اخر الاخبار من على شريط اخبار الجزيرة الرياضية 2
مباراة مصر و نيجيريا & تونس وزامبيا ستذاع على الجزيرة الرياضية 2 المفتوحة
اخر الاخبار من على شريط اخبار الجزيرة الرياضية 2
مباراة مصر و نيجيريا & تونس وزامبيا ستذاع على الجزيرة الرياضية 2 المفتوحة
انا عايز اعرف ايه اللى تم بين انس الفقى و الجزيرة !!
لانى من اول ماتش الاتحاد و النصر و انا جايب الجزيرة و لاقيت مكتوب مصر و نيجيريا هيتذاع على القناة المفتوحة , يا تري قناة الجزيرة خافت من مصر و تونس علشان المقاطعة ولا ايه , اصل تونس قاطعت الجزيرة .
طيب التردد بتاعها كااااااام
شكرا على الخبر ... بس اللي متاكد منه انهم ما عملوش كده حبا فينا بل تفكير يهودي صرف لان اكيد الوصلات و الشيرنج اللي في مصر خربت بيتهم :d فبيجروا ناعم
بالتوفيق لمنتخبنا يا رب
اة فعلا هما كاتبين كدة دلوقتى
خبر جميل جداَ يا باشا شكراَ ليك انا كنت لسة بحضر نفسي و هكلم أصدقائي نتفرج عالماتش في كافيه مع إني راجع مش قادر خالص .. هتفرج في البيت بقي .. شكراَ ليك.
التردد 12284 v
شكرااااااااااا جدا على المعلومة القيمة دي
و على كده لو حبيت اتفرج على النت هلاقى حاجة تذيع المتش ولا ايه؟؟
شكرا بارك الله فيك
الف شكر على الخبر
وشكرا برضه للجزيرة لأنها قبلت ورضخت للجماهير المصرية
وعلى فكرة انا فاتح دلوقتي قناة الجزيرة وبيقولوا انهم وصلوا لأتفاق مع التلفزيون المصري وهيتم عرض كل ماتشات مصر
قررت ادارة شبكة الجزيرة ان تذيع مباراة مصر ونيجيريا مساء الثلاثاء على قناة (الجزيرة الرياضية 2) المفتوحة.جاء ذلك على شريط الاخبار علي قنوات الجزيرة ، والذى اكد ان قرار اذاعة المباراة جاء بعد ان حصلت الجزيرة علي موافقة من الشركة المالكة لحقوق بث مباريات كأس الامم الافريقية.
ويبدأ منتخب الفراعنة حملة الدفاع عن لقبيه في النسختين الأخيرتين بقمة ساخنة أمام نظيره النيجيري مساء الثلاثاء في في الجولة الأولى من منافسات المجموعة الثالثة ضمن النسخة السابعة والعشرين من نهائيات كأس الأمم الأفريقية المقامة حالياً في انجولا وتستمر حتى 31 يناير.
بعد موافقة الشركة والاتحاد الافريقى
على النايل سات تردد 12284 عمودى
مصر -نيجيريا
تونس - زامبيا
شكرا
و هقوم اشوفه
للاسف
1 - 0 لصالح نيجيريا فى الدقيقة 12
و فرصتين ضايعين لمصر .. زيزو و هاني سعيد .. الماتش مفتوح و حلو و شكل هيبقي فيه أجوال كتير و لسة هنتعادل يا رجالة.
الاول . ربنا يستر
التعادل الحمد لله
الماتش حلو جداَ يا جماعة و اللعب مفتوح هنا و هنا !
جول متعب حلو أوي و الله قناص .. و زيزو بيحاول و مش هيهمد إلا اما يجيب جول .. و بتوع نيجيريا بيعملوا سبرينتات مدافعينا مش بيشفوهم أصلاَ ! الماتش لسة فيه كتير!
فعلا الماتش ممتع جدا
الحضري يعلن عن نفسه كالعادة .. و ينتهي الشوط الأول بإنقاذه للموقف
وبدأ الشوط التاني ....
يا الله يا رجاله مصر متفرحوش فينا الأعادي
فينك يا تريكة .. مكنش حد بيقوله انا أهوه .. كان بيشوف اللعيبة كلها واقفة فين و يوصلها بالمقاس ولا الجي بي إس
الحمد لله التانى جه
جوووووووووووووووووووووووو وون
ههههههههه علي فكرة أحمد حسن جاب نفس الجون ده في بوركينافاسو 98!
عاش أحمد حسن .. عااااااااااااااش
تغيير حسام غالي بالمحمدي .. غير لعيب جامد بطئ بلعيب ملوش فيها سريع شوية
تغيير موفق لظروف الماتش في رأيي .
أحمد حسن جامد إزاي كدة الماتش ده .. بينية سحرية لمتعب حطته في إنفراد كامل و الدفاع كله في ضهره بس ضاع في السما .. معلش
شوية فرص بتضيع ...!!!!
الحارس النيجيري صد كورة مستحيلة من فاول لعبه زيدان بإتقان شديد!!
يا جماعة إحنا مقطعين نيجيريا في الشوط التاني
أحمد حسن و زيدان متألقين بشدة
الانفراد اللى ضاع من متعب ده ، مستحيل يضيع :(
جدو نزل بدل حسني .. الواد ده جامد جداَ و حسني مش في مستواه ..
يا جدعاااااان إزاي زيدان جامد كدة!!!!!
ميكيل خرج و المرحوم كانو نزل .. تغيير في صالحنا جداَ
خرج زيدان و نزل محمد عبد الشافي ... لا تعليق.
جوووووووووووووووووووووووو ووووووووووووووووووول
الله اكبر جوووووووووووووووووووووووو ووووووووووووون
جدو يا جدو يا أحلى جدوووووووووووووووووووو
يا جدعان انا مش قلتلكوا جدو ده جامد جداَ !!!
باي باي نيجيريا !!!
لو حد شاف نيجيريا في الشوط التاني يقولي !!