دلوقت بس عرفت ليه الأخ شاهين بنز بيشتم اللانسر
العربية خزلتني جامد الفرامل بقت سيئة جدا لدرجة اني خبطت واحد وانا كنت ماشي على سرعة 15 كم
عربيات ورق
دلوقت بس عرفت ليه الأخ شاهين بنز بيشتم اللانسر
العربية خزلتني جامد الفرامل بقت سيئة جدا لدرجة اني خبطت واحد وانا كنت ماشي على سرعة 15 كم
عربيات ورق
الأخ شاهين بنز أكيد بتتكلم عن 124 بس مش واخد بالك
من يومين كنت مع واحد صاحبي في مشاوير كتير و كانت فرصة كويسة اني أشوف ايه أخبار اللانسر...هيه 1600 موديل 2007 مانيوال..
أولا: معجبنيش خامات التابلوه..و حسيت انها فقيرة من جوه
ثانيا: مكنتش مرتاح خالص في القعدة...ورا و قدام...و العفشة كانت ناشفة و صوتها عالي.
ثالثا: صوت الموتور كان عالي قوي...مع ان الواد مابيقرصش ولا بيعدي ال 3.5 Rpm بس الصوت كان مسموع بدرجة كبيره
باختصار أنا شايفها عربية كويسة كاستحمال و قطع غيار و اعادة بيع و انتشار و صيانة...لكن مش أكتر من كده...
ده رأيي الشخصي...أرجوكم انا رفيع و مش هاستحمل المدافع الرشاشة بتاعتكم:D:D:D
ياجماعة حيرتووووووووووووووووووني كنت خلاص هاشتري لانسر مستعمل موديل 2001 او 2002 وكنت بابحث بجدية لأن دي امكانياتي فحدود 55000 جنيه والأخ العزيز قلقني مع ان كتير نصحوني بها وياريت لو حد عنده اقتراح لسيارة مماثلة فأمكانياتها وفحدود المبلغ اللي قلتلكم عليه مش عشان رأيي اتغير بس عشان فرصة البحث تكون اكبر واسفة اني اول مرة ابعت لكم اطول عليكم كده...وشكراااااااااااااااا ااااا
ولا يهمك حضرتك من كل ده
ده نقاش نظري بعيد عن الواقع نوعا ما , السيارات اللانسر من أقوى السيارات في مصر و أكثرها انتشارا (ان لم تكن الأكثر فعلا)
أنا امتلك سيارة لانسر 2002 و السيارة اكثر من ممتازة و أصيلة بجد و موضوع صوت الموتور و العفشة الناشفة دي لن تلاحظيها الا اذا كنتي بتقارنيها بسيارة اخرى (يعني لا تعيب الاستخدام بتاتا)
السيارة الموديلين دول ثباتها معقول و سحبها كويس و قطع غيار منتشرة و اعطال =0%
لو نويتي توكلي على الله بدون خوف بس ابحثي عن سيارة حالتها كويسة و ماشية كيلوات قليلة
:)1000شكر يا استاذ احمد طمنتني خصوصا انك من ملاك اللانسر يعني عارفها كويس بس اكيد لها عيوب . وياريت تقول لي الموديلين اللي انا قلت عليهم تكون العربية عاملة لحد كام كيلو تقريبا يكون معقول وشكرااااااااااا:):):):)
1000 شكر وياريت لو قدرت تفيدني فأقر وقت على اسئلتي بالنسبة للعيوب الفعلية وعدد الكيلوات اللي تكون عاملاها
شوفى يا اختى العزيزة
انا برده من اصحاب اللانسر و ها اقول لك على رايي و تجربتى
باختصار العربية جيدة جدا فى نواحى كتير و لا تخلو من الملاحظات (يسميها البعض العيوب)
تقييمها باختصار:
الاعتماديه: يعنى قلة الاعطال و سهولة الاصلاح مع توافر قطع الغيار
****جيدة جدا
راحة الركاب: الكراسى و قعدتها بالذات فى الرحلات الطويلة
***جيدة
الهدوء و النعومة: يعنى صوت الموتور و الكوتش داخل الصالون
***جيدة (ناعمة بس فى بعض عربيات فى فئتها انعم منها)
تحمل العفشة للمطبات: هل تقدر تمشى بيها فى اماكن مكسرة بدون ما تخاف
*****ممتاز
نعومة العفشة: مدى احساس الراكب بعيوب الطريق (مطبات و عيون القطة و فواصل كبارى)
** متوسطة
الثبات: مع السرعت العالية و المنحنيات
**** جيدة جدا
سلاسة القيادة: الدركسيون و الدواسات و خلافه
*** جيدة
تكلفة التشغيل: بنزين و صيانة الخ
****جيدة جدا
العربية ككل:
**** جيدة جدا و هى الافضل فى حدود ميزانيتك
و لو عندك اى استفسار تحت امرك
بالتوفيق ان شاء الله
يا جماعة معايا لانسر 1600 اوتوماتيك خليجى ورايى عربية شديدة فى السحب بس بعد ال 100 كم\ساعة تلاقى الموتور على جدا ومبيديش السرعة المتوقعة من الصوت ده وكمان بتستهلك بنزين كتير او يمكن عشان تانك 45 لتر فقط لما سالت ناس قالولى عشان خليجى لازم اغير خراطيم الحقن الالكترونى محتاج اتاكد رجاء الافادة