انا مش عندى بومه بس ركبت البومه قبل كدا كتير
1- لانسر عامة عربية عاملة ايه
اللانسر عامة بومه او غير بومه عربيه ممتازه وهى العربيه الشعبيه فى مصر بمعنى تداولها كتير جدا حيث تتميز بالسعر المناسب والكفائه الجيده اللى تسد الغرض وأكثر
2- ايه الفرق بين الكلاسيك وهاف اسبورت 1600
هتلاقى موضوع فى المنتدى بيتكلم باستفاضه عن الفروق دى اعمل سيرش هتلاقيه
3- هل عزل العربية (الضوضاء ) سي زي ما الناس بتقول ولا تمام
هوه مش سىء للدرجه لكنه يعتبر كويس ليس بعازل تماما عن الضوضاء وليس بسىء يعنى وضع مش هتضايق منه وتمام
4- قطع غيارها عامله رخيصة ولا غالية
قطع غيارها متاحه فى كل مكان مش بعيد تلاقيها عن البقال كمان :] وسعرها مناسب مش غالى وفى من القطعه اكتر من ماركه ونوع فيه الاصلى والتقليد وبيختلف فى السعر الميزه فى الامر ان قدامك اختيارات كتير ولست مجبور على شراء نوع واحد فقط
5- هل الكشف علي عربية في التوكيل في حالة ان الواحد بيشتري عربية (كشف شامل ) يغني ان ميكانيكي أو واحد فاهم في العربيات يختار معاك العربية
فى نظرى الكشف فى التوكيل افضل حيث بيكون دقيق وباجهرزة متخصصه وبيطلع تقرير لك موثوق فيه 100%
عكس الميكانيكى ممكن يطلع معدوم الضمير ويبيعك للبايع علشان غمزه ب 100 جنيه
نرجو عدم الكتابة باللون الأحمر لأنه مخصص للمداخلات الادارية فقط
مشرف القسم
المفضلات