السلام عليكم و رحمة الله
امبارح قريت في المنتدى مواضيع عن الزيوت التخليقية و المعدنيه
بس انا عايز اعرف الفرق بينهم
و استخدم انهي فيهم للمحرك بتاعي
عربيتي نوبيرا 2002
وكنت حاطط اخر مره موبيل hxp
ياترى اغيره ولا افضل مع موبيل ؟؟؟
عرض للطباعة
السلام عليكم و رحمة الله
امبارح قريت في المنتدى مواضيع عن الزيوت التخليقية و المعدنيه
بس انا عايز اعرف الفرق بينهم
و استخدم انهي فيهم للمحرك بتاعي
عربيتي نوبيرا 2002
وكنت حاطط اخر مره موبيل hxp
ياترى اغيره ولا افضل مع موبيل ؟؟؟
لو بتستعمل العربيه كتير
يعنى نقول كل 8 شهور مثلا أو أقل
وحتغير الزيت تانى على أساس تكون حتعمل 10 آلاف ( فى الفتره دى )
ممكن تستعمل تخليقى طالما المحرك تمام
ومبيأكلش زيت
يعني يا بشمهندس ينفع احط تخليقي بعد معدني و انه احسن فيهم ؟؟
ينفع عادى يا أخى
وكنصيحه بوجه عام
خللى أختيارك
حسب ظروف أستعمالك للسياره
1- مع الأستعمال الكتير للسياره كما أشرت لك من قبل
أستعمل تخليقى
2- لو أستعمالك للسياره قليل .......أستعمل معدنى
الف شكر يا هندسه على الافاده
الله يخليك
طيب يا باشمهندس ايه اسماء الزيوت التخليقية واسماء المعدنى؟؟ يعنى ايه انواع كل واحد منهم الموجود بالسوق؟؟؟
بالنسبه للزيوت وعلى حسب معرفتى ومدى أنتشار الزيت
تخليقى
1- موبيل 1 من أنتاج شركة موبيل
2- هيلكس ألترا ....من أنتاج شركة شل
3- كوارتز 9000 من أنتاج شركة توتال
معدنى
1- موبيل سوبر xhp .........شركة موبيل
2- هيلكس سوبر الأصفر .......شركة شل
3- كوارتز 5000 .........شركة توتال
فيه طبعا شركات زيوت تانيه كتير
( أسو - كالتكس - التعاون - مصر للبترول )
بس أنا شخصيا بأحب منتجات الشركتين ( موبيل أو شل )
معلش يا أستاذ سمير كنت عاوز أسأل شوية أسئلة متعلقة بنفس الموضوع وهي:
أنا كان استهلاكي عالي وباستخدم زيت موبيل 1 الـ10000كيلو وبعدين الحال اتغيروأصبح استهلاكي قليل
1-هل من الممكن تغيير نوع الزيت دون حدوث مشاكل؟
2-هل يجب تغيير نوع الزيت، بمعنى إني ممكن أحقق 10000 كيلو كل سنة ونصف؟
يا جماعه
انا قرأت كتيير اوى فى مواقع امريكيه و اوروبيه انك لو كنت بتستعمل زيت مثلاً تخليقى بقالك 70000كم او ازيد متغيرش لمعدنى و العكس تماماً
لو الموتور جديد و انتا استعملت حاجه منهم مره و عايز تغيير للتانى اوك بس اثبت على نوع منهم
والله اعلم مواقع كتيير بتقول التخليقى احسن بكتيير بغض النظر عن موضوع 5000 او 10000 كيلو , هما بيكلموا ان تصنيع التخليقى فى المعامل بالكامل بيخليه افضل مع المحركات بتاعيت ديلوقتى
طيب هل لازم أعمل oil flush قبل ما أغير من معدنى لتخليقى بالرغم من انى قرأت على الانترنت ان عملية ال oil flush ده غير مستحبة وممكن تسبب مشاكل كبيرة جدا ؟؟؟؟ بالرغم انى كنت قرأت فى احد ردود المهندس سمير على واحد عنده مشكلة صوت عالى فى الموتور انه ممكن يعمل العملية ده كتنظيف للبلوف على ما أذكر
يعني نعمل اويل فلش قبل ما استخدم التخليقي ولا استخدمه على طول
مالوش لزمه عمل الفلشنج
طالما الأمور تمام
وغير عادى من معدنى لتخليقى
طالما صوت المكنه مقبول
أما أحنا بنلجأ للفلشنج
حينما تضطرنا الظروف
قبل التدخل الجراحى والتعامل مع منطقة التاكيهات
ايه اللخبطة دي بقى
مش عارف الصراحهاقتباس:
ايه اللخبطة دي بقى
نتمنى تتفك اللخبطه دى
واضح اني عكيت!
