دخنه سوداء

**tarekaf78** · 10-01-2010 01:33 PM

يا جماعه انا معايا بولو 1995 1300 سي سى بتطلع دخنه سوداء استهلاكها للبنزين 11 لتر علي الطريق المفتوح رحت للميكانيكي قام مغيرلى الكربيراتير بواحد استيراد و خلانى امشى بيه يومين و بردوا لسه فى دخنه سودا ,قام مغيرلى حساس الحراره و مغيرلى الكنترول بتاع العربيه و لسه بردوا فى دخنه سوداء و نفس استهلاك البنزين , يا ريت لو حد يقولى ايه الحل

**Abody1985** · 10-01-2010 03:08 PM

11 لتر ؟ يعني ايه ( كل كام كيلوو يعني ) ؟

**mesho_kimi** · 10-01-2010 03:50 PM

انا معايا نفس الموديل ده بالنسبالى 10 لتر بيكفونى فى الاسبوع أعتقد انها بتعمل فوق ال 250 كيلو جوه البلد بصراحه مجربتش أطلع بره البلد بس بيتهيئلى انه ممكن يكون عندك مشكله فى الجكمان أو حرق البنزين مش كويس أعتقد انك غيرت حاجات كتير ملهاش علاقه بالمشكلة ياريت تشوف ميكانيكي متخصص فى الفولكس لانى برضه أول اما جبت العربيه الميكانيكيين العاديين بوظولى الدنيا و إن شاء الله حد من الشباب يقدر يفيدك

**tarekaf78** · 10-01-2010 04:04 PM

انا قصدى ان الصفيحه بتعمل 220 كيلو فى الصريق السريع
و انا فعلاً بتعامل مع واحد متخصص فى الفولكس فى حرفيين السلام

**tareksakr** · 10-01-2010 04:14 PM

ايه اللي خلي الميكانيكي يغير الكربراتير عادة الدخنة السودا بيبقي سببها ان الخليط مش مظبوط مبدئيا روح لحد مخصوص بتاع كربراتير وخليه يظبطهولك وعايز أعرف مين الميكانيكي اللي خلاك تغير كل ده اسمه ايه ويارب ميكونش اللي في بالي