فيديو جاااااااااااااااااامد
للبي ام 760 vs مرسيدس S63
من توب جير
[youtube]http://www.youtube.com/watch?v=ZeZOed31owc[/youtube]
عرض للطباعة
فيديو جاااااااااااااااااامد
للبي ام 760 vs مرسيدس S63
من توب جير
[youtube]http://www.youtube.com/watch?v=ZeZOed31owc[/youtube]
شكراً على الفيديو الجامد
بس مش المفروض 760 يجيبو معاها s65 لان الـ760 v12 !!؟؟
طالما جابو v8 مع v12 يبقى توب جير بدأ يخرف !!
الاثنين رائعين
8 سلندر n/a مع 12 سلندر twinturbo
بصراحة حلو اوووييي من المرسيدس انها تعمل كدة وبعدين المقارنة دي مش مطلوب منها يجيبوا مين الاسرع في الحلبة خليهم يجيبوا ال s600 2010 ساعتها المقارنة تبقي عادلة وشوف المرسيدس هتعمل ايه في البي ام وشكرا يا باشا علي الموضوع
فيديو رائع
انا مرضاش يتقال على توب جير انه بيخرف
لو جابوا s65 amg ساعتها ال 760 هتتظلم المفروض يجيبولها ال alpina b7 وبرضه المرسيدس هتقطعها وبالنسبة لموضوع السعر عندك ال nissan gtr ارخص واقوي عربية في فءتها فمش دايما السعر هو اساس المقارنة يعني مثلا ال bmw m3 بسعر ال nissan gtr قارنهم ببعض وشوف النتيجة
شكرا على الإبهار
مش عاديه ازاي يعني؟؟ ما هي v8 natural aspiration طبيعي جداً انها اضعف من v12 biturbo
لو كانو جابو 600 وكانت هتاكل البيمر ولو عايزين حاجه مكافئه في المتور والتربو كانو جابو s65 وكانت هتعلمها الادب
وأداء المرسيديس كان عالي جداً بالنسبه للفرق في المواتير
وعلى فكره هوا قال ان المرسيديس مفيهاش شاشات خلفيه بس هي موجوده بتطلبها في الباكدج لو عايزها وطبعاً هو قال مفيش وده يبين عدم الحياديه
زي برنامج شفته بيقارن بين نفس العربيتين والراجل فضل راكب البيمر نص ساعه وعمال يجرب في الرادار اللي بيخلي العربيه تفرمل وتمشي لوحدها ،ومجابش سيرته في المرسيديس !! مع انه نزل في الـs الاول
حال معظم برامج السيارات انها بتقبض عشان تعمل اعلانات واللي خلى توب جير يبقى اشهر واحسن برنامج انه بيتكلم بحياديهاقتباس:
انا مرضاش يتقال على توب جير انه بيخرف
بس اوقات بحس انهم بيهرجو واوقات بينحازو :ma:
الالبينا الجديدة ملهاش اي لازمة و لا اي امل في منافسة المرسيدس
دي اضعف من ال 760 اساسا لانها V8 Biturbo مش V12 اصلا و قوتها 507 حصان بس
و ادي مواصفتها
Alpina BMW B7 Bi-Turbo (2010) with pictures and wallpapers
ال S65 ملهاش منافس اي حتي هذة اللحظه
فعلا الالماني الماني ولو بعد 2000 سنة
المرسيدس والبي ام والاودي من احسن العربيات واكترها احتراما وفخامة في العالم
مقارنة حلوة ولذيذة
البينا طول عمرهم بيهتمو بالثبات مش بالموتور ودايماً بيصغرو الموتور زي ما عملو في الفاشله z8 alpina اللي جابوها في توب جير وجيرمي شتم فيها كانت v12 خلوها v8 كان فتيس 6نقلات خلوهم 5 وكان اول مييجي يعمل دريفت العربيه بتلف حوالين نفسها!!
