فيــــــــــــــــــلم عــــــــــــــــــــــرب ي

**ahmdmagdy** · 14-01-2010 02:10 PM

المشاركة الأصلية كتبت بواسطة Terrible_DaRsH

طب هو ذنبه ايه !!

هو كده بياخد ثواب اكبر , انك لما ابنك يشوفه كده و يشوفه و هو الشعراوى يعرف ان ربنا هو الهادى و قادر يهدى اى حد و ده اكبر مثل ان باب التوبة مفتوح لاى حد ..

كلامك سليم جدا

**Pharaoh** · 14-01-2010 03:39 PM

المشاركة الأصلية كتبت بواسطة a7med_pharma

وعاوز أقول حاجة
أنا مش عاجبني ...ومش هتفرج
معاك
بس المراهقين الي ممكن يشوفوا الحاجات دي..ويُفتنوا بيها
يعمل إيه
ومش عاوزين نبدأ سلم التنازل واحده
واحده
واحده
واحده
واحده
واحده
واحده

لحد ماتوصل الأمور لشكل قبيح ...والحريه فعلا إنك لاتتعدى على حريه الأخرين
بس الي بيحصل ده تعدي على حريتي
وزي ماقولتلك - مثلا- موضوع لو جارك واقف عريان في البلكونه
المفروض بقا إنك تشجعه وتقوله :" إنت حر ..إقلع ملط وإجري في الشارع"

وذلك كـــ تلك

انا معاك فعلا ان مينفعش حد يقلع ملط و يقف قدامك
لكن مين قال ان المثل اللى انت ضربته دة مقابل للمناقشة اللى احنا بنتكلم فيها؟
ثم للعلم حتى الدول الغربيه اللى كلها حريات (مثال امريكا) ممنوع حد يمشى ملط فى الشارع و البوليس بيقبض عليه و يتحاكم
عارف ليه؟؟؟ احتراما لخصوصية الاطفال اللى مش مفروش يشوفوا راجل او ست بالمنظر دة

يبقى لما بنطالب بالحريه مترحش تجيب اقصى خيال ممكن حد يتخيله و تقولى ادى نتايج الحريه
لا فى حاجات تانية كتير
فى انك بتعيش بنى ادم فى بلدك
فى احترام للانسان فى اى مكان
مفيش تعذيب فى الاقسام
مفيش فساد فى البلد
فى عداله اجتماعيه
مفيش فرق بين غنى و فقير عند الدوله
فى بيئة نضيفة تعيش فيها من غير اسمنت ولا نشا
فى احتراك لشغلك يا دكتور (لاحظ الفرق بين اى صيدليه فى مصر واى صيدليه فى اوربا و امريكا) و شوف انت كدكتور مثلا ممكن تبقى بتبيع دوا فى صيدليه و ممكن يكون تخصصك زى برة انك انت اللى تقرر تدى للمريض اية
ناهيك عن الصيدليات اللى معظم شغلها ممنوعات واكيد انت عارف كويس

لا يا دكتور
فى فرق كبير اوى اوى لما تعيش فى مجمتع متقدم و بيحترم كل حقوقك و فى مقابلها ممكن تشوف فيلم فى لقطات مش ظريفة
و بين لما تبقى انت من جواك انسان محترم و مش قادر تعيش محترم فى بلد - غصب عنك - هتلاقى ابنك بيشم اسمنت فى صدرة و ممكن تجيبله لبن تلاقي فيه مواد مشعه

الخلاصة
انسى وجهه نظرك دى و جرب تتخيل انك عايش فى دوله محترمة فيها سينمات متعجبكش لكن عايش انسان بكرامه
وارجع تانى و سوق عربيتك فى شوارعنا الكريمة اللى هى عايش فيها خير امه اخرجت للناس و اختار انهى حياة تحب اولادك يعيشوها

**bmya** · 14-01-2010 03:54 PM

ياريت بس يا استاذpharaoh متخليش عصبيتك تدخلك في سكه غلط بالجمله الجميله اللي حضرتك قلتها دي :@:@

**A7MED_PHARMA** · 14-01-2010 10:28 PM

مش معنى إني عايش في بلد وضعها مقلوب ..إني أمشي مدلدل وداني وأشوف حاجات غلط وأسكت
أنا بقول لأ لكل شئ غلط
بقول لأ للفساد إلي حوالينا
بقول لأ للقرارات الحكويه والفساد الحكومي
بقول لأ للسرقة
بقول لأ لأفلام البورنو إلي مالية الدنيا حوالينا.

