شكرا يا استاذ efm ford
احمد باشااااااا منورنا هنا في منتدى الدايهاتسو بنفسه
الله يبارك فيك ياباشا ونورتني بجد بردك في الموضوع بتاعي
شكرا يا استاذ efm ford
احمد باشااااااا منورنا هنا في منتدى الدايهاتسو بنفسه
الله يبارك فيك ياباشا ونورتني بجد بردك في الموضوع بتاعي
ايوا بقى يا ودييييييييييييييييييييييي ع,والله نجم طول عمرك وانا كنت صح لما قلت عليك استاذى وبتعلم منك,طول عمرك استاذ ورئيس قسم(بس مش اوى متتنفخش علينا) :ma:
اولا الف مبروك الانذار ووحدات الرفع,انا الايام اللى فاتت كنت مشغول شويه فى العيد وشويه حجات كدا,انا كذا مره عديت على محل فايق سنتر ده بس كان بيبقى قافل والنهرده كنت معدى عليه كان فاتح بس انا كنت مستعجل رايح اتعشى مع ناس اصحابى وعلى مارجعتله كان قفل
المهم انت ديما كدا سباق فى كل حاجه بجد تستحق التقدير انك اخدت الخطوه وشاركتنا التجربه والخطوات وطبعا اكيد طمنت ناس كتير منهم تلميذك المجتهد اللى هو انا طبعا وعايز اقوللك انك بجد سخنتنى اركب انا كمان بس قدام شويه بقى احسن الواحد طالع من العيد متبهدل خالص
انا ناوى اعمل الانذار على النور الواطى بسترخم شكله على الاشارات بصراحه بس بدور على نوع انذار يكون نضيف نفسى الاقى حاجه غير الولف والسينفونى والسباى تكون مش صناعه صينى علشان كدا بدور وبحاول اوصل لمحل فايق سنتر ده لعل يكون عنده ضالتى المنشوده
انا عندى استفسار بقى,بالنسبه لوضع لمبه الانذار ليييييييييييييييييييييه كدا يا ابنى؟مطلعها عاشر دور ليه كدا؟كنت عملتها يمين تحت وتبقى بعيده عن التابلوه ولا ايه رأيك؟
اخيرا يا اخ شريف اسمحلى ابدى اعجابى بالملايه اللى مفيش بيت فى مصر معندوش منها,ده انا هنا فكرت اعمل كسوه العربيه منها من كتر ماحنا عندنا الملايه دى :ma:
تقبل تحياتى
يا كسوووووووووفي منك يا جورجووووو حبيب قلبي كل سنه وانت طيب الاول يا بااشا ويارب تكون ققضيت عيد سعيد
واجخجلتم تواضوعنا والله انا كان نفسياصور الخطوات كلها بس فعلا اليوم ده كنت مرهق جدااااااااا ومكنش فيا دماغ خالص مع انها حاجه مهمه فعلا وضروريه بس معلش خيير
المهم بقه يا سيدي انا كنت مستني سعادتك تسألنا فعلا وبعدين معرفش فجأه كده سخنت وروحت ناازل رايح للكرهبائي صديقي وشاري الانذار والرافعات وقلت ابقه ابدأ انا بس ربنا يسترها بقه لحد الان الحمد لله مفيش اي عيوب غير عيب السنتر اللي بقه مع الريموت بس ده ومش عارف لسه ده عيب الانذار ولا العربيه ولا الكهربائي :36_6_3[1]:
انا كمان شكل الانذار ده قديم اوي ورخم وكنت عايز اعمله مع النور الصغير
بس خود بالك انت كده النور الصغير هيبقي بينور ويطفي مع الانذار ومع الابواب فهيبقى حمل عليه لانه مش متصمم لكده انت كده بالظبط هيبقى زي متكون عمال تشغل وتطفي النور الصغير كتييرورا بعض وده مش وظيفته انه يبقى flasherr عشان كده انا خوفت اعمله ويحصل مشكله او اللمبه تتحرق بتاعت التايلوه مثلا او العدادات
لكن الانتظار اصلا دي وظيفته انه يشتغل ويطفي كتيير فمش مشكله فمتني يا وديييييع :ma:
بالنسبه لللمبه انا مبحبشهاش تبقى ظاهره كده قلت ابعدها عني خالص روحت مشعلقها فوق كده :B4_282:
الملايه دي فعلا منتشره قوي مع اني كنت فاكرها عندي بس ههههههههههههه كل ماروح لحد القاها عنده :s1[1]:
الف مبروووك........وسعر الانذار لسه صاحبي مركبه من اسبوع او 10 ايام في التوفيقية كان غالبا ب 170 او في الرينج ده..........وربنا يباركلك في العربية
مبرووووك , شجعتنى أعمل كدة فى عربيتى البونتو, بقالى سنتين قلقان من الكونترول يونت اللى بتضرب بسهولة و الضمان و الحوارات دى
عندى سؤال , العربية عندى مافيهاش ريموت فى المفتاح أصلا , ينفع أعملها الريموت بس من غير الانظار ؟ لأنى مش بحب السرينة خالص
و برده المفتاح بتاع البونتو فيه شريحة كمبيوتر , ينفع أطلع عليها برده لمفتاح الريموت عادى ؟
شكرا يا كريم باشا وربنا يبارك فيك :satelite:
بص ياباشا انا السيريون كمان مفيهاش ريموت في المفتاح ولا اي حاجه اصلا المفتاح الاصلي بتاعها شبه مفتاح الموتوسيكل صوره موجوده فوق في الموضوع
وانا ركبت الانذار عادي
بالنسبه لانك مش عايز انذار مش عايز الصوت بتاعه يعني عادي ممكن حضرتك تركب الانذار عادي بس متركبش السرينه بتاعت الانذار اللي هي بتعمل الصوت بتاعه يبقى كده هيبقي ريموت فقط من غير صوت الانذار
بالنسبه بقه لمفتاحك لو فيه شريحه يعني قصدك مشفر يعني دي بقه تسأل عليها حد بتاع مفاتيح بس يكون بيفهم وهو يفيدك فيها عشان انا معنديش فكره عن الموضوع ده
وتحت امرك في اي سؤال تاني ان شاء الله:satelite:
ربنا يباركلك فيها ويكفيك شرها
مبروك عليك الأنذار و تجربة حلوة
فعلا حاجة بايخة من التوكيلات انهم يغلوا في حاجات زي دي
مبروك الإنذار ووحدات الرفع يا شريف :)