وبعدين لو على 600 فهي تقوم بالواجب مع ال760 والرفاهيه فيها اعلى بكتير كمان :36_6_3[1]:
وعامة فئة العربيات الغاليه دي بتشتريها بقلبك مش بعقلك لانها كلها جامده بس بتدفع فلوس في الحاجه اللي بتحبها :36_3_18[1]:
على فكرة ياجماعة توضيح بس
الs600 ماتور 12 سلندر بيخرج 510 حصان
ال760 li 12 سلندر بيخرج 555 كدة المقارنة عادلة جدا والبى ام تفوقت بجدارة عليها
طبعا هاتقولوا كدة فية فرق فى المواتير
هاقول طيب مالبى ام الفئة السابعة الشكل اللى قبل دة فضل ماشى خمس سنين بماتور 6000 سى سى 12 سلندر بيخرج 444 حصان مقابل 500 حصان للمرسيدس وبردة كانت بتتقارن بيها اشمعنا هنا بقى لما البى ام عملت تعديلات جامدة جدا للماتور وخليتها 555
مشكلة المرسيدس ان فرعها amg بتعتمد علية اعتماد كلى فى تقوية محركاتها لكن كسيارات استوك البى ام بتتفوق بجدارة
وبردة فية شركات خاصة بتعديلات البى ام بس ممكن تبهدل اى شركة تانية
وكمان ماينفعش نقارن النسيان gtr بالm3 لان النيسان بتخرج 487 حصان والبى ان بتخرج 414 حصان يبقى فية فرق شاسع بالنسبة لسيارة خفيفة جدا زى النيسان ودة الحال مع كل الشركات مش الى ام بس النيسان سبقت اكثر السيارات سرعة زى الفيرارى والبورش
وبعدين 760 li 2010 جامدة جدا جدا وبجدارة تفوقت على المرسيدس وكل المواقع بتقول دة
تصحيحا للمعلومات
ال s600 طلعت v12 بيتيربو هي كمان و قوتها 510 في مقابل 544 للبي ام 760 (مش 555) و ده فعلا بيميل الكفة لصالح البي ام لكن الفكرة ان ال s600 بتركز بشكل اساسي علي الفخامة و الراحة و ملهاش اي توجة رياضي عكس البي ام و ده سبب مقارتنها بال s63 اللي بتتمتع بنفس رياضي زي البي ام لكن برضة زي ما الفيديو بين البي ام رياضية اكتر بينما المرسيدس اريح و افخم و زي ما انت شفتم البي ام كان ظهرها بيلعب في الملفات عكس المرسيدس
اعتقد هو ظهر السيارة مش بيلعب ولا حاجة بس هما وقفوا عمل نظام التحكم فى الثبات عشان النظام الرياضى والا لو زى ماحضرتك بتقول كانت البى ام ماعرفتش تعدى المرسيدس فى الملفات لكن اللى حصل العكس وعلى فكرة البى ام دبليو الفخاة بتاعتها اكتر من المرسيدس او هنقول زيها عشان محدش يزعل وفيها كمية اوبشن بجد تخليها اقوى سيارة فى العالم من حيث درجة الامان او ادوات الترفية اللى فيها
وانا بنفسى ركبت الفئة السابعة بس موديل 2007 وركبت مرسيدس s class2008 وكانوا فعلا الاتنين قمة فى المتعة بس حسيت ان البى ام افخم وكمان عزلها احسن وغير كدة اقوى فى السحب
وياريت بردة تشوف الفيديو مرة تانية هتلاقى ان البى تفوقت فى كل حاجة
انا هرد علي حضرتك جزء جزء
اول جزء هو مش فاهم حضرتك قصدك ايه ب كسيارات استوك البى ام بتتفوق بجدارة
امال اللي في الكليب دول ايه دول مجرد الفرع الرياضي بالنسبة للشركتين وعامة مواتير ال amg معروفة ان هي اقوي واكثر عملانية من ال m power
تاني جزء هو ان حضرتك بتقول ماينفعش نقارن النسيان gtr بالm3 انا مقولتش ان ال m3 بتتقارن بال gtr انا كنت برد علي صاحب الموضوع لما قال انهم بيقارنوا ال s63 بال 760
عشانهم بنفس السعر فكان ردي عليه ان مش معني ان عربيتين سعرهم زي بعض يبقي بيتقارنوا ببعض فعشان كده جبتله مثال ال m3 وال gtr
تالت جزء مين اللي قالك ان ال nissan gtr خفيفة مش معني ان هي ياباني يبقي خفيفة
ده وزنها 1740 kg يعني في وزن عربية عاءلية وعلي فكرة اتتتتتتتخخخخخخنننننن عربية في بي ام متعرفش تعمل حاجة مع nissan gtr
رابع واخر جزء لما حضرتك قلت فية شركات خاصة بتعديلات البى ام بس ممكن تبهدل اى شركة تاني
الظاهر حضرتك مسمعتش عن brabus ...
