اشترى اسبرانزا 113 ولا لاء ارجو المساعدو ضرورى جدااااااااااا

**mohamed_edp** · 11-12-2007 10:49 AM

السلام عليكم و رحمة الله و بركاتة اولا احب احييكم على موقعكم الرائع بجانب كم المعاومات المفيدة والموجودة بة
ثانيا احب اخد رايكم فى امر مهم جدا خاص بى و ارجو من الجميع المساعدة لاننى فعلا محتاااااار جدا و مش قادر اخد القرار ياريت تقدرو تساعدونى . من كام يوم رحت و شفت الاسبرانزا ال 113 ده طبعا بعد الحاح من بعض الاصدقاء حيث اننى كنت من المعارضين للصينى بشكل عام و كانت المفاجاءة حيث اننى كنت مبهور بها من حيث كل شئ وقررت شرائها ولكن بعد الاستشارات والنصائح من اصدقائى وبعض الاراء الموجودة على المنتديات المختلفة حسيت اننى متردد بشده وكان فى ناس بتقول دى صينى هيكون عمرها الافتراضى قليل بجانب انها مش هتوفى باحتياجاتك و انها هتكرر ماساة الشيرى و الجيلى و يا ترى كمان تلات او اربع سنين هيكون لها سوق ولا هكون شربتها واللى كان كان اعذرونى ان كنت طولت عليكم بس بجد انا محتاج منكم رد ضرورى جدااااا

شكرا لكم جميعا و احيكم على هذا المنتدى الاكثر من رائع فعلا

**إسلام شاهين** · 11-12-2007 11:21 AM

من رأي طبعا لأ الحاجة الجديدة اللي محدش يعرف عنها حاجة بلاش تجربها في نفسك لو مش مستعجل استنى لغاية لما تشوفها عاملة إيه مع اللي راكبينها وبعدين تقرر او لو مستعجل يبقى توكل على الله وهات حاجة معروفة ومضمونة ودول كثيرررررررر قوي وأخيرا بلاش صيني عامة ، ومتسألنيش ليه علشان ديه سياسة عليا وممنوع الكلام فيها !!!!!!!!!!!!

**fahd_628** · 11-12-2007 11:38 AM

رأى الشخصى ابعد عن الصينى خاااااااااااااااااااااااا الص و لسة العربية جديدة و متجربتش

**ahmed1981** · 11-12-2007 08:21 PM

لا تنسى صلاة الإستخارة
ولو تقدر تجربها مع أي حد يبقى ممتاز
ولكن لازم تعرف أن كفاءتها مجهولة حتى الآن تماماً

**Ahmed Anwer** · 11-12-2007 08:33 PM

بعد صلاة الإستخارة

احسب المخاطرة ،،

شوف العربية ثمنها كام ،،

و احسب علي أسوأ الظروف لو طلعت مقلب فظيع هتبيعها بكام بعد اد ايه ،،

لو ماركة صيني تانية كنت هاقولك شوف اساسا هتعرف تبيعها و لا لأ

بس مع ابو الفتوح المخاطرة اقل شوية لأنها توكيل مش مغمور يعني علي الأقل هيقف ورا صيانتها و قطع غيارها و يلتزم بضمانهاو مع الإلحاح هتمشي و يبقي ليها سوق و هوا مركز معاها قوي

و شوف الإمكانيات اللي هتديهالك تساوي اكبر المخاطر و لا لأ

لو قبلت المخاطرة استخير و اتكل علي الله

لو ما قبلتهاش ابعد عنها تماما خصوصا إنك ممكن تتلكلها ،، بمعني إنها ممكن تكون معقولة بس انتا عشان اساسا خايف منها ،، تركب سماعات عشان تسمع اي اصوات فيها و لو عجلة نامت تكره العربية كلها

**aboalm** · 11-12-2007 09:30 PM

ليه اسبيرانز بالتحديد ليه مافكرتش فى اى ماركه تانيه؟؟ جاوب على السؤال ده الآول علشان تكون مقتنع لما تأخذ قرارك بالشراء
تانى حاجه ليه اكون حقل تجارب و اخاطر بفلوسى طبعا كلامى ممكن يزعل ناس و يعجب ناس لكن رأيى خطاء و يحتمل الصواب و رأيى غيرى صواب يحتمل الخطاء كما قال الآقدمون و السعيد من وعظ بغيره
اكيد فهمت قصدى من ما حد يزعل منى

**noni67** · 12-12-2007 07:45 AM

اتكل على الله انا مجرب الاسبرنزا عربية زى الفل
صدقنى مش هتندم
ومبروك مقدما

**yasserayad** · 12-12-2007 09:30 PM

المشاركة الأصلية كتبت بواسطة إسلام شاهين

من رأي طبعا لأ الحاجة الجديدة اللي محدش يعرف عنها حاجة بلاش تجربها في نفسك لو مش مستعجل استنى لغاية لما تشوفها عاملة إيه مع اللي راكبينها وبعدين تقرر او لو مستعجل يبقى توكل على الله وهات حاجة معروفة ومضمونة ودول كثيرررررررر قوي وأخيرا بلاش صيني عامة ، ومتسألنيش ليه علشان ديه سياسة عليا وممنوع الكلام فيها !!!!!!!!!!!!

+1000
+1000
+1000

**ecybrarian** · 12-12-2007 10:13 PM

انا لو امكانياتي على قد العربية دي بس كنت لن اتردد واشتريها على الفور..لان المسألة مسألة احتياجات مقابل الامكانيات المتوفرة. لكن لو ها تقدر تجيب أغلى من كده يبقى متفكرش في الصيني..بصراحة يا اخوان السعر ده خرافي في فئته بلا منافس..وبكثير من الاهتمام وفهم العربية ممكن العربية تعيش..من الآخر "حب العربية تحبك" وحافظ عليها تلاقيها حتى ولو صيني..مشكلتي مع باقي العربيات الصيني ان سعرها اغلى مما يجب دفعة فيها..لكن 113 دي سعرها فلة.. بس المهم تحافظ عليها

والله أعلم ومبروك مقدما