الموضوع: ماهي افضل عربيه هاتشباك 2010

المشاركة الأصلية كتبت بواسطة ehab_mansour

لا طبعا ما اتسرعتش
عايز اقول لحضرتك ان لن تندم ابدا بعد امتلاكك لهذه السيارة وعايز كمان اقول ان ملاك الابيزا والليون وكمان مجموعة فولكس كلها تقريبا بطلو يدخلو في نقاشات ومقارنات مع اي حد لأنك بتلاقي كلام كتير وصداع مالهوش اي لازمة عايز تعرف مميزات وامكانيات الابيزا من اول 94 وحتي الأن تفضل ادخل وقلب ودور كويس في منتدي سيات وانت هتعرف كل حاجه

و اكيد انت شايف كمان ان حتي لما بيدخل اي واحد بيشكك في اي عربية في منتدي سيات ماحدش بيرد عليه لأن خلاص زهقنا كل واحد بيفتي في كلام مش عارفه وانا عارف ان هلاقي هجوم علي كلامي لكن بطلت اتعصب وارد خلاص
والله المستعان

صباح الخير يا ايهاب تسمحلي اختلف معاك في بعض كلامك " انا عايز اختلف وخلاص "
مش ينفع نقول " خلاص زهقنا " انا لا مع سيان ولا ضدها انا واحد مثلا مقبل علي شراء عربيه ومحتار بين الابيزا واللينيا وزيي كتيير واكيد اللي زيك وغيرك من ملاك سيات اللي زهقوا :) من واجبهم يعطونا رايهم وخبرتهم ومفيهاش حاجه لما نتناقش ونتجادل ونقطع هدوم بعض كمان المهم في الاخر نخرج كسبانين بعض حتي لو رسيت في الاخر علي توكتوك
وسؤال يا drmasho انت حجزت الابيزا فين وقالولك ايه وبكام يا ريت تكلمنا شويه عن الموضوع ده

المشاركة الأصلية كتبت بواسطة ehab_mansour

الله ينور عليك لكن دايما لما بتتكلم مع الناس في حقائق كتييييييير برضه بيكدبو الحقائق دي ويقلك ( ده بيقولو - بيتهيئلي - أعتقد - ده اللي بسمعه - ده المعروف عنها ) يعني كلام سماع فقط
مثلا تيجي تقارن بين قطع الغيار والصيانات للسيراتو مثلا والابيزا والمشاكل اللي بتظهر في العربيات ومعاملة التوكيل وتقول للناس علي كل ده من خلال حقائق يقلك ده كلامك غلط دانا بسمع انها غالية هو كده بالعافية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في الأخر كلهم شوية صاج واللي بيصنعهم مش من ديننا اساسا عشان ندافع عنه يعني كسب خسر مش هنستفيد بحاجه من وراه بس انا بحب كل حاجه تاخد حقها سواء كويسه او سيئة

انا شايف ان الابيزا بالسعر اللي اشتري بيه حاتم هي احسن اختيار بلا منازع في فئتها لكن بعد الارتفاع ما نقدرش نقول كده!!!!!!! ناس جشعه هنعمل ايه

انا معاك في الكلام ده وبجد تكون حاجه تغيظ لما يكون واحد لم يجرب العربيه وبيكلم شخص معاه العربيه ويقوله سمعت ويغلطه - حاجه مستفزه

وطبعا مش ينفع مثلا نقارن الابيزا بالسيراتو دي حاجه ودي حاجه وبص للاتنين بعد سنتين وهتعرف

يا ايهاب المفروض اننا كمصريين ندور علي مصلحتنا احنا كمستهلكين انما الشغل السماعي ده والناس اللي بتشتري علي الاشعات والسمعه بيدي فرصه للتوكيل انه يمص في دمنا اكتر زي منصر وغبور وغيرهم

بس قولي ايه رايك في اللينيا لو قارناها بالابيزا رغم انه بعد ارتفاع سعر الابيزا الابيزا اغلي ب 15 الف واهو حاتم بيقول الراجل بيقوله مفيهاش غير ABS
وعلي فكره انا من الناس اللي بتفرح لما اقول معرفشي لاني فعلا معرفشي وعشان كده بقالي اسبوع في المنتدي هنا بسمع وبسأل وبدور عشان لما اشتري عربيتي ان شاء الله اكون جايب عربيه انا اللي مقتنع بيها مش عشان منتشره او اي سبب تاني - بس عشان انا شايف انها تستحق المبلغ اللي هيدفع فيها حتي لو ربع جنيه مخروم

وانا عامل استطلاع بين الابيزا واللينيا يا ريت تشرفونا فيه وتدونا {ايكم اللي اكيد هيفيد ناس كتير غيري واتمني يكون صدرك رحب يا ايهاب للمناقشات والاستفزاز :)