في طرق لم تمشي فيها بتحس بكأبة لأي سبب
قول لنا الطريق و سبب كآبته من رأيك
عرض للطباعة
في طرق لم تمشي فيها بتحس بكأبة لأي سبب
قول لنا الطريق و سبب كآبته من رأيك
طريق الكليه وأكيد كل الناس عرفة السبب
غير كده مبتفرقش معايا
لما اكون في مشوار والاقي نفسي داخلة على الجيزة والهرم بحس بيجيلي اكتئاب
بحس ان اي مشوار مهما كان طويل اخف على قلبي من منطقة الجيزة والهرم
لما تكون متدبس فى مشوار طويل فى طريق زراعى متعرفهوش بالليل وخصوصا فى الشتا
ويا سلام بقى لو لوحدك كمان
اى طريق مكسر فاهو كئيب بالنسبة لى
بالنسبة ليا اي طريقة زحمة وخصوصا الجيزة
طرق القاهره كلها في الزحمه بتبقى كئيبه
وهي فاضيه بقى بتبقى زي العسل على قلبي
اكتر طريق كئيب اول مصر اسماعيليه عند موقف العاشر
والسبب الزحمه اللي ممكن توصلك انك تعد في الطريق دا ساعه ونص بدون مبالغه
طريق بتاع حتة اسمها ابو الغيط طريق طول وضيق والواحد بيطلع عينة فية دة غير ان فية حطة مطب تاريخى اى والله تاريخى بس اول ما منوصل المحور بيئى زى العسل
وبرضو الميدان بتاع رمسيس حاجة تجيب الشل الرعاش لو الاشارة وقف مثلا
بالذات فى الطريق الى يبودى من رمسيس للتحرير بيبئى هباب
الطريق المودي عالمحور من ميدان لبنان..معرفش ليه.
صلاح سالم في الحتة ناحية السيدة عائشة..مش محتاج سبب.
أي طريق تتزنء فيه مدى طويلة.
المهندسين والتحرير .....من غير تريقة ,,بتفكرنى باول قصة حب حقيقية فى حياتى:ma(36)::T_thum1[1]::mahf(5):
البلد عامة لحد الساعة 10 كدة بتبقي زحمة كئيبة رهيبة !
في الطرق السريعة طريق الفيوم بالليل مش عارف مش بستلذه ليه
طريق غمرة ل مسطرد & الطريق الصحراوي و انا راجع م الاسكندرية بس(ببقي شايف كل حاجة كئيبة وانا راجع م الاسكندرية)
نسيت اقول شارع كمان..
القصر العيني, كل مرة بامشي منه الضهر باكره اليوم اللي خلاني اسكن جمبه.:ma:
إنت ممكن تنزل ملعربية تطلب حجر و تسحبلك كام نفس عقبال مالزحمة تفك :120146b
وده طبعا بسبب مجلس الشعب واللي حواليه.
القاهرة كلها زحمة وكئيبة مابتفضاش وتفك غير على 11 بليل وكمان الطرق المكسرة اللى مفيهاش اسفلت اصلا بعتبرها كئيبة
اي طريق ضلمة ومكسر، يعني معظم الطرق
معظم طرق القاهرة
التحرير ووسط البلد
طريق بنتف اللى رايح الزقازيق من منيا القمح
شوارع القاهره رهيبه
شارع أحمد حلمي بأسواره الصفرا قوي
و شارع فيصل عشان عمري ما مشيت فيه من غير مسلم على الزحمة
اى حته فيها زو الزى الاسود شتاءا و ابيض صيفا
الطريق الواصل بين شارع الثورة (من عند سينما الماظة) ومحطة السوبر جيت بألماظة
طريق مش طويل لكن مليئ بكل انواع المطبات (حفر-مطبات-هبوط في الطريق-إرتفاع في جزء من الطريق-تكسير عرضي وطولي وبالورب كمان-مفرق وتقاطعات-إضاءة غير جدية)
اكييد ده مش اسوء طريق بس لأني بسلكة كتير وهو طريق حيوي وقصير بين مدينة نصر ومصر الجديدة
أكئب الطرق اللي بمشي فيها....
دائري السلام.... لما بطلعه من آخر المحور لحد نزلة الاسماعيلية....
و كمان جسر السويس.... بالذات بعد مزلقان الجراج و لحد طريق الاسماعيلية...
ليه بس بتفكرني .. الطريق دة عاوز يتولع فيه اساساً بس عموماً في تخريمه لو انت رايح على مدينة نصر تدخل من بعد السوبر جيت يمين لحد الأخر وتدخل شمال مع شريط المترو لحد الميدان وتدخل يمين هيطلعك ناحية شارع الثورة ناحية دار الاشارة كدة وانت راجع نفس الكلام يطلعك ناحية نادى الجلاء من ناحية السبع عمارات عارف الطريق دة؟ ولا توهت مني ياباشا
طريق بلدنا في الشرقية بكرة الطريق ده موووووت
المنطقة المحزورة بروكسي فعلا تحس ان فيه قناص منشل عليك وانت ماشي تحس انك هاتضرب بالنار لو كحيت
بصراحه كل طرق مصر بلا مبالغه ياما هتكون زحمه موت ياما كلها مطبات وكلها بدون استثناء وخصوصا طرق السفر بس انى راكب جمل من بتوع زمان لو جرى لى حاجه او للعربيه هنتتظر اى قافله معديه تنقذنا مافيش اى خدمات ولا امن على الطرق
طريق الغردقة الشيخ فضل
ياساتر ععلى طريق جامعة حلوان انا بحس بالملل وبيجيلى احباط
الدائرى انا بكرة جدا معرش لية
و اول ما اطلعة اقول ربنا يستر
اكتر طريق بخاف امشي عليه ( بموت من الرعب )
طريق الاسماعيلية - الزقازيق
طريق زراعي رايح جاي
الترعة على شمالك و معاها المقابل
و على يمينك تختار يا م شجرةكافور من اللى قلبك يحبهم
او تغوص في الزرع او بت من بيوت الاهالى و في بعض المناطق ممكن تلاقي حاجة بيقولوا عيها خليج ( بتاع ميه الصرف )
حاجة كده من اللى قلبك يحبها
طريق الn.a (الطريق المؤدي الى التجمع الخامس من مدينة نصر )
اللي هو يعتبر امتداد لشارع التسعين
الناس بتجري فيه جامد جداً وهو حارتين بس
عربيات مقلوبة ومتفرتكة على اليمين والشمال كل يوم
صباح الكآبة والله
ربنا يصلح الحال
استاذ نادر
انا بأخذ الطريق ده وانا جاي من عند النادي الأهلي او طريق السويس بدل الواقفة إلى في اخر الأوتوستراد عند مساكن شيراتون والواقفة التانية الرهيبة إلى في ال u turn الي عند السندباد وقفتين تدمير اصلي ساكن عند الكلية الحربية
علشان كدة الإختصار مش هينفعني اوي غير وانا رايح الثورة او الشارع الي فيه سيتي ستاز.
بس اغلب اسخدامي للطريق السيئ ده وانا راجع من مدينة نصر إلى مصر الجديدة
عموما ربنا يهديهم ويصلحوا الطريق ده
طريق السويس الاسماعيلية لانه بيفكرنى بايام الجيش
طريق الاسماعلية عند العاشر
اعوذ بالله من ده طريق