:(
انا استخدمت شل المعدني (العبوة الصفراء) لمسافة 30 ألف كم و عند صيانة الـ30 ألف قلت اجرب التخليقي (شل الترا) و شغال بيه حاليا (34 ألف كم حالياً) بس من ساعة ما استخدمته و انا ملاحظ ان صوت المحرك اعلى و اكتر خشونة .. و كنت اتكلمت في الموضوع دا قبل كدا .. اعتقد من الأضل اني ارجع للمعدني و خلاص خصوصاً ان مشاويري مش كتير (34 ألف كم في اكتر من سنتين)
الصفحه ديه فيها المفيد كلُ
Car Bibles : The Engine Oil Bible
بص هنا واحد من أهم المواقع اللي بتتكلم عن العربيات
بيقولك ما تستخدمش التخليقي إذا كنت استخدمت المعدني مدة طويلة , إلا لو عملت فلاش
أما لو كنت بتستخدم تخلقي وعاوز تحول للمعدني , يتم التحول بالتدريج و ليس مرة واحدة
Car Bibles : The Engine Oil Bible
اقتباس:
[OVERLINE]Mixing Mineral and Synthetic oils - the old and busted concepts[/OVERLINE]
For the longest time, I had this to say about mixing mineral and synthetic oils:
If you've been driving around with mineral oil in your engine for years, don't switch to synthetic oil without preparation. Synthetic oils have been known to dislodge the baked-on deposits from mineral oils and leave them floating around your engine - not good. It's wise to use a flushing oil first.
If you do decide to change, only go up the scale. If you've been running around on synthetic, don't change down to a mineral-based oil - your engine might not be able to cope with the degradation in lubrication. Consequently, if you've been using mineral oil, try a semi or a full synthetic oil. By degradation, I'm speaking of the wear tolerances that an engine develops based on the oil that it's using. Thicker mineral oils mean thicker layers of oil coating the moving parts (by microns though). Switching to a thinner synthetic oil can cause piston rings to leak and in some very rare cases, piston slap or crank vibration.
Gaskets and seals! With the makeup of synthetic oils being different from mineral oils, mineral-oil-soaked gaskets and seals have been known to leak when exposed to synthetic oils. Perhaps not that common an occurrence, but worth bearing in mind nevertheless.
شكراً لإهتمام حضرتك..
فعلاً كلام car bibles بيقول ان اللي انا عملته غلط!
انا اللي ذكي.. كنت عايز اريح نفسي لأطول فترة ممكنة... بحب اجرب (مع اني قريت و الله)
شكلي هغيره بكرة على طول ...
أنا أخدت الجزئيه دى من الأقتباس
علشان أراجعها بعدين
اقتباس:
i'm speaking of the wear tolerances that an engine develops based on the oil that it's using. Thicker mineral oils mean thicker layers of oil coating the moving parts (by microns though). Switching to a thinner synthetic oil can cause piston rings to leak and in some very rare cases, piston slap or crank vibration.
