السلام عليكم,
أود أن أقترح ترتيب مقابلة لأعضاء المنتدى الكرام مالكي هوندا للتعارف.
نرتب أولا أول مقابلة و بعدين ممكن نثبت مقابلة شهرية إن شاء الله.
أي إقتراح بالنسبة للمكان و الميعاد؟
عرض للطباعة
السلام عليكم,
أود أن أقترح ترتيب مقابلة لأعضاء المنتدى الكرام مالكي هوندا للتعارف.
نرتب أولا أول مقابلة و بعدين ممكن نثبت مقابلة شهرية إن شاء الله.
أي إقتراح بالنسبة للمكان و الميعاد؟
ماشاء الله عليك
أنا مستعد جدا ان شاء الله و تبقي ديه احسن فرصة الواحد يشوف و يتعرف علي الناس الجميلة ديه أي ميعاد يناسب الجميع ان شاء الله مش هيبقي عندي مشكلة و بالنسبة للمكان برده.
الاقتراحات:- أي يوم جمعة و المكان ممكن يكون 6 أكتوبر أو الرحاب حسب القرب لأكثرية الناس
شكرا على الإقتراح الجميل
بالنسبة ليا ممكن بإذن الله يوم الخميس أو الجمعة 21 أو 22 يناير
المكان: أقترح يبقى معرض الفورميولا صالة الهوندا
إن شاء الله يوم الجمعة بعد صلاة الجمعة يكون مناسب للجميع, أما بالنسبة للمكان إن شاء الله نختار الأقرب للجميع ... إحنا دلوقتي 2 و في إنتظار المزيد.
مــــــــن جـــــــــــاي تــــــــــــني؟ :049:
والله فكرة ممتازة :Ta_clap[1]:... نبدأ أول مقابلة في المعرض القادم في صالة هوندا ... و بعد كدة نشوف المقبلة إللي بعديها في أي مكان تاني.
موافق على الفكرة ... بقينا 3 ... مين تاني؟
بس يايت يكون يوم الجمعة لظروف العمل.
أ/ ممدوح ... رأيك إيه؟
مستعد جدا طبعا مفيش أي مشكلة ليوم الجمعة ان شاء الله و أنا بحبز فكرة ا / محمد الشامي فكرة هايلة.
ان شاء الله اللي عيز ييجي يقول عشان نحدد أنسب ميعاد ان شاء الله و غالبا هيبقي بدري كده بعد الصلاة علي طول عشان لو نلحق نقعد مع بعد شوية بعد المعرض تبقي فرصة هايلة طبعا لو ظروف الناس تسمح
مبدئياً كدة الجمعة 22/1 مناسب ليا وان شاء الله اجى ونتقابل بس قبلها برضة هأكد لو حصل اى تغيير
كده 4 أكيد ان شاء الله
متااااااااااااااااااااااا اااابع.................................
أيه رأيكوا نحدد الميعاد من دلوقتي و ليكن الساعة 2 بعد الصلاة ان شاء الله و تكون البداية من الباب الرئيسي عشان نعرف نشوف بعض و نلف الاجنحة كلها مع بعض... ايه رأيكو ؟
إيه ياجماعة الخير
فين الرجالة بتوع المقابلة اللي فاتت
كيمو
صحابي
بودي مانيا
هلمنز
و باقي الأعضاء ...أنا مش عايز أنسى حد
بس دي إن شاء الله تكون فرصة جميلة للقاء أكبر من المرة اللي فاتت
انا معاكم بس لو ينفع يوم 23 بعد الساعة 5 عشان اكون خلصت الامتحان !!
السلام عليكم ,
في الحقيقة دي أول مشاركة ليَّ في المنتدى الجميل ده واخترت منتدى هوندا عشان هكون واحد من الهنداوية في القريب العاجل إن شاء الله
وبالنسبة ل معرض فورميولا , أنا كلمتهم في التوكيل وقالولي إنهم مش حيشتركوا في المعرض للأسف وضيعوا فرصة إني اتفرج على civic 2010
ولكن برده هتكون فرصة إني اتعرف على الهنداوية و اتفرج على بقيت العربيات معني مقرر بنسبة كبيرة إني أجيب civic إذا السعر ماخانيش انشالله
وشكرا
:satelite:
أنا شخصيا ممكن أعدل مواعيدي علشان خاطرك يا كيمو و الله
بس نستنى رد باقي الأعضاء
أهلا وسهلا بحضرتك في عائلة الهوندا بالمنتدى
إحنا يزيدنا شرف ان حضرتك تكون موجود معانا...
بس موضوع عدم وجود الهوندا في المعرض ده حيكون له نتائج سلبية على المبيعات بشكل أساسي
و لو فعلا مش حيشتركوا ..أنا باقترح نعمل المقابلة في قسم البيمر " البديل الشرعي للهوندا":shine[1]:
السلام عليكم,
صحيح أنا ناسي إن هوندا مابتنزيل معرض الفورميلا, بينزيلو معرض
"أوتوماك" بس.
بس إحنا برضو على ميعادنا إن شاء الله يوم الجمعة بس كدة محتاجين نشوف مكان نتقابل فيه ... ممكن عند قاعة bmw لحصولها على أعلى نسبة ترشيح كسيارة ثانية بعد الهوندا.
