أحمد سامي اتقلب بالعربية

**funy76** · 14-01-2010 10:53 AM

الف حمدلله على سلامتو المهم نطمن على الراجل دالوقتي ونتأكد انو ان شاء الله بخير ويقوم لينا بالسلامة وبعد كده . ان شاء الله هو يجي هنا المنتدى يطمنا عليه بنفسو .

بس يا جماعة أنا عايز أقول حاجة انا ساكن في 6 أكتوبر وكل يوم رايح جاي على المحور وعلى الرغم من الرادارات اللي على الطريق والمطبات بلاقي بجد والله من غير مبالغة ان مثلا حوالي أكتر من 70% من الناس بتمشي بسرعات رهيبة وأنا بقول لنفسي لا قدر الله لو عجلة ضربت قدام استحالة يسيطر على العربية مهما كان النوع أو الموديل .

الحمدلله أنا متزن في السواقة وبسوق بحرص ومش معنى كده اني بطيئ في السواقة لأ بالعكس سواقة كويسة تتسم بالهدوء وعدم الرعونة .

أنا بطلب من كل الاخوة اننا نحاول نمسك نفسنا شوية وبلاش تهور صحيح العربيات بتساعد والمواتير الجديدة للعربيات كلها ما شاء الله نعومة وقوة بس احنا لينا عقل لازم نمسك نفسنا واحنا اللي نسيطر على العربية مش هي اللي تسيطر علينا .

ربنا يقوم أخونا أحمد سامي بالسلامة وكلنا ان شاء الله نطمن عليه

**ASSASSIN** · 14-01-2010 10:54 AM

الف سلامة عليه ربنا يقومه بالسلامة

**hobiko** · 14-01-2010 11:01 AM

الموضوع هنا كان بيطمن على صحة دكتور أحمد
.......................

**mada121977** · 14-01-2010 11:02 AM

الف سلامه عليك يابو حميد وان شاء الله ربنا يعوضك بأحسن منها واهم حاجه انك بخير

**M.Mostafa80** · 14-01-2010 11:04 AM

حمد الله على السلامه يادكتور / أحمد وربنا يعوض عليك بالأحسن منها

**mrwho1982** · 14-01-2010 11:06 AM

المنتدي اتحسد ولا ايه

في ستين الف سلامة العربية المهم الاستاذ احمد يقوم بالسلامة

**ghazy12** · 14-01-2010 11:07 AM

المشاركة الأصلية كتبت بواسطة funy76

الف حمدلله على سلامتو المهم نطمن على الراجل دالوقتي ونتأكد انو ان شاء الله بخير ويقوم لينا بالسلامة وبعد كده . ان شاء الله هو يجي هنا المنتدى يطمنا عليه بنفسو .

بس يا جماعة أنا عايز أقول حاجة انا ساكن في 6 أكتوبر وكل يوم رايح جاي على المحور وعلى الرغم من الرادارات اللي على الطريق والمطبات بلاقي بجد والله من غير مبالغة ان مثلا حوالي أكتر من 70% من الناس بتمشي بسرعات رهيبة وأنا بقول لنفسي لا قدر الله لو عجلة ضربت قدام استحالة يسيطر على العربية مهما كان النوع أو الموديل .

الحمدلله أنا متزن في السواقة وبسوق بحرص ومش معنى كده اني بطيئ في السواقة لأ بالعكس سواقة كويسة تتسم بالهدوء وعدم الرعونة .

أنا بطلب من كل الاخوة اننا نحاول نمسك نفسنا شوية وبلاش تهور صحيح العربيات بتساعد والمواتير الجديدة للعربيات كلها ما شاء الله نعومة وقوة بس احنا لينا عقل لازم نمسك نفسنا واحنا اللي نسيطر على العربية مش هي اللي تسيطر علينا .

ربنا يقوم أخونا أحمد سامي بالسلامة وكلنا ان شاء الله نطمن عليه

أنا فاهم وجهة نظر حضرتك طبعا يا أستاذي و عندك حق... بس حابب الفت نظرك لحاجه بسيطه

على حد معلوماتي, الدكتور أحمد سائق متزن و غير متهور...
و لو بيجري أحيانا, فكلنا بنجري أكيد وقت اللزوم... و ربنا يبعد عننا جميعا شر الحوادث ان شاء الله

انا كل قصدي توضيح الفكره بس يا باشا...

و ربنا يطمنا عليه و الحمد لله انها بسيطه, و فداه 1000000 عربيه بجد والله...