أرجو توضيح هذا المعنىاقتباس:
الزيت المعدني رسب كربون خلاص فالتخليقي مش حيزيت البساتم
والكربون اللى رسبه المعدنى أترسب فين بالضبط
طيب دلوقتى نا عايز اعرف ازاى التخليقى اميزه من المعدنى
وثانيا انا بستخدم زيت نيسان لسيارات نيسان وده الى بيحه التوكيل بس خلاص انا اخر صيانه هعملها كمان اسبوع
فا احط زيت ايه بالظبت مع انى مش عارف ايه النوع الى بيحطه التوكيل يعنى معدنى ولا تخليقى
وشكرا ارجو الافاده
تحياتى
يعنى معنى كلامك أن التخليقى لونه مبيتغيرش من أول تشغيله وحتى ميعاد تغييرهاقتباس:
واللون الاسود اللي الناس بتشوفه في الزيت القديم ناتج عن ترسبات الكربون اللي هو مكون أساسي من مكونات الزيت المعدني
وهل قاعدته الأساسيه مفيهاش كربون
زى اللى فى المعدنى
بص مسألة اللون قد يكون ليها عناصر أخرى , بس ان عندي تجربة طويلة مع موبيل ون أجيبك أيوة لونه ما بيتغيرش مهما قعد
أما موضوع قاعدة الكربون فأعتقد إن مافيش زيت في الدنيا مفيهوش كربون , إنما قطعا إن التخليقي لا يرسب أي كربون على البساتم قد يرجع ذلك إنه لا يتم حرقه داخل الموتور
دا انا مرة قرأت واحد كاتب إنه يتحدى أي حد يثبت إنه لازم يغير الزيت التخليقي أصلا , وبيقول إنه عمر الزيت من عمر الموتور ولا يهلك !!!! وإن موضوع 10.000 والكلام ده نصب تجاري
صدقتاقتباس:
بص مسألة اللون قد يكون ليها عناصر أخرى
فتغير اللون ليس له علاقه بنوعية الزيت
ولكن له علاقه بنواتج الأحتراق التى يتم تشتيتها داخل الزيت
وحدوث هذا الوضع معاك
ليس له تفسير الا أن نوع الزيت اللى أنت غيرته فى ذاك الوقتاقتباس:
بس ان عندي تجربة طويلة مع موبيل ون أجيبك أيوة لونه ما بيتغيرش مهما قعد
نوع مضروب ( مغشوش )
ولا يحتوى بنسبه جيده على أضافة التشتيت والتنظيف
والتى هى مكون أساسى من مكونات تصنيع الزيوت
بلاشكاقتباس:
أما موضوع قاعدة الكربون فأعتقد إن مافيش زيت في الدنيا مفيهوش كربون
مفيش حاجه أسمها زيت يتحرق داخل المحركاقتباس:
إنما قطعا إن التخليقي لا يرسب أي كربون على البساتم قد يرجع ذلك إنه لا يتم حرقه داخل الموتور
ألا أذا حدث خطأ فجائى فى دايرة تبريد المحرك
وتعرض الزيت لحراره متناهيه للغايه
وحدث تكسير حرارى للزيت
اللى كتب الكلام دهاقتباس:
دا انا مرة قرأت واحد كاتب إنه يتحدى أي حد يثبت إنه لازم يغير الزيت التخليقي أصلا , وبيقول إنه عمر الزيت من عمر الموتور ولا يهلك !!!! وإن موضوع 10.000 والكلام ده نصب تجاري
أسمحلى
أاقولك أنه ( هجاس )
الحقيقة انا متردد برضه اني ارمي الزيت التخليقي و ارجع للمعدني خاصة انه لسة ممشتش عليه غير 4 ألاف كم فقط! فقولت اقرأ شوية برضه لقيتهم بيقولوا:
بعيداً عن صوت المحرك اللي انا حاسس انه اكتر خشونة المحرك الحمد لله محافظ على حرارته الطبيعية دائماً (لكني لاحظت ان الزيت التخليقي بياخد وقت اكتر على مايوصل لدرجة الحرارة الطبيعية!)اقتباس:
there is no scientific data to support the idea that mixing mineral and synthetic oils will damage your engine. When switching from a mineral oil to a synthetic, or vice versa, you will potentially leave a small amount of residual oil in the engine. That's perfectly okay because synthetic oil and mineral-based motor oil are, for the most part, compatible with each other. (the exception is pure synthetics. Polyglycols don't mix with normal mineral oils.)
there is also no problem with switching back and forth between synthetic and mineral based oils. In fact, people who are "in the know" and who operate engines in areas where temperature fluctuations can be especially extreme, switch from mineral oil to synthetic oil for the colder months. They then switch back to mineral oil during the warmer months.