يا هونداوية إيه رأيكم طالما المقابلة فى المعرض يبقا نخلى المقابلة مفتوحة لكل أعضاء نايل موتورز ؟
لأن أكيد هيكون فيه أعضاء كتير من نايل موتورز فى المعرض يوم الجمعة المذكور ، فخلينا مانقصرش المقابلة على مالكى الهوندا بس
لو موافقين ممكن نطلب من الإدارة نقل الموضوع للعام مع تثبيته ، وطبعاً ماتنسوش تحددوا يوم تانى للهونداوية بس عشان تبقوا براحتكم :)
وآدى اللينك للدعوة على المنتدى العام
http://www.nilemotors.net/Nile/118227-a.html
هههههههه :)
up
up
up
ها يا رجالة الهوندا رايحين إمتى ؟؟
أخر كلام اية يارجالة هنتقابل الجمعة ولا السبت والساعة كام و المكان قاعة البيمر ولا فين بالضبط ؟ أنا مكنتش رايح المعرض بس رايح مخصوص عشان الصحبة الحلوة و أشوفكم برجاء سرعة التأكيد
حصلونا يا عائلة الهوندا ، ماتكسلوش انتو أصحاب الفكرة من الأول ، البيانات فى المشاركة اللى فوق
اية اللي خلي الفكرة تموت !
ماتيجوا الجمعة يوم 19/2 نتقابل في التجمع
تمام كدة 2
ممكن نتقابل في شارع التسعين في التجمع الخامس عند ابو شقرة
إيه يا هونداوية ... فين كلامكم فين ... فين وعودكم فين.
المشكلة الناس نايمين شوية في القسم بقالهم فترة ودخلت قبل المعرض بيوم زى ما أتفقنا ولا حس ولا خبر وناس من برة القسم هيه اللى ردت عليا!! ينفع الكلام ده؟ عموماً مين صاحب الموضوع؟ :049:
أنا سعادتك يا باشا ... بس والله العظيم أنا مليش دعوة باللي حصل و الناس إللي ماجاتش و إللي مبيرودوش ... و معليش يا باشا أنا مش هتكلم إللا في وجود المحامي بتاعي.
و بعدين سعادتك أنا عمال أقولهم لازم نتقابل سعادتك و الكلام ده و شوف كمان سعادتك إللي أنا كاتبه في الموضوع هنا هتلاقي كله مكتوب سعادتك.
هو سعادتك بتسأل عني ليه سعادتك؟
كويس انك أعترفت عشان كان الإنكار مش هيفيدك وطلما طلعت الأخ العزيز أحمد سامى يبقى مش هانوقع عليك جزاءات مشدادة طبعاً زى ما سيادتك عارف ان في أوروبا والدول المتقدمة صاحب الفكرة هو اللى يتبناها ويأخد زمام المبادرة عشان كدة ياباشا ها نكلفك شوية في الموضوع ده في سبيل نجاح المقابلة لو حضرتك معك بعض نمر تليفونات الأعضاء ياريت تكلمهم وتتعرف عليهم على السريع وتبلغهم واللى مش معك نمرته ممكن حضرتك مشكوراً تبعتله رسالة خاصة فيها اللينك بتاع الموضوع ده خصوصاً بعد ما أتنقل عشان يتم التأكيد فيه ونشوف كام واحد هيقدر يحضر المقابلة، ده أحنا ماتقبلناش غير مرة واحد وبالعافية وكنا 5 أو 6 أشخاص فقط وقبلها كان كل مواضيع المقابلات بتفشل لسبب أو لاخر عموماً لو أحتاجت مساعدة في تبليغ الناس أنا معك ان شاء الله، ولو في قسم ثانى حب يشارك معانا المقابلة في نفس اليوم تكون فكرة حلوة وربنا يوفقنا
تمام كدة إن شاء الله يا باشا ... تم إرسال دعاوي لحوالي 18 عضو و يا رب الكل يجي
السلام عليكم,
إ‘ن شاء الله يوم الجمعة في التجمع الخامس شارع التسعين أمام أبو شقرة الساعة 3:00 بعد صلاة الجمعة.
إوعى حد مايجيش ... الدعوة عامة.
لسه محدش اكد يعنى عموماً أنا جاهز ومتابع ان شاء الله
انا جاهز و لازم ننزل الخميس نخطف الاستاذ محمد الشامي و نجيبة
محمد باشا كلنا فاكرينك يا كبير ... أنا باعتلك رسالة على الخاص عندك من إسبوع ... ياريت تشرفنا و تيجي.
والله عايز أتعرف بحضرتك.
إن شاء الله المقابلة يوم الجمعة القادم 19.02.2010 الساعة 3:00 بعد صلاة الجمعة .... المكان التجمع الخامس شارع التسعيني أمام أبو شقرة.
الأعضاء الكرام اللي أكدو حضورهم إن شاء الله:
يا ريت إللي يعرف حد من أعضاء منتدانا الكرام يدعوه (الحاضر يعلم الغايب)
- kalmah
- Sameh
- الصيداح
- ِAboel3oref
- KHALED AYMAN (مش أكيد ... بس يا ريت ينورنا)
- CosmicOne
- Hondawy_2008
- semsem kane
- theking2690 (مش أكيد ... بس ياريت يشرفنا)
- civic2009
- mussolini
- kemo0o
إن شاء الله تكون أسعد مقابلة بوجودكم جميعا.
(أحمد سامي)