حضرتك قلت "الشهادة لله" يبقى اصول الشهادة إنك تذكر المميزات والعيوب او تقول إن ده رأيك الشخصي..على فكرة أنا مش ضد العربية..بس أنا تصورت إن الموضوع أكثر حيادية لأنها شهادة لله
عرض للطباعة
حضرتك قلت "الشهادة لله" يبقى اصول الشهادة إنك تذكر المميزات والعيوب او تقول إن ده رأيك الشخصي..على فكرة أنا مش ضد العربية..بس أنا تصورت إن الموضوع أكثر حيادية لأنها شهادة لله
يا ريت حضرتك تقرا الموضوع كويس وتعرف إن حتى الكلام اللي اتكتب مش رأيي ولا الشهادة دي شهادتي
يا جماعة أنا والله ما قلت
العربية مش بتاعتي أنا نقلت ليكم خبر ورأي وبعدين عنوان التوبيك أنا أخذته برضه نقلاً من صاحب الموضوع
عموما اوعد حضرتك أني لو أشتريت العربية دي هاقول شهادتي بمنتهى الحيادية لأني أعرف جدا أصول الشهادة سواء لو أشتريت إسبرانزا أو أي عربية تانية حتى لو مرسيدس
:Ta_clap[1]:
للاسف الاحترافيه عندنا فى الدعايه - مش موجوده بدل ما يكتفى بالدعايه للعربيه -المعجزه على حد كلامه- راح يخبط فى عربيه اعتماديتها متفق عليها- واستخدم اسلوب الذم بما يشبه المدح عن الانوس اللى كان حاببها و و وهب بقت كابوس طب ليه ما كنت تخليك فى العربيه اللى تهمك وبلاش خبط فى غيرها- طيب لو بجد عندك امانه علميه بقى - كمان سنتين ونص - ان عشنا ابقى قول لنا رايك فى ال m11
مع ملاحظة انك اشتكيت من الانوس بعد سنتين ونص وكنت جايبها مستعمله وكمان واضح انك اتعلمت عليها
يا باشا ما تحسيش بالذنب خالص! لإن أولاً ما حديش ، و أنا شخصياً، جرح في الراجل.
ثانياً ما هياش جريمة أو عار إن واحد يبقى مندوب دعاية.
ثالثاً كما قال اخونا Samcar المشكلة فقط في عدم الاحترافية في الدعاية او خلينا نقول التدليس في الدعاية و محاولة ايهام المتلقي بأن محتوى الدعاية عبارة عن كلام موثق قد إلى حد التقديس.
ثالثاً الأخيرة دي ترجعنا لمربط الفرس، و هو إن سوق السيارات خصوصاً، و يمكن كافة الأسواق أو النشاطات في مصر، مبنية على قواعد و أصول غلط في غلط، ابسطها قاعدة الاحتكار و التنظيمات الاحتكارية اللي ممكن توصل لحد نوصفها فيه بأنها مافيا!
انتا مطلع الانوس عربيه زباله ياراجل حرام عليك
انا معايا لانوس عمله 185 الف كيلو غيرتلها المساعدين من سنه العربيه م99 والعفشه معقوله والتكييف بتعها متفكش ابدا هوه مراجعه الشحن كل صيف ولو العيوب دى موجوده ازاى بتباع لمده عشرسنين هل الناس طبعه فلوسها (حرام عليك ) انا ولا ضض ولا مع الصين انا محايد ولاكن شهاده حق الانوس عربيه كويسه بلنسبه لنفس الفئه
اعذروني في تعليقي و لكن يبدو ان مالك العربيه دي رجل مذبذب جدا و هوائي و لا يحكم بنمطقيه لانه في خلال نفس مقاله شكر في اللانوس بشده حتي اعتقدت انه داخل يقول ان اللانوس افضل بكثير من الاسبيرانزا ثم وجدت تحول في كلامه للذم في اللانوس و المدح في الاسبيرانزا لانها حلوه و الناس بتبص عليها رغم كل ما قاله فيها من قبل
ثم ده حتي بيقارن عربيه مقالش موديلها و لا حالتها بعربيه زيرو عامل بيها 1400 كم اكيد طبعا الاسبيرانزا الزيرو افضل من اللانوس المستعمله و ربما حتي تكون افضل من اللانوس الزيرو