.
وزي ماقلت
مش عشان أنا عايش في بلد مليانة أخطاء
إني أعيش راضي بالأخطاء دي..وفيلم زي ده خطأ
......وأنا حاسس بحاجه كده من طريق كلامك
إنك مخنوق من البلد يإلي فيها ....أنا كمان زيك
بس ده وضع مقلوب ...ولو مش هتقدر تعدله ...على الأقل تنكره بقلبك

**A7MED_PHARMA** · 15-01-2010 12:03 AM

المشاركة الأصلية كتبت بواسطة tamer2020

يا جماعه ليس هناك علاقه بين التقدم و الانحلال أو بين التقدم و ألانضباط أى بمعنى أنك ممكن تكون متقدم بس منحل زى أوروبا أو ممكن تكون متقدم ومنضبط زى أندونيسيا ولك أنتختار ما بينهم - ها أيه رأيك تختار أيه ؟؟؟؟؟؟؟؟

+111111111111111111

واضح ان فرعون رابط بين الإنحلال والتقدم
والحريه لا توازي الانحلال ...انت حر ......حر في اي حاجه
لكن مش حر انك تتعدي على مشاعر الناس ودينهم
وبعدين فرعون لازم يفتكر اننا شعب متدين بطبعه

**ahmedyehia515** · 16-01-2010 07:40 PM

المشاركة الأصلية كتبت بواسطة Pharaoh

التقدم فى اى دوله من الدول لا يتحقق الا عندما تطبق الحريه و الديموقراطيه بشكل كامل
فى هذة البلاد لا توجد الحريات غير مختصة بمجالات دون الاخرى
حينما تطبق الحريه فى دوله معينه...معنى ذلك ان جميع مواطنيين الدوله لهم حق فى ان يفعلوا اى شىء...اى شىء...فيما عدا مخالفة القانون

اى شىء دة يشمل اى حاجة
يعنى اللى عايز يعمل افلام بورنو يعمل
واللى عايز يتفرج يتفرج
واللى عايز يبقى محترم هيكون محترم
والدوله بدورها تضمنلك انك متفتشفش حاجة غصب عنك
ومتتخيلش انك هتمشى فى الشارع تلاقى ناس قالعه ملط لان دة يعاقب عليه القانون

لما تطبق الحريات بشكل كامل هتلاقى كل المميزات اللى تخليك تعيش بنى ادم
وزى كل البنى ادمين فى الدنيا...فى الحلو وفى الوحش
احنا بقى نسمع حريات...منفتكرش غير المنيل بنيله
وننسى اننا ممكن نعيش ناس محترمين زى ناس كتيرة اوى ماهى عايشة

كل الدول تتقدم عندنا تطبق هذة المبادىء كامله - بدون فصال
هاتلى 5 دول تكون من الدول النص نص و يكون شعبها عايش فى رخاء

اكيد مش صدفه ان كل دول المتقدمه عندها تقدم و عندها (مظاهر انحلال) لاننا والحمد لله فى دولنا عندنا انحلال برده بس مستتر و اكيد انتوا عارفين كويس

مع الاحترام لكل الناس الراجل ده بيقول كلام سليم، فى اوروبا كل واحد بيعمل اللى هو عايزه قدام مش بيضر حد غيره ام المجتمع، بس مثلاً لو القناة بتذيع حاجة مش عاجباك، عندك 100000 قناة تانية و محدش جابراك على حاجة، انما فى بلدنا كل واحد بيحاول يقوم سلوك الناس اللى حواليه قبل ما يقوم سلوك نفسه، يا ناس ده فى التتر بتاع برنامج الطريق الصح كان معز مسعود بيقول ( ايوه اكره اى غلط و متكرهش الغلطان كن ممكن تكون انت مكانه و تكون فى التوبة طمعان...... ادعيله رنا يهديه). انما شوف كام مرة فى حيانك اليومية بتلاقى حد بينقد نص الناس و بعدين تلاقيه عمل حاجة أوحش بكتير.

رايى ان كل واحد يبقى قيّم على نفسه و بس و يدعى لبقية الناس بالهداية

و يا جماعة الاختلاف فى وجهة النظر لا يفسد للود قضية

**mamado_golf** · 16-01-2010 08:03 PM

المشاركة الأصلية كتبت بواسطة ahmed4000

صح ياعم سيب الناس تعمل اللى هى عايزاه
اللى عايز يقلع يقلع
واللى عايزين يعملوا اى حاجة فى اى جتة يعملها..طالما مبيعتديش على حريتى

وسيب العيال الصغيرة تتفرج وتفهم بس ازرع جواه انت الصح والغلط..و
لا عليه ايه متزرعش جواه حاجة سيبه هو يختار طريقه بنفسه
...هو انت وصى على ولادك...
ولما تلاقى بنتك زي اللى انت بتتريق عليهم دول متزعلش مهى دى الحرية
ولكن كن فخور بيها وقول احنا فى مجتمع حر مفهوش اوصياء على بعض