يا مندوب موش انا شارية...
على رأي أصالة.
كلام مندوب دعاية بشكل واضح!
رقم العضوية : 38844
تاريخ التسجيل : 24Apr2009
المشاركات : 739
النوع : ذكر
الاقامة : مصر
السيارة: BYD F3 2012
السيارة[2]: Nissan Sunny M/T ABS 2010
الحالة :
اليوم وجدت موضوع في أحد المنتديات . . . . يحمل نفس عنوان التوبيك ده باسم الأخ روتانا سينما اللي كان عامل موضوع العربية m11 ومشكلة تانك البنزين اللي ماكنش راضي يفتح والراجل بيقول رأيه بكل حيادية بعد ما كان مش طايق العربية
بسم الله الرحمن الرحيم
انا اسمي محمد 32 سنة من شبرا ده تليفوني . . . . . . . للي يحب يستفسر عن اي شيئ انا مريت بيه أو جربته مع أسبرانزا m11
أولا انا كنت امتلك سيارة دايو لانوس كوري لونها نبيتي كانت من سنتين ونص هي السيارة الي علي قد فلوسي لأني أشترتها مستعملة لكن كانت والله زي الزيرو اشترتها من صديق لي يعمل بوزارة الخارجية دائم السفر والعربية كانت ممتازة كانت مانوال ولكن فيها من الكماليات الأتي سنتر لوك ووحدات رفع للزجاج وجنوط ماليزي جميل وقوي وكاسيت وسي دي كينوود و4 سماعات كينوود وشماسي اونها بني غامق علي الزجاج كانت تحفة بمعني الكلمة وهي اول بختي وعشقتها حبا وقديت فيها اجمل أوقات القيادة المهم بقي من تجربتي للانوس سنتين ونصف بدأت بعد الصيف الي فات وسفري الدائم للأسكندرية والعين السخنة في الانهيار من اول السنتر لوك غيرته اكتر من 3 مرات في السنتين وحدات الرفع كلها بتعلق ازاز يقفل وازاز لاء الكاسيت باظ السي دي بتاعه وبقي شرايط بس الشماسات غيرتها كتير جدا كل ما واحدة تقع من العربية أشتري طقم كامل عشان متتبعش قطاعي وعاديك بقي علي شغل العفشة كنت بغير جلب مقصات واظبط عفشة وأرصص كل 3 او 4 شهور ولو طنشت لمدة أطول الاقي العربية متشخرمة من كل حتة وبتحدف وماشية بتهيس غيرت المساعدين الخلفية وغيرت المارش بتاع العربية والبطارية والتكييف باظ الكومبروسر بتاعه كنت بشحنه كل شهر تقريبا في الصيف ب150 جنيه لحد مكبرت دماغي منه لأن الكومبروسر غالي عليا ب2000 جنيه لما سألت عليه عارفين بقا ايه لازمة كل الكلام ده هو ان العربية اتشخرمت جامد في سنتين وكانت واطية مهما تركب عليات لو ركب فيها 3 اصحابي وانا رابعهم مفيش مطب من غير ما الشكمان والعربية تتشخرم فيه من تحت وتعالي بقي وانا مسافر اسكندرية او رايح شغلي في 6 أكتوبر مكان عملي لو جبت 120 احس ان العربية بتحدف وهتطير من علي المحور لو جت تحتيه ظلطة أو زقها شوية هوا المهم خت قرار أعتقد انه من أصعب القرارات في حياتي وهوووووو بعت العربية الغالية عالية جدا رغم معاناني معاها الشديدة وانا دلوع اوي موش بحب الميكانيكية والقعاد عندهم بالساعات وشغلي مخليني بتخنق اوي من الروتين أو من شغل التصليح كل يوم وكل أسبوع تقريبا اشتريت بقي m11 من حوالي 3شهور تقريبا وكان قرار صعب جدااااااااااااا اتخذته اول مشترتها كنت مرعوب من الي بسمعه عن الصيني رغم شكر الناس فيها ومتابعتي لأخبارها علي المنتديات المهم اول مجبتها حصلي كام موقف خوفوني جدا منهم تنك البنزين مفتحش ومكنش معايا بنزين وروحت التوكيل