رابطة مالكى الجميلة اكسنت من1998 الى 2006

**alaaeldeinm** · 29-09-2010 11:32 AM

سلام عليكم يا جماعه
انا معايا أكسنت 2000 خليجى
انا عندى مشكلة فى التبريد بتاع العربية - العربية بتسخن أوى و المية بتخلص بسرعه جدا
رحت لواحد فى الحرفيين عمل تنظيف للرادياتير و بص على دورة التبريد
بس المشكلة دلوقتى ان المياه اللى فى العلبة و الرادياتير بتخلص بسرعه جدا
يعنى ممكن كل 30 كم تقريبا تكون العلبة و الرادياتير فضيوا
ياريت يا جماعه لو حد عارف حل للمشكلة دى ينقذنى

**بحري** · 29-09-2010 12:17 PM

هل حضرتك متأكد إن مفيش ثقب في الرادياتير وإن شبكة الرادياتير من الخارج نظيفة
لو كله تمام يبقى محتاج تراجع الموتور نفسه لأنه كده حتلاقيه جايب وش سلندر

**bebo50** · 01-10-2010 12:43 AM

الموضوع بسيط جدا العربيه سليمه ومفهاش حاجه ده المانيفول بيبقي فيه تاكل عشان كده بينزل ميه ولو عاوز تعرف مكان التسرب افتح الكبوت الصبح وبعدين دور حتلاقي مكان التسرب انما وهي سخنه موش حتشوفه والموضوع بسيط وموش مكلف

**engmohd2003** · 01-10-2010 02:35 PM

الأخوة الكرام أرجو المساعدة
عندى عربية أكسنت 1300 موديل 2006 و التكييف يعمل بصورة جيدة جدا لكن فوجئت مرة الصيف ده انه مش شغال لقيت الفيوز محروق وكان 10 امبير المهم انى غيرته فالتكييف اشتغل فترة وبعدين وقف تانى و لقيت فيوز المروحة محروق و هو 30 أمبير قمت مغيره والتكييف برضه اشتغل كويس والتبريد ممتاز لكنه وقف تالت مع ان الفيوزات كلها سليمة وديتها التوكيل لقوا مفتاح التكييف محروق قمت مغيره والتكييف اشتغل فترة كويس لكن بعد كده كل اللى فات حصل من أول و جديد و مفتاح التكييف باظ تانى و بصراحة مش عارف اعمل ايه ايام التكييف يشتغل بدون اى مشاكل وايام بيقعد دقيقة و يقف والاقى فيوزات او مفتاح بيتحرق؟ يا ترى ايه الحل؟