المقارنه يا ساده تكون بين سيارتين نفس السنه و نفس الاستعمال ثم يتم الحكم بعد فتره مثلا من 5 سنوات حتي 10 سنوات لانه مينفعش مثلا واحد يقول انا كان معايا بي ام تعباني و قارفاني لحد ما بعتها و اشتريت اسبيرانزا زيرو لقيت الاسبيرانزا احلي و مريحاني و في الاخر تطلع البي ام دي موديل 1970 مثلا
علي فكره اعتقد ان اي واحد بيعدي جنبه في الشارع عربيه صيني جديده اكيد بيبص عليها و اوقات كمان و الله انا بقف و اتفرج عليها لان ده عالم جديد من السيارات و اي محب للسيارات اكيد نفسه يفهمه و يتابعه علي الاقل و ليس بغرض الدخول في ذلك العالم المجهول
ثم ان اللانوس عربيه (من وجهة نظري الشخصيه) من افضل العربيات التي تم طرحها كعربيه استهلاكيه في مصر و يكفي استمرارها اكثر من 12 سنه في التصنيع و المبيعات رغم انها منذ تجميعها في مصر عام 1998 حتي الان ظهر لها الكثير و الكثير من المنافسين و لكني اعتقد انها حافظت علي مكانتها بشهادة اغلب مجتمع السيارات و اعتقد بس ان اللانوس ينقصها فرامل abs وبعض الكماليات مثل الجنوط و تكون بنفس السعر كانت ستصبح في منتهي الجمال
واعتقد اغلب مالكي اللانوس موديل 2006 او 2007 لم يشتكوا من سيارتهم عكس اغلب مالكي الاسبيرانزا موديلات نفس السنه
عموما برضه لو كانت تجربته صحيحه فربنا يكرمه ان شاء الله في سيارته و يكفيه شرها و ياخد خيرها كله
علي فكره انا مش ضد الصيني و لا معاه و لكني من محبي السيارات بصفه عامه و من متابعي قضية الصيني باهتمام ....
العربية دي كويسة وناس جابتها وشكرت فيها جدا
يا جماعة نرجو المصداقية فى المشاركة بالمواضيع لأن الهدف منها هو تحقيق أقصى إستفادة ممكنة لجميع أعضاء المنتدى و الزملاء سواء صاحب المشاركة الأصلى أو الزميل اللى نقل مشاركته و الأثنين سواسية نرجو تحرى الدقة فى نقل المواضيع دون التعبير عن أراء فردية تضر بأعضاء المنتدى لأنه من غير المنطقى و الطبيعى أن يتم مقارنة اللانوس العربية الشعبية رقم 1 فى مصر الأن و بعد أن اثبتت التجربة العملية طوال 10 سنوات مضت هذا الكلام بعربية جديدة مجهولة حتى هذه اللحظة و لم يتم الحكم عليها ليمكن تقييمها حتى الأن
يا فندم أنا لم أقارن أي عربية بأي عربية تانية ونقلت المشاركة دي علشان أوضح للناس رأي الراجل في العربية اللي كانت مزعلاه وموضعة عمل ربكة في القسم من قبل هو ده الهدف مش المقارنة وعموما كل واحد حر في رأيه هو شايف الأسبرانزا أحسن من اللانوس هو حر اللي يتفق معاه يتفق واللي يختلف معاه يختلف
عايز أضيف لحضرتك أهمية تانية للمنتديات إن كل واحد ينقل تجربته الشخصة ورأي الشخصي في أي موضوع مش بس الأخبار
نعم أتفق مع حضرتك أن من أهمية المنتديات أن كل واحد ينقل تجربته و فى نفس الوقت هو حر فى اللى يتفق معاه و اللى يختلف معاه بس فين المصداقية لما واحد ينقل تجربته فى عربية و يلعن فيها و فى اليوم اللى اشتراهها و يخسف بها الأرض و بعدها بأيام نفس الشخص ينقل تجربته و عن نفس السيارة و فجأة يطلعها فوق و تبقى أحسن سيالاة فى الدنيا أين المصداقية طب أنا قرأت الموضوعين و هى فىأسفل سافلين و هى فى فوق فى السما أصدق ازاى و أى تجربة هى اللى أصدقها و أخدها مرجع لى فى تقييم العربية
و معنى أن حضرتك تعيد نقل الموضوع مرة أخرى للأستفادة لكل الأعضاء يبقى معنى كده أنك مقتنعبما قاله و الا لماذا أعدت الموضوع مرة أخرى