انا اسمي بهاء الدين بشتغل كيميائي بحوث و مسئول عن منتجات هامة جدا في شركة دهانات كبري في مصر و كنت عايز أساعد الأخوة الأعضاء لو في أي استفسار تحت امركم
عرض للطباعة
انا اسمي بهاء الدين بشتغل كيميائي بحوث و مسئول عن منتجات هامة جدا في شركة دهانات كبري في مصر و كنت عايز أساعد الأخوة الأعضاء لو في أي استفسار تحت امركم
ازاى الواحد يقدر يقدر الدهان المطلوب
يعرف الخامة الكويسة من السيئة
يعرف ان اللون مظبوط زى لون العربية ولا لا
مش بالنظر
لا قصدى وهوة بيتجهز على الكمبيوتر
ومرحبا بيك فى المنتدى
اهلا بيك الاستاذ/ بهاء
ونحن متابعين مع حضرتك
السلام عليكم ورحمته الله وبركاتة
كنت عايز أعرف هي الأجزاء الفيبر زي الإكصدامات والمرايات وكدة بتترش بفيلر بردة قبل الدوكو ولا لأ
وهل ليها طريقة مختلفة عن دهان الصاج سواء في التجهيز للدهان أو أثناء عملية الدهان؟
بالنسبة للأستاذ أحمد سعد كمية الدهان المطلوبة للعربية
1- لو العربية حاترش في الكامل بعد التجديد (يعني واخده معجون و فيلر ) بيكون حوالي من 1.5 كجم الي 2 كجم حسب حجم العربية
- بالنسبة لموضوع الخامة الكويسة من السيئة فده عايز تدريب الأول و شوية دراسة في البويات و خبرة مش زي الصنايعية بتعمل
- موضوع ظبط اللون علي الكومبيوتر ----- الكومبيوتر ده آله تقوله يمين يمشي يمين و لو قولت شمال يمشي شمال مش بيفكر - الكميات و الملونات اللي بتديهاله بيحطها بس مالوش دعوه وفي في مصر شركات بويات عندها ألوان نازله علي الكومبيوتر غلط و الصنايعي هو اللي بيظبط اللون علشان كده لما تعمل لون لازم أولا يكون بالنهار مش بالليل ثانيا الصنايعي لازم يشوف العربية لو انت حتدهن لوحة واحده بس علشان يظبط فرق اللون مع اللون القديم
بص يا باشا الدهانات المصرية حاليا قريبة من بعض مفيش فرق كبير و تقريب ا السوق المصري مفيش فيه غير نوع واحد معلن ( كابسي او اوميجا) حوالي 85% من سوق البويات بس لازم تروح لتاجر كويس و ثقة علشان مايضربلكش الدهان بنوع تاني علشان شركة ميدو عامله بنسبة 100% و أرخص بكتير والتجار بتحطه في جوالين كابسي و تاخد الفرق
لو أنت معاك فلوس خش علي الالماني و أنسي
موضوع الفيبر له دهان مخصوص بيتدهن الأول علشان أي بويه تتدهن عليه بعد كده تمسك فيه
موضوع دهان الفيبر
الصنايعية في مصر بتفتكس
معجون حديد و فيلر و معجون فيبر بولي إستر و كل ده علشان الفلوس
لو الفيبر بتاعك في خدوش بسيطة في دهان بيتدهن الأول إسمه بلاستو بريمر بيترش علشان البويه تمسك علي الفيبر
انا رشيت الاكصدام من حوالي شهر و دلوقتي لقيت فيه تشققات مش عارف دي بقى جت ازاي
ألف شكر ليك يا باشا
إنشاء الله المرة اللي جايه أبقى أجيبه علشان اان رحت لبتاع البويات وقلتله عايز أرش الإكصدام فا دربلي اللون وإداني الثنر والورنيش والمثبت سألته هو المفروض الإكصدام بردة يترش فيلر؟
قالي اه قولتله طب إديني فلر كمان:unhappy:
وانا رشيته بنفسي :):M_yes[1]:
طبعا بوظت الدنيا بس الواحد بيتعلم بردة :vctry:
الإكصدام كان إتكسر ولحمتة بفيبرجلاس وبولي إيستر قمت رشيت الفيلر ومفيش 10دقائق ورشيت البوية وراه علطوول علشان الراجل قالي ده فيلر سريع
لقيتلك البوية بتتكرمش زي ماتكون عجزت :POINTI~2[2]:
فافهمت إن كان المفروض أستنى لما الفيلر ينشف ويشد شوية
قمت جايب قطر ومشيت على الأجزاء المكرمشة بيه وشلتها والمحد لله كان فاضل شوية بويه في قعر العلبة قمت ملغوص بيها الحتت اللي قشرتها وبعدي رشيت الورنيش بالمصلب والحمد لله
طبعا الإكصدام شكلة مش ولابد لكن على الأقل لون العربية بس طبعا علشان متصنفرش وكدة عامل زي مايكون محبب :shyy: بس الوحد بردة بيكون مبسوط بالحاجة اللي عملها بإيده
الله ينور عليك يا باشا و الله انت 100 100 بكره تتعلم وتبقي تمام بص أول فاعده تتعلمها في البويات وهي
1-دهان قوي علي دهان قوي تمام
2- دهان ضعيف علي دهان قوي تمام
3- دهان ضعيف علي دهان ضعيف تمام
الخطأ الشائع بقي
4- دهان قوي علي دهان ضعيف وهي دي الكارثة سبب كل المشاكل تقريبا
فيلر سريع (ضعيف) + بويه اكريلك فرن ( قوي) = باطل
المفروض كنت تاخد فيلر بطيء بالمصلب و تستني لما ينشف و بعدين تدهن البويه
