بطولة الأمم الأفريقية (متجدد بمشاركتكم)

**Terrible_DaRsH** · 20-01-2010 08:29 PM

تصدق و الله انا مخنوق من احمد حسن ده بطريقة فظيعة :(

مش بتكلم على لعبه , لكن على شخصيته , والله العظيم ببقي عايز انزل الملعب اضربه .

بيحسسنى ان الفريق بتاع والده و اللاعيبه بتلعب عنده , لو شاط كورة و طلعت بره ميعتذرش لحد و محدش يكلمه لكن لو حد شاط و مابصلوش الكورة يقعد يخبط فى الارض و يتنرفز . و الله العظيم ساعات بحس ان احمد حسن هيطلعهم بره و ينزل حد مكانهم :)

نفسي يعتزل بجد هو خلاص كسر رقم حسام حسن معتقدش انه عايز حاجة تانى , و ربنا يوفق المعلم تريكة المتواضع .

شوف الفرق بين تريكة و بين الزفت احمد حسن , هتلاقى تريكة لما يضيع كورة بيعتذر لكل اللاعيبة اللى حواليه حتى لو كانوا اصغر منه ب 10 سنين لكن الزفت التانى ده مش طايقه .

**dr.amr** · 20-01-2010 08:33 PM

المشاركة الأصلية كتبت بواسطة terrible_darsh

تصدق و الله انا مخنوق من احمد حسن ده بطريقة فظيعة :(

مش بتكلم على لعبه , لكن على شخصيته , والله العظيم ببقي عايز انزل الملعب اضربه .

بيحسسنى ان الفريق بتاع والده و اللاعيبه بتلعب عنده , لو شاط كورة و طلعت بره ميعتذرش لحد و محدش يكلمه لكن لو حد شاط و مابصلوش الكورة يقعد يخبط فى الارض و يتنرفز . و الله العظيم ساعات بحس ان احمد حسن هيطلعهم بره و ينزل حد مكانهم :)

نفسي يعتزل بجد هو خلاص كسر رقم حسام حسن معتقدش انه عايز حاجة تانى , و ربنا يوفق المعلم تريكة المتواضع .

شوف الفرق بين تريكة و بين الزفت احمد حسن , هتلاقى تريكة لما يضيع كورة بيعتذر لكل اللاعيبة اللى حواليه حتى لو كانوا اصغر منه ب 10 سنين لكن الزفت التانى ده مش طايقه .

انا معاك
بس مجهود خاااااااااااااااااااااااا اااااااااااااااااااااارق
ياريت يا خد متعب في ايده ويمشوا
بجد مش ممكن الفرص اللي بيضيعها
وحسن شحاته حالف مايطلعه مش ممكن

**Terrible_DaRsH** · 20-01-2010 08:36 PM

متعب و زيدان لو تعاونوا مع بعض كانوا هيجيبوا دستة خصوصا الكورة اللى لعبها حسام غالى لمتعب و كان زيدان جمبه , متعب شاطها و رفض يديها لزيدان و زيدان سكت علشان تقريبا شدوا كلام مع بعض فى اول الشوط التانى .

**KSA2011** · 20-01-2010 08:57 PM

انا شايف يا جماعه انه عماد متعب سىء جداا جداا وبيضيع فرص بالهيل ومنفسن جداا بغض النظر عن موقفه مع زيدان بس دايما مش شايف غير نفسه وعمره ما بيباصى كوره لحد

**kangaro** · 20-01-2010 09:04 PM

أكتر حاجة عجبتني لما عبدالواحد كان باين عليه الفرحة وهو نازل مكان الحضري

**KSA2011** · 20-01-2010 09:08 PM

على فكره انا متوقع نهايه غير ظريفه لعماد على طريقه احمد بلال و بدرى اوى
بعض التعليقات من مصراوى عليه
مبروك وعتاب لمتعب

أولا مبروك الفوز
ثانيا وثالثا ورابعا متعب متعب متعب أكثر من كل هذه الانفرادات وضيعها وكمان مش عاجبه زمايله لو واحد معرفش يباصيله الكورة على صباع رجله الصغير
يا متعب كنت زمان وافر المجهود بتحرث الملعب جرى دلوقتى بتلعب بالشوكة والسكينة اتعلم من العميد الجديد احمد حسن ربنا يديله الصحه
متعب نحن ننتقدك لكونك رأس الحربة راجع نفسك

نفسى فى منتخب من غير عماد متعب

بجد حرام الشلل اللى بنشوفه فى الملعب من عماد متعب بجد بضيع فرص متضعش و الاصرار الغريب من المعلم شحاته على استمراره لاخر المبارة نفسى بجد ميلعبش او يلعب جزء من المبارة

**gouda** · 20-01-2010 09:08 PM

هوه أيه اللعيب القزم ده

**abou_ruqi** · 20-01-2010 09:08 PM

يا جماعة أحمد حسن إيه اللي يمشي ده هما اتنين عندنا اللي بينقلوا الكورة من ورا لقدام, أحمد فتحي وأحمد حسن

لو أحمد حسن مشي , المنتخب يقلع لإن عندنا المهاجمين ما بينزلوش يستلموا من تحت (ما عدا تريكة ) لازم حد يوصلها لهم , حتلاقوا متعب واقف بيتفرج على الماتش زيه زينا ولا حايشم الكورة

**abou_ruqi** · 20-01-2010 09:12 PM

بالنسبة لمتعب , أهو جاله اللي حيقعده على الدكة , ربنا يحميه يا رب ناجي جدو
المهم الإعلام ما ينفخهوش بقه ولا يتلم على رقاصة ونشوفه بيسهر في كباريهات

**Terrible_DaRsH** · 20-01-2010 09:17 PM

احمد فتحى ارجل واحد فى مصر , رجل بمعنى الكلمة و لعبه فيه متعة .

انا معاك ان مفيش غير احمدحسن اللى بينقل الكورة لكنه اغلب الوقت انانى جدا , لو كان تريكة مش مصاب كان زفت ريح على الدكة يا رب يريح على طول ..