أدهم ورفاقه وهو يصرخ: زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياولاد الكلب
..الكلب
..الكلب
..الكلب
انتهى الجزء التاسع
العدد القادم
(لسة خاطفين محسن)
كيف يخرج أدهم ورفاقه من بيت الحاج بيومى؟
كيف يستطيع أدهم بعد كل هذه الصعاب أن يحصل على كوز مية عشان يشرب ؟
هل يستطيع أدهم أن يحرر محسن ابن الحاج بيومى وللا هيسيبه يتحرق؟
هل يستطيع أدهم أن يوضح الموقف للرأى العام وهو أن حكومتنا زى الفل ودايما الغلط على الأعداء؟
سيب اللى ف إيدك .. وقاتل بإيدك ورجلك وكبدك مع رجل المستحيل
برده منقول من face book
رقم العضوية : 14328
تاريخ التسجيل : 07Jul2008
المشاركات : 925
النوع : ذكر
الاقامة : Shibin El-Kom
السيارة: كيا نيو سيراتو sx
السيارة[2]: فيات131-79
دراجة بخارية: ــــــــــــــــــــــــ
الحالة :
مضحكة جدا تسلم الايادي
خير الناس أنفعهم للناس
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
رقم العضوية : 16690
تاريخ التسجيل : 19Aug2008
المشاركات : 9,439
النوع : ذكر
الاقامة : الـــــ زقا زيـــــــ ق
السيارة: Classic BMW-79
السيارة[2]: Nubira-auto
دراجة بخارية: CBR600F4I-2006
الحالة :
على فكره
أنا من أشد المعجبين بالدكتور / نبيل فاروق
صاحب السلسله دي وسلاسل أخرى
..
بخلاف الأحداث الي احيانا بتكون خياليه جدا
بس بجد
دي القصص الوحيده الي ممكن تطلع منها بمعلومه مفيده
انا كنت عملت كُتيب ..مجمع فيه كل المعلومات المفيده الي طلعتها من قصص
يعني مثلا
لو إنت وقعت في رمال متحركه ......هتتصرف إزاي؟
لو كنت قدام دبابه ...وهتضرب عليك نار .......هتعمل إبه؟؟
لو إنت مُطارد بكلاب بوليسيه ....وعاوز تهرب منهم ..هتعمل إيه؟؟
لو حبيت تعمل قنيله محدوده لتشتيت الانتباه ......تعمل ايه؟؟
لو انت في غرفه ..وفيها غاز قاتل ......تعمل إيه؟؟
تعرف اسامي اجهزه المخابرات في العالم
تعرف ترتيب اجهزه المخابرات حسب الكفاءه
تعرف بعض المعلومت عن أباطره المخابرات
وحاجات كتير جدا
جدا
جدا
.
.
.
[rmade]http://im58.gulfup.com/qswdwL.jpg[/rmade]
المفضلات