لو سمحت يا جماعه لو ممكن اعرف الطريقه الصحيحه للتليين ؟ عشان احاول اول ماستلم العربيه احافظ عليها
عرض للطباعة
لو سمحت يا جماعه لو ممكن اعرف الطريقه الصحيحه للتليين ؟ عشان احاول اول ماستلم العربيه احافظ عليها
السلام عليكم
1-لا تزيد من سرعة السيارة عن 100 كليومتر أثناء فترة التليين
2-عدم تشغيل التكيف ألا بعد مرور 1000 كليو متر على السيارة
3-تجنب المطبات الصناعية
4- تجنب تحميل السيارة حمولة زائدة
وفترة التليين تترواح ما بين 1000- 1500 كليومتر
و لمزيد من المعلومات رجاء مراجعة كتيب الخدمة الخاص بسيارتك
شوف اللينك ده
http://www.nilemotors.net/Nile/showt...CA%E1%ED%ED%E4
المهم الrpm مايزيدش عن 3000
والتليين 1000 ميل مش كيلو .. يعنى حوالى 1610 كلم
وبلاش تشغيل التكييف أثناء التليين عشان مايحملش على الموتور
لأ كيلو يا باشااقتباس:
المهم الrpm مايزيدش عن 3000
والتليين 1000 ميل مش كيلو .. يعنى حوالى 1610 كلم
وبلاش تشغيل التكييف أثناء التليين عشان مايحملش على الموتور
و متقرصش على العربية فى التسارع خلية واحدة واحدة اول 1000 كم
والله ده اللى مكتوب فى كتالوج العربية 1000 ميل
http://www2.0zz0.com/thumbs/2007/12/27/13/77199419.jpg
لاتزيد عن 80 ومتثبتش علي سرعه واحده يعني شويه 70 وشويه 80 وشويه 60 وهكذا
وطبعا بما اننا في فصل الشتا مفيش تكييف ودي مصلحه ولو حتي كنا في الصيف التكييف ما يشتغلش
والتسارع ما يبقاش عافيه علي طريقة هاتشدي يعني هاتشدي وهاتسحبي يعني هاتسحبي يبقي التسارع واحده واحده وبالراحه
البنزين ثم البنزين ثم البنزين اوعي تسترخص في البنزين بالذات يعني تعالي علي نفسك وحط 92 لغاية ما يخلص تليننك بخير وربنا يباركلك فيها ويديك خيرها ويكفيك شرها
بالنسبه في البنزين يا باشا لو عربيتك فيها ما يسمي بالمحول الحفاز ( Catalytic Converter ) يبقي اوعي تقرب من التسعين واللا هتبوظه ...
العربيات اللي فيها البتاع ده : الماتريكس و الانترا بشكليها و الجيتز و النيوأكسنت و الفيرنا ال 1600 بس بالاضافه طبعا للسوناتا و التراجيه و سيارات ال 4*4 ,
أما الفرنا 1500 و الأكسنت العادية مافيهاش ..
و المحول الحفاز ده بيقلل من خطورة العادم عن طريق وجود عنصر حفاز بيتفاعل مع الغازات المضره اللي في العادم و يحولها لغازات غير مضره ... عند استخدامك للبنزين ال 90 فان ال 90 به رصاص , و الرصاص يؤدي لارتفاع درجة حرارة العنصر ده بدرجه كبيره جدا فيصبح غير فعال و مع الوقت يبوظ خالص ...
ده غير بقي ان الرصاص هايعملك طبقه ترسب علي وش السلندر و يقصر عمر الموتور ...
ايه يعني 140 قرش من 130 قرش و اكسب عربيتك ...