وانا مدايق جدا جدا وكاره نفسي وكأن كلام الناس عن الصيني بدأ يتحقق معايا المهم الشهادة لله انا والله العظيم فخوووووور جدا جدا جدا بعربيتي أسبرانزا m11 قوة ورفاهية وثبات وفرامل ودفئ وتكييف والله كأني في أفخم عربية وبسعر موش غالي نصيحة لوجه الله أمتلك عربية جميلة m11 شافها اصحابي معايا وركبوها شافها ميكانيكية محترفين شافها ناس كتير جدا مكنوش يعرفو عنها غير اسمها او شفوها صور كلهم ركبوها معايا موش بسمع غير كلام شكر في العربية من اول شكلها لحد متانتها وقوتها وثباتها الرهيب وعلوها عن مطبات مصر الصعبة وموش مزعلني ومخوفني غير الحسد وعنين الناس والله بلاقي ناس راكبة عربيات فخمة جدا وبيبصو عليا وبيجو جمبي يتفرجو ويقفوني في الشارع ويسئلو عن سعرها الكل معجب بيها لدرجة مخوفاني اركبها من الحسد فيها انا نفسي بحسدها ركبت فيها جي ام قوي جدا وأربع سماعات كينوود وبازوكا JPL بقت تحفة لونها اسود شياكة فظيعة جدا ورواشة جامدة جداااااا مجنناني ومجننة الناس مع والله ثبات وقوة ورفاهية متناهية ورغم خوفي منها الي لحد دلوقتي شبه خوف قليل ألا أني سألت نفسي ايه الفرق في سعرها عن الانوس لاقيت مفيش فرق طب ايه الفرق الي يخوف مفيش مع ان الفرق شاسع شاسع شكلا وثبات ورفاهية وكل شيئ بجد فرق شاسع كأني في كيا كارينز او سوراتو او كروز عربية BMW صيني ب75000 جنيه مشاكلي كلها مع التوكيل والصيانة وشركة المصرية الحرامية لكن مع العربية والله العظيم بحمد ربنا وبشكر فضله ان ربنا وفقني في أختياري وكنت هجيب كمان التيجو لكن بحمد ربنا مكنتش موجودة وجبت الM11 لاني حاسس انها شكلا أنيقة جدا مجننة اصحابي ومجننة . . . . الي بيشوفوها ومخليه الناس بتهابها وتحترمها كانها BMW أتكلو علي الله وأشتروها بعيدا عن المصرية للسيارات ولو تحبو كمان أفضل توكيل عملي فيها مشكلة تنك البنزين لما مفتحش وصلحوه ب5 جنيه بس اديتهم للعامل الي مسح العربية توكيل أبو غالي الي في طومان باي مصر الجديدة وهتدعولي عربية تحفة وتوكيل تحفة وأحساس هتعرفوه لما بجد تشتروها هتحس بتميز واناقة وقوة ورفاهية وثبات وكل شيئ محتاجه وخوووووووف من عنين الناس الي هتحسدك بطريقة متوحشة بجد والله علي ما أقوله شهيد أخوكم محمد مخرج اعداد وتنفيذ في روتانا سينما وليس ميكانيكي او بشتغل في أسبرانزا والله دي شهادة لله وأسف طولت اوي عليكم لأني بطبعي رغاي سامحوني نصائح 1 - أنا شحنت العجل نيتروجين مخلي الكاوتش زي المللبن مع المطبات ولا بيزيد ولا بيقل ويريح زي الهوا 2 - بدي الغيار حقه عشان السرعة وقوة السحب تزيد وانا اول مشتريت العربية مكونتش فاهم الموضوع ده 3 - اتعامل مع المطبات بحنية ولكن اطلع بكل قوة علي المطب متخفش العربية عالية 4 - أعمل غرز علي سرعات عالية من غير متغير الغيار الي انت عليه وأجري زي متحب الفرامل جامدة جدا وموش هتخلي العربية تنحرف او تتزحلق او حتي تزحف وتعمل صوت كأنك في حرب 5 - شغل فيها قرأن دائما لأنك هتاخد عين ربنا يستر عليك ههههههههههههههههههههههههه هههههههههههههههه شكراااااااااااااااااااااا ااااااااا
. . . . . . . . . . . .
