Windows 7 Ultimate أصلي, 150 جنيه فقط.

**Dr Zezo** · 11-01-2010 07:45 PM

ا هشام

جزاك الله خيرا علي المعلومة

**promohamed** · 13-01-2010 07:56 PM

اللي بيشتري السيريال بس ده بيبقى زي اللي اشترى العتبة الخضرة
لا معاه Agreement ولا معاه سي دي ولا اي حاجة ثم هي غير مخصصة للاغراض التجارية يعني مينفعش تشتريها عشان شركة او خلافه

**amrnader** · 18-01-2010 08:44 PM

هل ال MSDN اكونت بتاعك تبع الBizSpark؟؟

**Dr Ahmed** · 18-01-2010 11:07 PM

أنا لقيت طريقة أظرف وهى الحصول على الهاك اللى بيلغى ملف التنشيط وثبته بسهوله والحمد لله الوندوز يعمل الآن كأنه أصلى وبيقبل تحديث وكل شئ.

**amrnader** · 18-01-2010 11:24 PM

المشاركة الأصلية كتبت بواسطة Dr Ahmed Abdelghany

أنا لقيت طريقة أظرف وهى الحصول على الهاك اللى بيلغى ملف التنشيط وثبته بسهوله والحمد لله الوندوز يعمل الآن كأنه أصلى وبيقبل تحديث وكل شئ.

الموضوع مش انك تضرب الويندوز، دية ليها الف حل و مش معضلة، النقطة ان المفروض عشان تبقى ماشى فى السليم، شرعا و قانونا، انك يبقى عندك نسخة اصلية و تدى مايكرروسوفت حقها. للاسف انا دورت كتير على النت ومعظم الناس اجمعت على ان الkeys اللى جاية عن طريق MSDN ِAccounts مينفعش تتباع. هى هتشتغل و كل حاجة بس النقطة انها غالبا illegal يبقى كانك يا ابو زيد ما غزيت و كان كراك خلص الموضوع و خلاص.

**Dr Ahmed** · 18-01-2010 11:28 PM

المشاركة الأصلية كتبت بواسطة amrnader

الموضوع مش انك تضرب الويندوز، دية ليها الف حل و مش معضلة، النقطة ان المفروض عشان تبقى ماشى فى السليم، شرعا و قانونا، انك يبقى عندك نسخة اصلية و تدى مايكرروسوفت حقها. للاسف انا دورت كتير على النت ومعظم الناس اجمعت على ان الkeys اللى جاية عن طريق msdn ِaccounts مينفعش تتباع. هى هتشتغل و كل حاجة بس النقطة انها غالبا illegal يبقى كانك يا ابو زيد ما غزيت و كان كراك خلص الموضوع و خلاص.

الحقيقة صعب جدا أن البرامج اللى بنشتغل بيها تكون أصلية
جايز يكون شبه مستحيل حاليا

وضرب ويندوز 7 كان مستحيل حتى فترة قريبة ، أرقام التعريف أو التنشيط لا توجد على النت أبدا ، الهاك جديد نسبيا.

**tutankhamoun** · 21-01-2010 07:18 AM

لا حول و لا قوة إلا بالله .
موضوع مفتوح لبيع شئ .......... الراجل صرح و قال مصدر سلعته اللي بيبيعها .......
أيه لزمة الجدال مع الراجل .

اللي عايز يشتري ........... يتفضل ........... و اللي مش عايز ..... السكوت من الذهب

أدام الراجل مش بينصب و لا بيضحك على حد ................
يبقى نتبع قول الرسول عليه الصلاة و السلام .......... فلنقل خيرا أو نصمت ...

و بالتوفيق للجميع ( البائع و المشتري .......... و المجادلون )

**Hesham A.Megid** · 22-01-2010 01:45 AM

المشاركة الأصلية كتبت بواسطة amrnader

هل ال MSDN اكونت بتاعك تبع الBizSpark؟؟

لأ, تبع ال MSP Program. اشمعنا؟

**Hesham A.Megid** · 22-01-2010 01:52 AM

المشاركة الأصلية كتبت بواسطة Dr Ahmed Abdelghany

الحقيقة صعب جدا أن البرامج اللى بنشتغل بيها تكون أصلية
جايز يكون شبه مستحيل حاليا

مش صعب ولا حاجة. أنا الحمد لله كل البرامج اللي شغال بيها دلوقتي اصلية. و لو في حاجة محتاجها و تمنها غالي قوي مش هأقدر عليه بدور على حاجة بديلة تكون open source. زي مثلا Photoshop, بدل ماجيبو مضروب بستخدم بداله GIMP..

**amrnader** · 22-01-2010 01:59 AM

المشاركة الأصلية كتبت بواسطة Hesham A.Megid

لأ, تبع ال MSP Program. اشمعنا؟

اصل اليومين دول فى اكونتات BizSpark بتتباع برخص التراب بأقل من 50 جنيه و بتديك صلاحية انك تنزل كل برامج ميكروسوفت تقريبا عشر keys للبرنامج الواحد. طبعا الموضوع ده برضه غير فانونى،و ده بالذات انا سألت عليه ميكروسوفت شخصيا و قالولى ان الاكونتات و المفاتيح دية غير مصرح لاصحابها ان هما يبيعوها لان هم بيخدوها من ميكروسوفت ببلاش على اساس انهم شركات لسة صغيرة و ميكروسوفت بتساعدهم و بتديهم البرامج مجانا.