طلب الى اصحاب الخبرة ! عن الايفو

**zoro007** · 11-01-2010 10:27 AM

في اييفو 7 بتتباع لو حبيت اكلملك صاحبها العربية دي حوالي 380 حصان ومش اوريجينال لكن نضيفة ومشهورة جدا
لكن بما إنك بتحب الايفو قوي كده جربتها قبل كده ؟

بتتباع على كام ؟
للعلم افضل موديل للايفو عندى هو 7 دا وأحلى شكل فيهم كلهم

http://www.autogaleria.pl/tapety/img/mitsubishi/mitsubishi_lancer_evo_vii_2001_01_s.jpg

**HeMa_LanCeR** · 11-01-2010 04:13 PM

المشاركة الأصلية كتبت بواسطة evo

في اييفو 7 بتتباع لو حبيت اكلملك صاحبها العربية دي حوالي 380 حصان ومش اوريجينال لكن نضيفة ومشهورة جدا
لكن بما إنك بتحب الايفو قوي كده جربتها قبل كده ؟

مش تقريبا دي الحمرا اللي في طنطا ولا قصدك علي واحده غيرها

**Evo** · 11-01-2010 04:34 PM

لأ مش حمرا دي كحلي وعليها تعديلات كتير لسا جايلها شكمان وكامات بـ حوالي 13 ألف جنيه ده غير حاجات تانية كتير ومش ملحومه نصين

الحمرا اللي في طنطا دي ايفو 9 مش 7 ودي ملحومه نصيين على ماسمعت والله أعلم وده مش كويس نهائي

**HeMa_LanCeR** · 11-01-2010 04:36 PM

المشاركة الأصلية كتبت بواسطة Evo

لأ مش حمرا دي كحلي وعليها تعديلات كتير لسا جايلها شكمان وكامات بـ حوالي 13 ألف جنيه ده غير حاجات تانية كتير ومش ملحومه نصين

الحمرا اللي في طنطا دي ايفو 9 مش 7 ودي ملحومه نصيين على ماسمعت والله أعلم وده مش كويس نهائي

فعلا ملحومه ومغيره شويه حاجات كده

بس ماتقلقش من اللحام ده
عموما ربنا يكرم ونجيب واحده بقي

**Evo** · 11-01-2010 04:36 PM

لأ مش حمرا دي كحلي وعليها تعديلات كتير لسا جايلها شكمان وكامات بـ حوالي 13 ألف جنيه ده غير حاجات تانية كتير ومش ملحومه نصين

الحمرا اللي في طنطا دي ايفو 9 مش 7 ودي ملحومه نصيين على ماسمعت والله أعلم وده مش كويس نهائي

**meedosalah900** · 15-01-2010 04:49 AM

المشاركة الأصلية كتبت بواسطة Evo

سعرها في دبي بالمصري حوالي 190 ألف جنيه

ترخيصها مش كتير لكن التأمين هو اللي مشكلة علشان بتتحسب سوبر كار حتى لو 4 ابواب م مكن تدفع من 5000 ل 10000 جنيه تأمين في السنة

هتروح نادي السيارات تكتب شيك على نفسك بتمن العربية أو تجيب ضامن من أهل البلد يضمن إنك هترجعها تاني

تمن التكيت حوالي 750 جنيه مصري

الشحن مع التأمين حوالي 7500 جنيه مصري وده من دبي

هتدفع في ال 6 شهور في مصر حوالي 3000 أو 4000 جنيه غير الاكراميات

بعد ال 6 شهور مش لازم تسفرها ممكن تسيبها في حجز الجمرك ال 6 شهور التانيين وتدي حد فلوس.مين السكيورتي ياخد باله منها أو تسافر بيها ليبيا وتدخلها بتربتكت جديده

أنا فكرت أجيبهـا لكن زي ماإنت شايف الموضوع وجع دماغ و مكلف جدا وهتعيد وتدفع كل 6 شهور

التوكيل نازل اعلان في الاهرام من كام أسبوع عن توفرها بكلل اللون مع الضمان بـ 580 ألف جنيه و الفتيس السكونشال مش المنوال كمان

موجودة خليجي في حدود 480 ألف جنيه وموجود السوبارو بـ 400
في مستعمل بس معظمه مش اوريجينال . كان كريم الرواس عرض عربيته الايفو 9 من سنة ونص بـ 390 ألف ماشية 5000 كيلو وبعدها جاب الايفو 10 واشتراها خالد امام بـ 650 ألف قبل ماينزلوا سعرها