ان شاء الله متابع الزيت ... و محتاج رأي حضراتكم برضه
دلوقتى أنا ما كانش عندى معلومات عن الزيت نهائيا (تخليقى أو معدنى و غيره) كنت فاكر انه بيغلى عشان بيعد كيلوهات أكتر. (اسف لجهلى)
المهم دلوقتى أنا معايا فيرنا 2010 وعامله 2500 كم فقط و حطيت فى الألف كم شل اللأصفر (السوبر) أعمل ايه فى ال5000 :
1- هما عندهم كوارتز 9000 التخليقى (مركز معتمد للصيانة أبو غالى) بس فى الغالب انا مش رايح التوكيل تانى
2- أجيب أنا زيت تخليقى تانى من بره (ايه نظام بتاع إمارات مصر و معبأ فين)
3- أكمل معدنى و أحط إضافات زى موضوع أوميجا ده
ولو همشى تخليقى لازم أعمل فلاش للموتور وهاقضيها تخليقى لغاية امتى (أقصد كام ألف كم) عشان كان فى ناس بتقول لما الموتور يقدم اقلب معدنى فيقدم ديه مش واضحة
وهل و أنا بجيب زيت تخليقى أتأكد انه من بره مصر عشان الغش اللى عندنا
و شكرا جدا
ما هو أنا كنت لسه عاوز أسأل , هو اللي حاطت معدني في عربيته عاوز يغير ليه ؟
واللي حاطت تخليقي , عاوز يغير لمعدني ليه ؟؟
ما كل واحد يكمل باللي العربية متعودة عليه و يبعد عن الصداع ده ؟
الميزة الوحيدة في التخليقي إنه بيعمل طبقة سميكة لا تنسحب عن الأجزاء العلوية بالركنة , فلما بتدور الصبح بيكون الزيت لزج ومغطي الأجزاء القابلة للإحتكاك , فلو كنت بتحط معدني يا سيدي سخن دقيقتين قبل ما تطلع الصبح ووفر فلوسك !!!
والحكة بتاعة الدوارة بتأثر على عمر الموتور بدل ما بيعيش 20 سنة حيعيش 15 , وهو أنت كنت ناوي تقعد العربية معاك أكتر من 10 سنين ؟؟
ولو بتحط تخليقي , فالحكومة ناوية تاخدها منك برضه على العشرين بقانون التكهين , فكده كده مش فرقة
خلي العربية تمشي بالزيت اللي المصنع منزلها بيه
وريح بالك خالص
http://www.nilemotors.net/Nile/3872293345-post17.html
انا حولت من معدني لتخليقي عشان كنت عايز اريح دماغي و اغيره كل 10 ألاف كم مع الصيانات و خلاص و عشان برضه موضوع انه المفروض يسخن اسرع (لكن حصل العكس! العربية بتاخد وقت اطول عشان توصل حرارتها الطبيعية)
اولا اشكرك بشده على ردك المفيد بس كنت عايز كمان استفسار هل موبيل 1 الى بيحطوه هو تخليقى ولا معدنى
واوزى هما بيستخدموا موبيل 1 الصفيحه بيبقى مكتوب عليها نيسان
ارجوا التوضيح
تحياتى
انا عايش فى قطر فا موكن مصر يكون الوضع مختلف
هل الزيوت الى بتبقى 10000 دايما بتبقى تخليقى
شكرا على تعبك معايا تحياتى