أنا عندى خرابيش كتير جدا فى العربية شالت الدهان ووصلت لطبقة المعجون البيضاء
و فى أجزاء تانية متشال منها الدهان خالص مع طبقة المعجون بعد حادثة و سمكرة على البارد
الحل الأمثل اية ؟ واحد صنايعى يعملها بقلم بوية ؟ فى أى نصايح علشان اللون و اللمعة يبقى مظبوط ؟
لو سمحت كنت عاوز اسال حضرتك على البويا المط والبرن بالنسبة للتكلفة لكل منهم؟
وبالنسبة لى انا شغال محاسب فى شركة نقل وبنصدر بضاعة لشركة ميدوا فانا على علاقة قوية بمديرين الركة وكل اللى شغاليين هناك هل دول ممكن اطلب منهم حاجة معينة حضرتك تقولهالى ؟؟؟ وشكرا لحضرتك
كنت عايز اسأل حضرتك
عندي الاكصدامات سوده جربانه فيها ابيض كده
عايز ارجع اللون اسود زي بتاع الفبريقة اعمل ايه
اهلا بيك الاستاذ/ بهاء
ونحن متابعين مع حضرتك
ربنا يكرمك ياباشا أهو أدينا بنتعلم بس انا كنت فاكر إن الفلر السريع ده أحسن من البطيئ بس تمام اهي معلومة جديدة دخلت الحصالة :verygood:
إنشاء الله المرة اللي جاية نعمل بالنصايح دي (ربنا مايجيب مرة جاية :shine[1]:)
والف شكر على المعلومات الغالية ربنا يجعلها في ميزان حسناتك
استاذ بهاء الدين مكنت طالب منك خدمة صغيرة كمان انا من الاسكندرية زيك وممكن تفيدنى فى استفسار.
دلوقتى انا مدخل العربية سمكرة ورش وقربت استلم العربية من السمكرى وبكرة ان شاء الله هعدى علية اشوفة وصل لأاية.
المهم انا عشان متعملتش فى سمكرة ورش قبل كدة معرفش لا بوهيجى ولا فرن نظيف فى الاسكندرية وخايف السمكرى اسئلة يبعتنى لحد ويطلع سكة. فالو حضرتك تعرف صنايعى كويس وابن حلال ياريت تدلنى عالية.
اخر طلب من حضرتك اية انظف انواع واسعارالدوكو او حاجة كويسة اسمع ان الالمانى هو التوب فى الميتاليك .
والف شكر لحضرتك
لو سمحت ان شاريه لادامن اسبوعين و فيها خرابيش كتير و عايزة ارشها و يتعملها سمكرة هو الرش يتكلف كام عشان الراجدل ميضحكش علية و هو انا بجيب البوية ولا هو و يكون نوعها يه؟:rfds:
ممكن رقم تليفونك لو ممكن
هو الراجل الصنايعي اللي حايشتري كل حاجة انتي مالكيش دعوة
التكلفة بتكون حسب حالة العربية والشغل اللي فيها
السلام عليكم
دى اول مشاركه ليا فى المنتدى وكنت عاوز استفسر عن تكلفه الدكو والرش لعربيه 128 لسه طالعه من سمكره انا عارف انها بتفرق فى نوع الدهان يا ريت حد يفدنى ما التكلفه تقريبا ان كانت 1- دهان عادى او ميتالك وايه الاحسن يارت السعر ؟؟؟:Zb_sor1[1]: وايه هى الخطوات التى يبدا بها الصنايعى (فيلر-دوكودهان) للعلم بلشىء:,:
محدش عاوز يفدنى فى الموضوع ده ولا ايه
نورت المنتدي ياباشا
عندك اختيارين يا اما اكريلك (سادة ) او ميتاليك ودة يبقي داخل فيها
الالوان الفضي ودي موجدة تقريبا في العربيات الحديثة وهي شيك
بالصراحة ولو هترش سادة يبقي مش محتاج ورنيش ترشة بعد اللون
وبالنسبة لعربية في حجم عربية حضرتك ممكن يكون 2 كيلو
(سعر الكيلو من 70 ج للكيلو وانت طالع دة بتاع كابسي حسب
اللون بتاع العربية ) يرشولك العربية بالكامل اما لو هترش ميتاليك
يبقي لازم ترش ورنيش زجاجي وهتاخد برضة 2 كيلو تقريبا 120
جنبة بتاع كابسي وانا رايي الشخصي انك لو هترش العربية بالكامل
رش سادة لانة اقوي من حيث المقاومة للاحتكاك وانك تجيب اللون
والورنيش وبعد كدة تحاسب الصنايعي علي ايدة بس (بالنسب لاجرة
الصنايعي ممكن ياخد منك من 1300 الي 1800 حسب ماهتتفق معاة لان الفلرات هواللي بيجيبها )
انا رايي انك تجيبي البوية كلها وتحاسبية فقط علي المصنعية لان فية كابسي وفية ناشيونال وفية sickens ودة سعر ودة سعر تاني ومش هتعرفي تفرقي ما بينهم ونفس الحال بالنسبة للورنيش فية كابسي الكيلو 60 جنية تقرببا بالنسبة للمصنعية من 1000 الي 1500 حسب الاتفاق اذا كان هيجيب الفلرات من عندة ولا انتي اللي هتجيبيها بالنسبة للبوية انا شايف ان كابسي من افضل شركات البوية في السوق اما لو الميزانية بتاعتك عالية استخدمي sickens
مش أي حد ينفع يروح يشتري الخامات اللازمة لدهان السيارة لأنه لو معندكش خبرة أو مجربتش قبل كدة ممكن التاجر يضحك عليك أو الصنايعي علشان كده لازم نسأل .