في اييفو 7 بتتباع لو حبيت اكلملك صاحبها العربية دي حوالي 380 حصان ومش اوريجينال لكن نضيفة ومشهورة جدا
لكن بما إنك بتحب الايفو قوي كده جربتها قبل كده ؟

معلش واحدة واحدة عليا من البداية وفهمنى اصل انت لوحسبت المصاريف فى ستنين مش مكمل نص المبلغ اللى بتتباع بيه فى مصر وبعدين هو الزهق بتعها فى السفر يا سيدي اعتبرها فسحه ورفه عن نفسك بالمرة
بس التكاليف والطريقة بالتفصيل املل لو سمحت (معلش انا فهمى بطىء)
والف الف الف شكر على تجاوبك معايا بسرعه يا evo انت وكل الناس اللى ردت

**Evo** · 15-01-2010 06:29 AM

المشاركة الأصلية كتبت بواسطة meedosalah900

معلش واحدة واحدة عليا من البداية وفهمنى اصل انت لوحسبت المصاريف فى ستنين مش مكمل نص المبلغ اللى بتتباع بيه فى مصر وبعدين هو الزهق بتعها فى السفر يا سيدي اعتبرها فسحه ورفه عن نفسك بالمرة
بس التكاليف والطريقة بالتفصيل املل لو سمحت (معلش انا فهمى بطىء)
والف الف الف شكر على تجاوبك معايا بسرعه يا evo انت وكل الناس اللى ردت

إنت هتدفع في السنتين كلام فاضي مقارنه بسعرها في مصر صحيح لكن متنساش إنك هتركبها نص الفترة دي بـس وهتفضل دايما حاسس إنها مش عربيتك لانها مصيرها هترجع وتتباع

أحسن حاجة يا إما تعمل واحدة هنا هتكلفك 200 ل 250 ألف جنيه ودي ال إيفو 10 أو تجيب واحدة مستعملة موديل اقدم شوية
قولي إنت بس حدودك في الفلوس كام و أنا هاحاول اساعدك ان شاء الله
بس موضوع إنك تجيبها مصر تربتكت ده مش مجزي

عموما هقولك بالتفصيل بردوا

أولا لازم يكون عندك اقامة في البلد اللي هتشتري منها العربية علشان تعرف ترخصها هناك

بتروح بتجيب العربية كاش مفيش قسط لو هتسفرها

بترخصها وتأمن عليها هناك بالمبلغ اللي قلتلك عليه

بتطلع جواب من المرور هناك بتسفيرها مصر وتروح نادي السيارات الدولي في البلد دي تطلع التريب تكيت وتمضي شيك على نفسك هناك بتمن العربية وده طبعا بيتطلب إنك يكون عندك حساب جاري هناك عدي عليه 6 شهور وطلعت منه دفتر شيكات أو إن حد يكون صديقك من أهل البلد يضمنك هناك ويتكفل بدفع تمنها لو إنت مرجعتهاش أو تهربت باي شكل أو دفع جمركها لمصر

بتتفق مع شركة شحن بري يجيبهالك مصر

بتروح ميناء السويس تستلم العربية وتدفع المعلوم اللي قلتلك عليه مع الأكراميات الكتير طبعا

مينفعش تسافر إنت بعربية تربو المسافة دي كلها العربيات دي مش بتاع سفر

بعد كل 6 شهور لازم تثبت إن العربية طلعت من مصر أو محجوزة في ساحة جمرك القاهرة 6 شهور زيهم

هترجع هناك بعد سنتين هتلاقي إن العربية خسرت مبلغ وقدره

التكلفة في السنتين دول عليك مصاريف و خسارة في تمن العربية هتعدي ال 100 ألف جنيه

كتير صح !

**yuyu0000yuyu** · 15-01-2010 01:28 PM

معلش انا عاوز اعرف ازاى اعمل ايفو هنا انتو اصدكو انى اجيب لانسر مكوا واسقط موتور الايفو بالعفشه بتعته وبفوانيسه وكده ولا ايه وكمان التكلف ايه لانى معايه لانسر مكوا وانا من عشاق الايفووووووووووووووووووو