الشكمان ؟

**moudy2002** · 10-12-2007 04:46 PM

منذ فترة لاحظت انى ساعات بشم ريحة عادم داخل الصالون
المهم ان اللى لاحظتة لما سدات فتحة الشكمان من وراه لاقيت ان فى تنفيس من العلبة الى ورا المهم واحد قلى ممكن تلحمة وواحد قالى غير العلبة الى ورا احسن ؟؟اه ايه هو الافضل

وهل عيب الشكمان دة يأثر على سحب العربية او صوت الموتور العالى ( علشان انا بقيت ملاحظ الموضوع دة فى العربية مؤخرا )

او ايه هى الاثار الناتجة لو انا مصلحتش العيب دة ؟

وشكرا لاهتمام يا رجالة .

**ahmedsrs** · 10-12-2007 05:55 PM

غير العلبة احسن وطبعا تلف الشكمان بياثر فى سحب العربية وممكن يسخن العربية ويزيد استهلاك البنزين

**moudy2002** · 10-12-2007 07:00 PM

شكرا اخ احمد على الاهتمام
طيب رينج العلبة او حد يعرف تعمل كام
علما انه بالفعل السحب ضعيف الى حد ما .. بس هل له علاقة بصوت الموتور العالى ام لا

**Islam_galal** · 11-12-2007 10:06 AM

المشاركة الأصلية كتبت بواسطة ahmedsrs

غير العلبة احسن وطبعا تلف الشكمان بياثر فى سحب العربية وممكن يسخن العربية ويزيد استهلاك البنزين

+1 و بيعلي صوت الموتور (هو صوت الموتور مصحوب بصوت الشكمان)

**ahmedsrs** · 11-12-2007 08:14 PM

انا معرفش نوع العربية ايه عشان اقولك سعر العلبة

**KarimAbulEla** · 12-12-2007 09:20 AM

لو ساكن فى مدينة نصر و سيارتك من الانواع الحديثة حاول تروح لمنفذ مصنع ابو اليزيد و هو عبارة عن مركز صغير داخل مركز خدمة النصر للسيارات فى اول مكرم عبيد خلف سيتى سنتر
و غالبا سعرهم ممتاز و عندهم خدمة التركيب مع ماكينة رفع للسيارة و اعتقد هما شغالين بشكل منفصل عن مركز الخدمة بتاع النصر

معظم السيارات الحديثة المقفلة بمصر اللى راكب فيها من نوع شكمان من النوع ابو اليزيد

انا رحتلهم قبل كدة و بصراحة اعتقد انهم افضل من ورش الشكمان المنتشرة و من ناحية اخرى ارخص سعرا من الحصول على هذه الخدمة من اى توكيل و سوف تكون بنفس الكفاءة و المنتج الاصلى

اما لو بتفكر فى علم لحمات او ما شابه ففه هذه الحالة الورش العادية سوف تكون الاختيار الافضل

**moudy2002** · 12-12-2007 12:34 PM

شكرا يا اخوانى على الاهتمام
كريم باشا شكرا على الرد فعلا انا ساكن فى مدينة نصر وعارف مركز النصر دة بس يا خسارة انا خلاص غيرتها فى الحى السابع عند واحد اسمة الزقازيقى وغيرت العبلة الى ورا بس و كانت فعلا ابو اليزيد ودفعت 180 جنية بالتركيب (حاسس انه كتير شوية )
بس الرجل
قالى انه هتاخد شوية وقت لحد ما العلبة تتملى شوية عادم وكربون وبعدين الصوت يهدى شوية ؟ الكلام دة صح ولا اية

على فكرة العربية هيواندى اكسنت 1500 cc
وشكرا