مش كل نوع بوية أو فيلر أو معجون أو بوليش بيستخدمة الصنايعي يكون هو أحسن نوع (علشان في تظبيط)
:3_3_102[1]:
شكرا حامد باشا على اهتمامك والافاده
:satelite:
انا فهمت من كلامك ان السعر الكيلو من 70 :؟؟ والمصنعيه من 1000 الى 1500 والساده احسن من الناحيه العمليه والمقومه(يعنى 2140 وصنعيه + خامات) وعلى حسب نوع اللون ازاى؟؟!!:original: انا عربيتى بيضاء وكنت بفكر انى اعملها لونين اى رايك؟؟ ولو يوجد فرق فى التكلفه؟؟ وايه الخطوات اللى لازم اكون عامل حسابى عليها فى حاله انى اعمل نص العربيه ازرق سماوى فى رمادى فاتح:driving:
الصنايعي ممكن ياخد منك من 1300 الي 1800 بس مش ده سعر غالى شويه تقريبا ! ويايت لو حد يعرف اسعار اخرى يفدنا
ودى مصنعيه فرن ولا معجون ولا رش ولا ايه ياريت خطوات العمل بلخامات للافاده بطريقه ابسط
خلاص كده محدش عاوز يفدنا !!!:brn:
بص يا باشا في معجون مخصوص للفيبر لو عرفت تشتريه يبقي زي الفل و انت كده حافظت علي الاكصدام و لو مفيش يبقي قليل من معجون الحديد اقل كمية علشان مايفرقعش من علي الاكصدام و ممكن يخلطه بشوية بوية فرن علشان يعطيله شوية مرونة و شكرا
اولا شكرا ليك على موضوعك كان ليا استفسار ايه هى البويه الماجيك واسعارها وايه البدائل ليها
البويه الماجيك دي بويه بتدي كذا لون حسب زاوية الإضاءة يعني مثلا ممكن تشوفها أسود و كحلي وبني و موكا و نبيتي و نيلي
و علي حد علمي إنها ممنوعة في المرور و هي غالية جدا جدا جدا جدا جدا جدا جدا جدا جدا جد اجد ا ممكن سعر الكيلو منها يوصل من 800 جنيه إذا ماكنش أكتر أنها شوفتها في سوريا بويه ماركة ppg كان الكيلو بـــــ 800 دولار بس بويه بتدي 11 لون
ممكن حضرتك تضع رقم الموبايل الخاص بك.
انا عندي مشكلة في العربية والمشكلة دي عبارة عن خدوش في الصاج والاكصدام وجربت كذا حاجة وبرضة مفيش اي نتيجة و الحاجات اللي انا جربتها هي : كمبوند - بولش وزي ماقلت لحضرتك مفيش اي نتيجة تذكر. انا عربيتي لونها اسود ميتاليك. وياريت متنساش رقم الموبايل
الف الف شكر
طيب بالله عليكم عاوز رد سريع على كام سؤال علشان العربية داخلة تتشد بعد يومين بالكتير
1.لو فكرت أجيب سكينز ألماني ..تكلفني كام علشان أرش عربيتي الانسر الي في التوقيع
2.أنا هركب إكصدام أمامي تايواني إسود ..ده لازم يتعمل له حاجة قبل الرش علشان يتظبط والبوهية ماتقشرش من عليه.
3.أنا هرش الفيبر بتاع الابواب والقوايم وجزء من التابلوه أبيض ..يترش عادي
ولا لازم يتسنفر الأول ..ولا لازم يترش بحاجة قبل مايترش..مع العلم إنا عاوز اللون الأبيض يكون لامع مش مطفي.
وياريت الإفادة يارجالة بسرعة
وشكرا مقدما