:36_1_50[1]::36_1_50[1]::36_1_50[1]::36_1_50[1]::36_1_50[1]:الشقرة معاها سلاح
عرض للطباعة
:36_1_50[1]::36_1_50[1]::36_1_50[1]::36_1_50[1]::36_1_50[1]:الشقرة معاها سلاح
بالنسبة للناس المتجوزين
خدوا مساعدات زي ما انتم عايزين
بس ماتخلوش اعتمادكم الاساسي عليها
انا شفت ناس كتير ما بتشتغلش و اتجوزت و اعتمادها الاساسي على اهلها و دلوقتي عمالين يدوروا على شغل في اي حتة
و ربنا يوفقهم
يااااااااااااااااااة وانا الى كنت باقول عاوز اتجوز هههههههههههههه
لأ وطبعا للأسف هههه
من ساعه ما ابتديت اشتغل وانا فى الكلية
لكن والدى هو اللى بيغيرلى الزيت لحد دلوقتى وانا بعمل مش واخد بالى على اعتبار انها ضمن المتابعه الفنيه للعربيه هههه
وأحيانا برضو لما ياخد العربيه بيفولها
بالأضافه طبعا للأمدادات العينية
الموضوع فكرنى بواحد صاحبى كان كاتب على الماسنجر " انا اسمى اشرف و عندى بونتو .. تعاطفك لوحده مش كفاية .. اتبرع ولو بجنيه "
علي فكرة يا جماعة مفيهاش إحراج يعني ماهو مفيش فينا superman اللي هيقدر يعيش و يجيب شقة و عربية و مستوي معين في وقت قصير بمجهوده الذاتي ! إلا في بعض الحالات الخاصة فا انا كنت حاسس أسمع مختلف التجارب.
يمكن فيه في المنتدي العديد من سوبرمان فعلاَ (مش تريقة) نسمع تجربتهم و تكون محمسة لينا.. و في نفس الوقت كل واحد يعرف إنه مش الوحيد اللي أهله بيساعدوه و انا شايف إنه مش عيب في ظل الظروف الحالية خاصة إنهم أهله يعني!
لازم المساعدات تفضل مستمرة بشكل او باخر فى ظل ظروف القحط اللى عيشينه و مرتبات الخريخين اللى مضروبة بالنار 3 مرات .
انا اعرف واحد فعلا متجوز و بياخد مرتب ثابت من اهله .
بس انا بصراحة اتكسف اتجوز و مقدرش اصرف على بيتى من جيبى هحس انى مش هقدر ارفع عينى فى مراتى
و مش هقدر اضحى و اعيش فى مستوى اقل فهمشى بمبداء ( انا كده مبسوط ) حتى اشعار اخر .
اما موضوع الشقة والعربية فطبعا الاهل هما اللى بيوفروهم
فى الاول بس وبعد كدة اعتمدت على نفسى وسافرت برة والحمد لله تمام"
بص يا موتو
الحكاية دى تنقسم الى اكثر من حالة:
1- الاب ظروفه متيسرة "لا اقول غنى" و ابنه لسه فى البداية و شغال شغله تكفيه الشهر بتاعه فقط
فطبعا الاب بيساعد و ممكن الابن يرفض على اعتبار ان الاب ادى دورة خلاص و بيحاول يعتمد على نفسه و لا يلجأالى الاب الا فى التقايل
2- الاب ظروفه متيسرة و الابن ربنا رزقه بشغل كويس معقول بيعرف يحوش منه فغالبا الاب هنا لا يساعد بالمعنى المعروف و انما بتبقى على هيئة هدايا متبادلة بين الاتنين
3- الاب ظروفه صعبه بس الابن ماشاء الله ربنا فاتحه عليه ببركة دعاء الوالدين
اكيد طبعا هو اللى هايساعدهم و ربنا يكرمة ببركة دعاهم
4- الاب و الابن ظروفهم صعبه و ربنا يعين الجميع
بيتعكزوا على بعض فى الدنيا اللى ما يعلم بيها الا ربنا
على فكرة
كل تلك الانواع انا اعرف منهم شخصيات كتير "اى اكتب من الواقع"
----
بص يا موتو هو فى الاخر
احنا بنعيش بنظام تكافلى سواء معاك او لأ و بالمثل الوالدين معاهم او لأ
الاستغناء التام من طرف عن طرف اخر
لا يحدث
و انما يتم استبدال المساعدة بالمهاداة
--
طبعا انا باتكلم عن ناس فى المجتمع الا من رحم ربى
يعنى طبعا تستبعد شخصية
الاب الـ......... و الابن اللى ماعندوش دم و هكذا
الحمد لله مكفى نفسى
وربنا يسترها معانا علشان احنا غلابة