برجاء الافادة من اصحاب الويجا

**ahmedfekry** · 09-01-2010 10:58 PM

السلام وعليكم ورحمة الله
ان شاء الله ناوى اشترى الويجا بس عايز حد يقولى اية راية فيها وهى افضل ولا البرسونا
برجاء الافادة
وشكرا

**mahmoud_magdy** · 09-01-2010 11:20 PM

اسمها واجا حضرتك
ويجا دا فيلم مصري ملوش لازمه

طبعا هو حسب احتياجات حضرتك
لو حضرتك بتحب الكلاسيكيه اوي والشياكه ووبتحب تحس بالفخامه يبقى واجا علطول
لو حضرتك بتحب الدلع بقى والشكل الجميل وفي نفس الوقت شياكه برده ومتنساش الشكل الرياضي يبقى بيرسونا

وطبعا لازم تنزل تشوف العربيتين على الطبيعه علشان تقدر تحكم بنفسك وميولك هيروح لاي سياره

اما من ناحية الافضليه فنقدر نقول الاتنين في مستوى واحد
بس الافضل في الوقت الحالي البيرسونا
السبب الكلام اللي بيتقال عن ان العربيه هينزل منها شكل جديد في 2011 والكلام مش اكيد لحد دلوقتي
والبيرسونا ادامها وقت عقبال اما تتغير لانها لسه نازله السنه اللي فاتت
وقطع غيارها هتكون موجوده بكثره لوجود الجين واشتراكهما في اغلب القطع
ودا ميمنعش ان قطع غيار الواجا متوفره برده

ربنا يدلك على اللي فيه الخير
ومبروك مقدما

**Abo.Mayyam** · 10-01-2010 12:41 AM

فعلا لازم تنزل تشوف الإتنين وتستخير ربنا وإن شاء الله ربنا يهديك للخير بإذن الله

**ahmed_h_g** · 10-01-2010 01:12 AM

العربيتين ممتاذين
بس أنا حاسس ان البيرسونا شبابيه عن الواجا .

**ramyar** · 10-01-2010 08:53 AM

بص يا باشا انا متيم بي الواجا ولغايه ماروحت التوكيل عشان احجز وانا مقرر الواجا
سبحان الله محسن صالح ماكانش فاضي ساعتها وكان عندي وقت اتفرج
وبعد شويه اتفرجت علي البرسونا وقعدت اقارن بين الاتنين واول محسن ما جيه عرفته بنفسي قالي اهلا بيك انا عارفك وعارف انك جاي عشان الواجا قلتله لا انا جاي احجز البرسونا
المهم حجزت واستلمت والحمد لله انزال اتفرج علي العربيتين احسن

**emansalah** · 10-01-2010 10:16 AM

توكل على الله الواجا عربيه فخمه و ممتازه فى الشكل و المضمون
وزى الاخوه الافاضل ما قالولك انزل اتفرج واستخير ربنا و ان شاء الله ربنا يوفقك للى فيه الصواب

**eslamkasem** · 10-01-2010 03:38 PM

الوجا فخمه وشكلها رهيييب جدا بتحسسك بفاخمة العربيات الالماني

الجين والبرسونا شكل رياضي وبردوا هيا هيا نفس ماتور الواجا

الاخيار يرجع ليك

انا عن نفسي معيا الواجا ومشاء الله زي الفل