المشاركة الأصلية كتبت بواسطة hamadamdph
ايه حكاية صوت الموتور العالي ده
الناس محسساني اني سايق نص نقل !!!
بص حضرتك
قبل ما استلم اللوجان وصلت اني كنت ماشي ورا لوجان وقعدت ابص عليها
اول ما ركنت رحت راكن جنبها ونزلت اجري على الست اللي سايقاها عشان اقولها : ايه راي حضرتك في اللوجان؟؟؟, طبعا الست اتخضت وافتكرتني حقول لها جنيه عشان اروح بيه ولا حاجه
المهم بعد ما شربت الخضة ضحكت وقالت لي عربية كويسة وحلوة
سالتها على الموتور والتكييف قالت لي رد واحد:
صوت الموتور اعلى سنة من العربيات الياباني
التكييف في نفس قوة العربيات الياباني خلصت
لدرجة انها دخلت العربية ثاني ودورتها عادي يعني
صوت عربية دايرة !!!!!!!!
مش معقولة واحده سايقة عرفت توصف اللوجان في كلمة واحدة واحنا عمالين نلف وندور حوالين بعضينا
(ايوه انا حعترف واقر واقول اللي في قلبي: مش بثق في سواقة الستات لو حتى اموت قتيل او اخش المعتقل )
اللي انا عايز اقوله لحضرتك ان متحطش صوت الموتور ده في دماغك لانه مش موجود
والله ساعات وانا في اشارات مببقاش عارف العربية دايرة ولا لأ
لان الصوت بتاع الموتور مش ملحوظ الا في اول 5 دقايق مشي بالعربية
(لاحظ اصلا انك مش بتدورها عشان الكتالوج قال ملوش لازمة)
فبالتالي حقها العربية تكون صوتها عالي
النهارده كنت في مشاوير بين اتحاد الاطباء العرب والنقابة وميدان الدقي
مشيت 40 كيلو في 6 ساعات وانا اللي واخد على الطرق السريعة
جالي سبعميت مكالمة وانا سايق
صدقني
كنت وانا فاتح الشباك مش عارف اتكلم عشان صوت العربيات رغم ان مفيش حد بيدي كلاكسات لان الاشارات واقفة اصلا
اول ما كان بيجيلي مكالمة: اقفل الشباك : بنعزل عن العالم الخارجي
وقسما بالله العظيم كذا مرة لما برد وانا سايق :
اللي بيتكلم بيقول أنا آسف يا دكتور اني صحيتك من النوم !!!!
اصلي برد بحنيه شوية
وانت ماشي في الصحروي برد على التليفون عادي وانا فاتح الشباك
يعني صوت الموتور أصلا اوطى من صوت الدوشة اللي حتسمعها وانت سايق في المدينة
ومش حتسمعه اصلا على الطرق السريعة
انسى حكاية صوت الموتور دي
المفضلات