دهانات السيارات

**amgadfigo** · 12-02-2010 02:21 AM

ودى مصنعيه فرن ولا معجون ولا رش ولا ايه ياريت خطوات العمل بلخامات للافاده بطريقه ابسط

**amgadfigo** · 21-02-2010 12:04 AM

خلاص كده محدش عاوز يفدنا !!!

**M.Zaher** · 02-03-2010 06:54 PM

المشاركة الأصلية كتبت بواسطة baaaeldinn

موضوع دهان الفيبر
الصنايعية في مصر بتفتكس
معجون حديد و فيلر و معجون فيبر بولي إستر و كل ده علشان الفلوس
لو الفيبر بتاعك في خدوش بسيطة في دهان بيتدهن الأول إسمه بلاستو بريمر بيترش علشان البويه تمسك علي الفيبر

يعني الراجل يرش البلاستو بريمير ده ومايحطش فلر ولا معجون فيبر وبعدين يرش اللون عادي ولا لازم يحط المعجون و الفلر؟؟
ارجوك ترد عليا بسرعه عشان انا هاروح ارش الاكصدام الاسبوع اللى جاي ان شاء الله

**shankosi** · 02-03-2010 11:03 PM

المشاركة الأصلية كتبت بواسطة moh_zaher

يعني الراجل يرش البلاستو بريمير ده ومايحطش فلر ولا معجون فيبر وبعدين يرش اللون عادي ولا لازم يحط المعجون و الفلر؟؟
ارجوك ترد عليا بسرعه عشان انا هاروح ارش الاكصدام الاسبوع اللى جاي ان شاء الله

البلستو برايمر بيترش على الفايبر الجديد فقط ثم يرش عليه اللون مباشرة، يعني لو جايب أكصدام جديد مثلاً
لكن الفايبر اللي فيه تصليح قصة تانية وانا مش عارفها لأني كل ما يتخبط الفايبر اسيبه على حاله

**baaaeldinn** · 03-03-2010 04:41 PM

بص يا باشا في معجون مخصوص للفيبر لو عرفت تشتريه يبقي زي الفل و انت كده حافظت علي الاكصدام و لو مفيش يبقي قليل من معجون الحديد اقل كمية علشان مايفرقعش من علي الاكصدام و ممكن يخلطه بشوية بوية فرن علشان يعطيله شوية مرونة و شكرا

**M.Zaher** · 03-03-2010 05:39 PM

المشاركة الأصلية كتبت بواسطة baaaeldinn

بص يا باشا في معجون مخصوص للفيبر لو عرفت تشتريه يبقي زي الفل و انت كده حافظت علي الاكصدام و لو مفيش يبقي قليل من معجون الحديد اقل كمية علشان مايفرقعش من علي الاكصدام و ممكن يخلطه بشوية بوية فرن علشان يعطيله شوية مرونة و شكرا

جزاكم الله خيرا على ردك

**eslamrace** · 03-03-2010 06:06 PM

اولا شكرا ليك على موضوعك كان ليا استفسار ايه هى البويه الماجيك واسعارها وايه البدائل ليها

**baaaeldinn** · 03-03-2010 08:11 PM

البويه الماجيك دي بويه بتدي كذا لون حسب زاوية الإضاءة يعني مثلا ممكن تشوفها أسود و كحلي وبني و موكا و نبيتي و نيلي
و علي حد علمي إنها ممنوعة في المرور و هي غالية جدا جدا جدا جدا جدا جدا جدا جدا جدا جد اجد ا ممكن سعر الكيلو منها يوصل من 800 جنيه إذا ماكنش أكتر أنها شوفتها في سوريا بويه ماركة ppg كان الكيلو بـــــ 800 دولار بس بويه بتدي 11 لون

**sherifbakr** · 13-03-2010 11:29 AM

ممكن حضرتك تضع رقم الموبايل الخاص بك.
انا عندي مشكلة في العربية والمشكلة دي عبارة عن خدوش في الصاج والاكصدام وجربت كذا حاجة وبرضة مفيش اي نتيجة و الحاجات اللي انا جربتها هي : كمبوند - بولش وزي ماقلت لحضرتك مفيش اي نتيجة تذكر. انا عربيتي لونها اسود ميتاليك. وياريت متنساش رقم الموبايل
الف الف شكر

**A7MED_PHARMA** · 14-03-2010 09:36 PM

طيب بالله عليكم عاوز رد سريع على كام سؤال علشان العربية داخلة تتشد بعد يومين بالكتير

1.لو فكرت أجيب سكينز ألماني ..تكلفني كام علشان أرش عربيتي الانسر الي في التوقيع
2.أنا هركب إكصدام أمامي تايواني إسود ..ده لازم يتعمل له حاجة قبل الرش علشان يتظبط والبوهية ماتقشرش من عليه.
3.أنا هرش الفيبر بتاع الابواب والقوايم وجزء من التابلوه أبيض ..يترش عادي
ولا لازم يتسنفر الأول ..ولا لازم يترش بحاجة قبل مايترش..مع العلم إنا عاوز اللون الأبيض يكون لامع مش مطفي.

وياريت الإفادة يارجالة بسرعة

وشكرا مقدما