انت كده بتاكد اللي انا قلته
البي ام رياضية اكتر و عشان كده تفوقت علي المرسيدس في السباق
و هما في الفيديو معلقوش علي موضوع الفخامة و الراحة ده كتير لان ده مش هدفهم من المقارنه
و اصلا هما رايهم ان العربيتين ملهومش لازمة و مش فاهمين القصد منهم
و اسمحلي اختلف معاك
انا والدي كان معاه ال 7 و غيرها لل s و ركبت ال 7 الجديدة برضة
من حيث الراحة و الفخامة الs لا يعلى عليها و واحد صاحبي حتي مسميها بساط الريح
و العزل بتاعها يفوق البي ام ده حتي و انت حارق لا تسمع للمتور حس و انت جوة
لكن في نفس الوقت البي ام جامدة برضة و زي ما قلت دايما بتديك الاحساس انها عربية رياضية و هي كذلك بالفعل و متفق معاك ان سحبها افضل طبعا و البي ام عموما احسن سحب.
الخلاصة البي ام دايما هتروق للشباب اكتر بحكم انها بتوفر اداء و متعة اكبر في السواقة لكن المرسيدس من الاخر عربية بشوات و انت راكبها بتحس ان عندك 50 سنة و بتلاقي نفسك بقيت وقور و حتي لما تسخن و تشد تلاقي نفسك هديت بسرعة و بتقول ايه الهبل اللي انا بعمله ده
ححررااااااام عليك بي ام ايه اللي احسن في السحب من المرسيدس وحتي لو انا شاب حختار المرسيدس المشكله ان الناس فاكرة ان المرسيدس مش شبابي اخر فكره وصلتلهم عن المرسيدس في السبور هي ال c280 :E_braces[1]: وبعدين بالنسبة للسحب راحوا فين ال slr وال slr722 وال sls وال clk63 amg black series و.......etc ده كفاية ال 1000 تورك بتوع ال amg وكمان محددين يعني الموتور ممكن يجيب اكتر من كده
وريني فين المبالغة
YouTube - GTR-35 Vs Modded M6
أنا عارف الموضوع كدة خرج عن سياقه بس معرفش عربية اقوى من الـ gt-r حالياً غير الكورفيت zr1 وفرق السعر بينهم مش قليل الكورفيت تزيد في حدود 45 الف دولار وفي المقابل النيسان يركب فيها 4 والكورفيت مقعدين فقط
لو اصدق علي نوردبرج
فاعتقد ان بورش كشفت ان السيارة اللي اسنخدمتها نيسان كانت معدلة
مش فاكر كنت قريت الخبر ده فين و حتي متبعتش وصولوا لايه
و عموما اكيد علي الحلبات التفوق هيكون لل gtr عشان الدفع الرباعي هيديها تفوق في المنحنيات
لكن لو دراج ريس فكالعادة مع الالماني النيسان هتطلع الاول و بعدين ال 6 هتحصلها و تعديها
يا باشا البورش كدبتها عشان رقم ال gtr كان صعب اي حد يصدقه ودور علي الموضوع ده كويس وهتشوف ان نيسان احرجت بورش وبعدين حضرتك قولت ان انا ببالغ في موضوع ان ال gtr تتفوق علي اي بي ام ولما جبت لحضرتك كليبات تثبت عكس ده قلتلي ال gtr رباعي والكلام ده معني كده ان انا مبالغتش في موضوع الgtr ان هي تعلم علي اتخن بي ام وبالنسبة لموضوع ان ال m6 تعدي ال gtr بعد 1/4 mile يا ريت تجيبلي اثبات عن الكلام ده وبعدين ايه رايك في الكليب ده والبي ام معدلة كمان مشوفنهاش ليه بتجيب ال gtr ومدام حضرتك ذكرت الايجابيات في الgtr طيب ما الm6 510 حصان و10 سلندر و ......etc
انا شفت الكليب بس هو مش مقياس. اليوتيوب معليهوش كليبات كتير و النتائج مختلفة و مفيش فيديوهات لستوك عشان نعرف الفرق بالظبط.
بس انا لما قلت دراج مكانش قصدي 1/4 ميل لانه مش كفاية عشان البي ام تعوض فرق الطلعة بتاعت ال GTR. و انا مش مختلف معاك ان ال GTR هتتفوق علي ال6 في بس مش لدرجة انها تعلم عليها. النيسان من 0-100 في 3.2 و البي ام في 4.5 فانا متاكد ان في فرق بس بعد 100 هيتضائل الفرق ده. انا مذكرتش مميزات ال GTR ولا حاجة انا بس وضحت سر تفوقها علي البي ام.
شوف الكليب ده كده البي ام معدلة برضة
YouTube - BMW M6 VS Nissan GTR 800m. BMW WIN