بسم الله الرحمن الرحيم (ادخلوا مصر إن شاء الله آمنين) صدق الله العظيم[aldl]http://img689.imageshack.us/img689/4961/18354359.jpg[/aldl]
رقم العضوية : 26962
تاريخ التسجيل : 06Dec2008
المشاركات : 551
النوع : ذكر
الاقامة : كفرصقر، الشرقية
السيارة: شاهين
السيارة[2]: فيات 125
الحالة :
يا مندوب موش انا شارية...
على رأي أصالة.
كلام مندوب دعاية بشكل واضح!
رقم العضوية : 473
تاريخ التسجيل : 04May2007
المشاركات : 130
النوع : ذكر
الاقامة : Egypt
السيارة: 127
السيارة[2]: Hyundai
دراجة بخارية: no
الحالة :
اولا للاخ ( روتانا سينما ) أنا كنت قد قررت أنى مش هكتب تانى عن الاسبيرانزا و لا هشارك فى أى موضوع نظرا لانى عامل موضوعين هنا عن العربية و طبعا الناس كلها بتدخل تقرا و تخرج و محدش بيفكر يضيف أى رد أو نصيحة على الموضوع فطبعا قررت التوقف عن المشاركات أو اضافة مواضيع جديدة .. و أبقى خلى عدد الزوار يكثر أكثر و أكثر و عدد الردود يكاد يكون معدوم
المهم علشان مطولش عليك أنا هذكر لحضرتك رايك السابق فى موضوع تنك البنزين و مش هحكم على التحول المفاجىء و الرهيب فى وجهة النظر بس لو انت هتقرا الموضوع دة رجاء قولى لو أنت مكانى و تقرا الموضوع الاولانى و كونت وجهة نظر زى الزفت على العربية و شلت منها و بعديها بكام اسبوع افاجىء برأى مناااااااقض للرأى السابق معلش انا أسف فى التعبير بس محدش هيصدقك و هيقولوا عليك نصاب ( انا أسف )
المهم دة كان الرأى السابق لحضرتك بتاريخ 14/12/2009 ( أقسم بالله العلي العظيم أني من مالكي أسبرانزا m11 ولسة عامل صيانة ال 1000ك ودخلت بنزينة الوطنية في مدينة 6 أكتوبر أفول بنزين عادي يعني والتانك عندي كان فيه 7 لتر تقريبا فقط المهم اني جيت أفتح باب تنك البنزين موش راضي يفتح عملتله قرد أنا والناس في البنزينة ومفتحش طبعا كنت تريقة عباد الله والكل بيعايرني اني جايب عربية صيني زبالة زي دي وأنا واقف في نص هدومي اتصلت بالصيانة الي جبت نمرتها كأني بجيب نمرة ليلي علوي من السرية وطناااااااااااااااااش محدش معبرني وأخيرا في فرع ابو غالي في جسر السويس بعتولي الونش والعربية اتكسرت واتبهدلت علي الونش وطلع ...... كل ده عشان باب تنك البنزين في عربية زيرووووو عاملة 1400 ك تصورو دي عربية او تستاهل يدفع فيها جنية واحد والله العظيم وحياة أولادي دي نصيحة محدش يشتري عربية صيني ولا يفكر حتي فيها عربية زبالة وخدمة بعد البيع حرامية وزبالة وشكرااااااااااااااااااااا ا )
ودلوقتى حضرتك جئت مشكورا بتقول أن العربية تحفة ووهمية و أنك طاير من الفرح وفى قمة السعادة أنك اشتريتها و الكلام دة بعد شهر تقريبا !!!!! يعنى فى ما لايقل عن 100 أو 200 عضو أو زائر شافوا الموضوع دة و كونو فكرة زى الزفت عن العربية و شالوا منها و على فكرة أنا كنت واحد من الناس دى فلك أن تتخيل لما الاقى حد أشترى العربية و لاقى المشكلة البسيطة دى و كمان طلعوا عينيه علشان يصلحوها و بهدلوا العربية أخر بهدلة علشان يرفعوها على الونش و كل ده و العربية عاملة 1400 كيلو !!!! و فى الاخر حضرتك أسديت نصيحه لكل القراء بأنهم يبتعدوا تماما عن العربية و انها زبالة و التوكيل حرامية . . . تفتكر أنا واحد كنت مقتنع بالعربية 200% و بعدين موضوعك ده خلانى أقلق و أفقد جزء كبير من أقتناعى اللى بقى 50 % بجد فهل ترى أن من السهل أنى أصدق أى مواضيع تانى من حضرتك أو أنى ممكن أثق فى العربية تانى مهما قلت ؟؟؟؟ فما بالك بقى بالمواطن اللى لسة بيحاول يكون معلومات بسيطة عن سيارة الاحلام اللى هو أساسا مش مقتنع بيها لكونها صينى و بيحاول يتلكك علشان يثبت لنفسة أنها كويسة بس علشان هى رخيصة بالنسية لفئاتها و على قده و فجأه يلاقى موضوع حضرتك ده ؟؟؟؟؟ 500 % هيكره العربيات الصينى و مش بعيد يكره الصين كمان و مهما حاولت و بذلت مجهود أنك تقنعه أنها عربية تحفه وزى الفل ..... هيهات هيهات هيهات
ودة لان الناس عندنا ممكن تصدق الاشاعات و الكلام السىء و الاخبار المفبركة لكن كون أنك تحاول تقول الحقيقة ,, أنسى أن حد ممكن يسمعك أساسا مش يصدق بس
على العموم انا بشكرك عل توضيح وجهه نظرك و ان كانت لن تلاقى القبول اللى أنت منتظره بس تصحيح الخطأ افضل من الاستمرار فيه و نتمنى أننا نسمع دائما كل خير عنك و عن العربية و ربنا يكفيك شرها و شر الطريق
واسف لو كنت قلت أى كلام قد يسىء اليك .
أخوكم عمرو
( إنا أنذرناكم عذابا قريبا يوم ينظر المرء ما قدمت يداه ويقول الكافر يا ليتني كنت ترابا )
رقم العضوية : 52553
تاريخ التسجيل : 09Nov2009
المشاركات : 29
الحالة :
مشكوورر يا أخى ash257 على هذا التقرير الظريف وأنا الحمد لله معبا M11 و الحمد لله بأكد كل الكلام المكتوب.
رقم العضوية : 21678
تاريخ التسجيل : 10Oct2008
المشاركات : 1,479
النوع : ذكر
الاقامة : egypt
السيارة: azda cx9hyundai accent ,s.maruti ,hynd i10,toyot corolla m
السيارة[2]: b.m.w 525,toyota yaris, mazda cx9
دراجة بخارية: لا
الحالة :
روتانا سينما مش حتقدر تغمض عينيك"
معاهم ولا عليهم؟
:err:my heart will go on
د/محمد شاكر
رقم العضوية : 52553
تاريخ التسجيل : 09Nov2009
المشاركات : 29
الحالة :
مع الM11 مش حتقدر تبربش
رقم العضوية : 30629
تاريخ التسجيل : 20Jan2009
المشاركات : 1,577
النوع : ذكر
الاقامة : El-Haram
السيارة: Rabena yesahel
السيارة[2]: Chevrolet Optra 2010 A/T
دراجة بخارية: No
الحالة :
رقم العضوية : 8131
تاريخ التسجيل : 29Mar2008
المشاركات : 1,056
النوع : ذكر
الاقامة : Cairo
السيارة: not avilable
السيارة[2]: Honda Civic 2008 F/A
الحالة :
رقم العضوية : 47410
تاريخ التسجيل : 17Sep2009
المشاركات : 141
النوع : ذكر
الاقامة : Egypt
السيارة: نيسان
السيارة[2]: كورولا
دراجة بخارية: no
الحالة :
ياريت العضو روتانا يدخل يقول رأية الاخير بنفسه. لان ممكن يكون حد عامل اسم مماثل له في منتدي اخر كنوع من الدعاية للسيارة
رقم العضوية : 39921
تاريخ التسجيل : 09May2009
المشاركات : 237
النوع : ذكر
الاقامة : بورسعيد
السيارة: كيا سبورتاج 2014
السيارة[2]: اسبرانزا تيجو2009
دراجة بخارية: لا يوجد
الحالة :
انا فعلا قريت الموضوع ده فى منتدى اخر للاخ rotanacinema وهو اللى كان حصل معاه المشكلة بتاعة تانك البنزين و قعد يسب فى العربية و اللواقتى هو مبسوط منها جدا و اعترف بده فى المنتدى الاخر
المفضلات