ياريت كلنا ناخد موقف ايجابي مع سايس الشارع
السلام عليكم جميعا اخواني
الصراحة الموضوع دة زاد عن الحد واخد شكل من اشكال لوي الدراع والبلطجة واصبح السكوت علية شيء يحرق الدم كان زمان تلاقي منادي واقف ادام الاندية والجراجات والاماكن العامة ويمسحلك العربية ويعد يتمحك ويقول شوية كلام علشان ياخد نص جنية ويبقي مبسوط ومزقطط دلوقتي في اي شارع وساعات حارة ومش شرط عمومي ممكن كمان جانبي واحد واقف وكان الشارع بتاعة وميعملش اي حاجة وتيجي تمشي تلاقية جاي طاير عليك ويقعد يقولك تعالا سنة يمين وشوية قدام وطبعا اي خدمة يا بية ولو مخدش علي الاقل 2 جنية تلاقية بيبرطم ومش عاجبة وكان الشارع ملكو ومبيعملش اي حاجة مجرد قاعد يشرب شاي فلازم نشوف حلا لاننا كدا بنساعدهم علي بلطجتهم بسلبيتنا كنت راكن في وسط البلد عند اخر ساعة الي جمب طلعت حرب وجيت ماشي لاقيت السكيورتي بتاع اخر ساعة جاي يقولي شوية شمال ايوة كدا تمام واي خدمة والكلام دة استغربت واديتو جنية بصلي بصة عجيبة وقالي اي دة انا عايز 3 جنية التلو لية حضرتك قالي كنت واخد بالي من العربية وكل العربيات الي جمبها الصراحة التلو لية كنت واخدها علي حجرك وبتلاعبها يعني وكان هاين عليا انزل احط راسة تحت العربية بس مسكت نفسي بالعافية فياريت كلنا ناخد موقف ايجابي ونطنش العوطلية دول ومحدش يعبرهم علشان الموضوع ميبوخش عن كدا ويختشو علي دمهم ويشوفلهم شغلانة تحسن من رمي الجتت دة
القضاء على حاجة اسمها سايس
ممكن تقدر انهاء حاجة اسمها سايس انا عن نفسى لو حد منهم اتطنط قدامى ولا باعطى لة ولا مليم لان دى شحاتة مقنعة والناس هى السبب هى التى تركت ناس من هولاء يتحكموا فى الشوارع على مزاجهم والادهى من كدا تلقى العسكرى وقف خدمة على بنك وشغال كانة سايس وان شاء اصور لكم العساكر وهم بياخدوا فلوس من الناس وهم بيركنوا لابد الكل لايعطى لاى سايس ولا مليم